Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen.
Sentraladministrasjonen er organisert i sju avdelinger. Les meir om forskningsadministrativ avdeling her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorrådgjevar – forskingsinfrastruktur
Forskings- og innovasjonsavdelinga har viktige forskingsstrategiske støtteoppgåver for fagmiljø og leiing. Avdelinga legg blant anna til rette for universitetet sine satsingar på framifrå forsking, forskarutdanning, innovasjon, internasjonalt samarbeid og berekraft. Ei stor del av forskinga ved universitetet er finansiert av midlar henta frå EU og Forskingsrådet, og forskingsprogram knytt til framifrå forsking har ei særskild strategisk betyding for UiB. Den samla eksternfinansierte inntekta til universitetet utgjer i 2020 over ein milliard. Avdelinga har tre seksjonar og til saman 33 tilsette.
Avdelinga lyser nå ut eit fast stilling som seniorrådgjevar som skal jobbe med rådgjeving og prosjektstøtte knytt til «Nasjonal satsing på forskingsinfrastruktur» og EUs rammeprogram for forsking og innovasjon. Stillinga er knytt til Seksjon innovasjon og vil følgje opp søknadar og prosessar knytt til infrastrukturprogramma i Norges Forskningsråd og EUs rammeprogram Horisont Europa. UiB har store forskingsmiljø som er avhengig av tilgang til avanserte teknologi og relevante samarbeidsnettverk og infrastrukturprogramma er ein viktig finansieringskjelde for fagmiljøa ved universitetet.
Forskings- og innovasjonsavdelinga skal følgje opp deler av universitetets politikk for open vitskap. I samarbeid med seksjonen skal seniorrådgjevaren også følgje opp avdelinga sitt arbeid med open vitskap. Seksjonen vil også følgje opp universitetets overordna samarbeid med NORCE og seniorrådgivaren vil bidra i arbeidet med å følgje opp den institusjonelle samhandlinga med forskingsselskapet.
Seniorrådgjevaren må følgje utviklinga på saksfelta knytt til forskingsinfrastruktur og open vitskap både nasjonalt og internasjonalt og vil arbeide i eit team med svært engasjerte og dyktige kollegaer på tvers av hele avdelinga. Den som vert tilsett vil sjølv kunne bidra i utvikling av området og stillinga. Vi ynskjer deg velkomen til å vere med på dette laget.
Arbeidsoppgåver:
Samarbeide med UiBs fakultet, leiing og avdelinga om å auke gjennomslag i nasjonale og internasjonale forskingsprogram knytt til framifrå forsking, med vekt på utlysingar innan forskingsinfrastruktur.
Gje råd og støtte til forskarar som skal søkje om eksternfinansiering knytt til forskingsinfrastruktur, og koordinere søknadsprosessar saman med desse.
Bidra til å utvikle gode rutinar for UiB si oppfølging av infrastruktur og søknadsarbeidet
Ivareta sekretærfunksjon for relevante utval
Vere en pådrivar for utvikling av nye prosjekter og aktivitetar i samarbeid med leiinga, forskarar og fagmiljø ved UIB
Gje råd og bidra i avdelinga sitt arbeid med open vitskap
Bidra i UiB sitt arbeid med forskingselskapet NORCE og arbeid med å auke gjennomslag i nasjonale og internasjonale forskingsprogram knytt til innovasjonsaktiviteter
Delta i utvikling og gjennomføring av kurs for forskarar
Andre oppgåver kan bli aktuelle ved behov
Kvalifikasjonar og eigenskapar:
Kompetanse på minst masternivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
Erfaring frå forskings- og innovasjonsfeltet, eksternfinansiering og prosjektoppfølging
Solid kunnskap om EU og Forskingsrådet sine forskingsprogram, med vekt på infrastrukturprogramma
Solid utgreiings- og saksbehandlarerfaring
God kjennskap til det norske universitets- og forskingssystemet
Erfaring med å halde presentasjonar og kurs er ein føremon
Erfaring frå prosjekt- og prosessutvikling er ein føremon
God munnleg og skriftleg framstillingsevne på norsk og engelsk
Personlege eigenskapar:
Gode samarbeids- og kommunikasjonseigenskaper
Systematisk, analytisk og evne til sjølvstendig oppfølging og gjennomføring av arbeidsoppgåver
Initiativrik, fleksibel og serviceinnstilt
Opptatt av kunnskapsdeling og utvikling
Evne til å sette i gang, leie og evaluere prosessar og halde oversyn over fleire parallelle arbeidsprosessar både hos seg sjølv og andre
Personlege eigenskapar for stillinga vil bli lagt vekt på
Vi kan tilby:
Ei avdeling i spanande utvikling
Utfordrande arbeidsoppgåver i eit kompetansemiljø med gode vilkår for fagleg og personleg utvikling
Triveleg og internasjonalt samansett medarbeidargruppe med stor fagleg tyngde
Løn som seniorrådgjevar (kode 1364) i lønssteg 68-77 i det statlege lønsregulativet (For tida kr. 618 600 - 744 600 brutto). For særskild kvalifiserte søkjarar kan ein vurdere høgare løn
Medlemsskap i Statens pensjonskasse
Stilling i ei inkluderande arbeidslivsverksemd (IA-verksemd)
Utfyllande opplysningar om stillinga kan ein få ved å vende seg til:
Fungerande seksjonssjef, seksjon Innovasjon, Magnus Holtermann, 55 58 49 89 eller
Direktør Forsking- og innovasjonsavdelinga Benedicte Løseth, 916 03 900
Ved behov kan andre oppgåver leggjast til stillinga
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
