Gjennom forsking, utdanning og samfunnsdeltaking, bidreg Nord universitet til å skape ei berekraftig framtid med utgangspunkt i vår geografiske lokalisering. I samarbeid med samfunns- og næringsliv i Nordland og Trøndelag, fremjer våre 11 500 studentar og 1 350 tilsette innovative løysningar og kunnskapsbasert praksis, lokalt og internasjonalt.
Nord universitet har fire strategiske satsingsområde: blå og grøn vekst, berekraftig innovasjon og entreprenørskap, samfunnssikkerheit og helse, velferd og oppvekst.
Fakultet for sjukepleie og helsevitskap (FSH) har ansvar for utdanning, forskning og formidling innanfor ulike helsevitenskaplege fagområde. Vi tilbyr mellom anna grunnutdanning i sjukepleie, vernepleie, paramedisin og farmasi.
I tillegg tilbyr vi fleire praksisnære masterprogram, vidareutdanningar og kortare studium, samt tverrfagleg doktorgra (ph.d.) i profesjonsvitskap. Vi utviklar kunnskap for helsepersonell til framtidas helse- og verferdstenester med fokus på livslang læring. FSH har 2200 studentar og 250 tilsette. Det faglege miljøet er organisert i faggruppene Helse og samfunnsdeltaking, Omsorg og sjukepleiefag, Helsetenesteinnovasjon, samhandling og leiing, Helseberedskap og akutt behandling, samt Senter for omsorgsforskning midt.
For meir informasjon, se fakultetets nettsider: Nord.no/FSH
Er du vår nye engasjerte og nysgjerrige medarbeidar som brenn for økonomiarbeid?
Om stillinga
Ved Nord universitet, Fakultet for sjukepleie og helsevitskap er det ledig ei fast 100 % stilling som seniorkonsulent/rådgjevar økonomi for snarleg tiltreding. Kontorstad er ved campus i Bodø.
Vi søkjer ein engasjert og nysgjerrig person med kompetanse innan økonomi og rekneskap som kan bidra til styring og kontroll med fakultetet sin samla økonomi, samt kan bidra til vidareutvikling av fakultetet, både fagleg og sosialt.
Arbeidet vil mellom anna omfatte rekneskapsføring, budsjettering, analysearbeid og saksbehandling. Stillinga inneber også administrativ støtte til fakultetet sitt fagmiljø innan økonomi, og rettleiing av studentar og tilsette i relevante økonomiske spørsmål.
Stillinga er tilknytt fakultetet sin administrasjon og den som blir tilsett vil samarbeide både med administrativt- og vitskapleg tilsette ved alle fakultetet sine studiestader. Noko reiseverksemd må påreknast. Stillinga vil rapportere til kontorsjef.
Arbeidsoppgåver
Rekneskapsføring og periodeavslutning
Budsjettering
Rapportering, saksbehandling og analysearbeid
Faktura, reiserekningar, kontraktar m.m.
Rettleiing og bistand til prosjektarbeid
Bidrags- og oppdragsaktivitet
Det må påreknast andre oppgåver etter behov. Arbeidet inneber utstrakt kontakt og service overfor personalet ved fakultetet og universitetet elles. Det kan bli aktuelt med endringar i ansvars- og arbeidsområde som følgje av framtidige endringar ved fakultetet og Nord universitet.
Kvalifikasjonskrav
For tilsetjing i stilling som seniorkonsulent krev vi relevant utdanning frå universitet eller høgskole, bachelorgrad eller tilsvarande. Lang og relevant praksis kan kompensere for delar av utdanningskravet
For tilsetjing i stilling som rådgjevar krev vi relevant utdanning frå universitet eller høgskole, mastergrad eller tilsvarande. Lang og relevant praksis kan kompensere for delar av utdanningskravet
God munnleg og skriftleg framstillingsevne på norsk og engelsk
Andre kvalifikasjonar og personlige eigenskapar som vil bli vektlagd
Evne til å arbeide systematisk, strukturert og sjølvstendig med fleire parallelle prosessar
Serviceinnstilling, initiativrik og med gode samarbeids- og kommunikasjonsevner
Ha god formidlingsevne, både munnleg og skriftleg
Erfaring frå offentleg forvalting, samt kjennskap til universitets- og høgskolesektoren og fakultetet sine utdanningar
Ha kunnskap og erfaring frå store organisasjonar med stor administrativ og fagleg kompleksitet
Erfaring og kjennskap til bruk av relevante IKT - verktøy som f.eks. UBW, SAP og P360 er en fordel, men opplæring vil bli gitt
Være løsningsorientert og bidra til et godt arbeidsmiljø
Om ein er personleg eigna vil bli vekta i stor grad
Vi tilbyr
Stillinga blir løna etter Statens regulativ, kode 1363 seniorkonsulent - NOK 548 600 – 604 900 ,- i året, eller kode 1434 rådgjevar - NOK 575 400 – 679 700 ,- i året.
Løn ut frå ansiennitet og kvalifikasjonar. For særleg kvalifiserte søkjarar kan høgare løn avtalas.Frå løna går lovfesta innskot til Statens pensjonskasse.
Den som blir tilsett, må rette seg etter dei lover, avtalar og instruksar som til ei kvar tid gjeld for stillinga. Det blir teke atterhald om endring i ansvars- og arbeidsområde som følgje av framtidig organisasjonsutvikling og omorganisering ved Nord universitet.
Den statlege arbeidsstyrken skal i størst mogleg grad spegle mangfaldet i befolkninga. Nord universitet oppfordrar difor kvalifiserte kandidatar med nedsett funksjonsevne, hol i CV-en, innvandrarbakgrunn og elles ulik livserfaring til å søke.
Opplysingar om nedsett funksjonsevne eller hol i CV kan bli brukte til anonymiserte registreringsføremål.
Aktuelle kandidatar vil bli kalla inn til intervju.
Kontakt
Nærare opplysing om stillinga får ein ved å ta kontakt med:
Søknad m/cv og kopi av vitnemål og attestar sendast elektronisk innan søknadsfristen.
All dokumentasjon som det skal takast omsyn til, skal lastast opp som vedlegg til søknaden.
Etter at søknadsfristen er gått ut blir det utarbeidd ei offentleg søkjarliste. Vi gjer merksam på at opplysingar om søkjaren kan offentleggjerast sjølv etter ønskje om å bli utelaten frå søkjarlista. Søkjarar som likevel bed om konfidensialitet, skal grunngje dette særskilt i søknaden. Søkjarane vil i så fall bli varsla på førehand om offentleggjering.
