Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Fakultet for helse- og sosialvitskap har om lag 500 tilsette og om lag 4900 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram.
Fakultetet tilbyr ph.d.-utdanninga "Helse, funksjon og deltaking". I tillegg har Fakultet for helse- og sosialvitskap ansvar for forskingsområdet: "Innovasjon i offentleg sektor" i ph.d.-utdanninga Responsible Innovation and regional Development (RESINNREG), som er eit samarbeid på tvers av fakulteta.
Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena. Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.
Ved Høgskulen på Vestlandet (HVL), Fakultet for helse- og sosialvitskap er det ledig melombels 100% stilling som HR rådgjevar i fakultetsadministrasjonen
Vikariatet er ledig omgående og til og med 31.07.2024, med mogelegheit for forlenging.
Arbeidsplassen er ved ein av HVL sine fem campus: Førde, Sogndal, Bergen, Stord eller Haugesund.
Ansvars- og arbeidsoppgåver:
Kartlegge og utarbeide analysar knytt til kompetansebehov i fakultetet med utgangspunkt i bestillingar frå leiargruppa
Rapporterings- og utgreiingsarbeid som skal bygge opp under den strategiske utviklinga av fakultetet
Støtte fakultetsleiinga i arbeid med rekruttering, kompetanseutvikling og bemanning
Fagleg ansvar for og utvikling av arbeidsområdet
Samarbeid med tilsette i fellesadministrasjonen og administrasjonane på kvart enkelt campus
Oppfølging og utvikling av arbeidsplanarbeid i samarbeid med fakultetsleiinga
Oppfølging og utvikling av kompetansekartleggingsverktøy i samarbeid med HR sentralt
Leiarstøtte innan HR-relaterte tema som personaladministrative saker, fråvær og løn
Sakshandsaming og organisering av partsamarbeid på fakultetsnivå (ID møter)
Sakshandsaming av særavtalar, praktisering og handsaming i fakultetet
Utvikling av administrative rutinar og verktøy på fakultet og på fellesnivå
Andre oppgåver kan bli aktuelle etter behov
Kvalifikasjonskrav:
Formell utdanning og kompetanse:
Relevant høgare utdanning, fortrinnsvis på masternivå
Administrativ erfaring og kompetanse innan fagområdet, og gjerne erfaring med HR arbeid i ei større verksemd
Solid kjennskap til bruk av administrative datasystem og generelt god IKT-kompetanse
Gode skriftlege og munnlege språkkunnskapar i norsk og engelsk
Det er og ønskeleg med:
Relevant erfaring frå saksbehandling i offentleg sektor, gjerne UH-sektoren
Personlege eigenskapar:
Gode kommunikasjons- og samarbeidsevner
Evne til å ta initiativ, jobbe sjølvstendig og i team
Stor arbeidskapasitet og god serviceinnstilling
Fleksibilitet og fagleg engasjement
Systematisk og opptatt av kvalitet
Vi tilbyr:
Gode pensjons-, forsikrings-, og låneordningar i Statens pensjonskasse
Spennande fagmiljø med moglegheit for kompetanseheving - og utvikling
Høve for trening i arbeidstida
Stillinga som Rådgjevar er løna etter Statens lønsregulativ, i stillingskode 1434 - rådgjevar.
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka ”Søk stilling” på denne sida.
Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.
Søkjar med utenlandsk utdanning må i tillegg legge ved NOKUT si generelle vurdering om at utdanninga (bachelor- og mastergrad) samsvarar med norsk mastergrad. Sjå www.nokut.no for meir informasjon om vurdering av høgare utdanning. Vi gjer merksam på at søknad om vurdering frå NOKUT kan ta tid og søknaden bør sendast så tidleg som mogleg når du veit du vil søkje stipendiatstillinga. Dersom du ikkje har fått svar innan søknadsfristen, legg du ved dokumentasjon frå NOKUT om at dei har mottatt søknaden din.
Søknadar kan ikkje sendast på e-post til enkeltpersonar ved høgskulen.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.
Kontaktperson ved Høgskulen på Vestlandet er:
1) Administrasjonssjef Trude Engebretsen, telefon 55 58 78 86