Helse Førde HF har ansvar for spesialisthelsetenestene i Sogn og Fjordane. Føretaket arbeider for å gje pasientar og brukarar eit godt og heilskapeleg tilbod innanfor gjeldande rammer. Helse Førde sine institusjonar og prehospitale tenester er organisert i eit heilskapleg nettverk, og samarbeidet med andre instansar som m.a. kommunane er høgt prioritert. Føretaket har om lag 3 200 tilsette og eit budsjett på over 3,6 milliardar kroner og er den største verksemda i Sogn og Fjordane. Forsking og innovasjon er og viktige oppgåver i sjukehuset. 

Helseføretaket er eigd av det statlege Helse Vest RHF. Føretaksgruppa i Helse Vest skal spegle mangfaldet i befolkninga i rekrutteringa vår. Vi oppmodar alle som er kvalifiserte til å søkje ledige stillingar uansett kjønn, alder, fleirkulturell bakgrunn eller om du har hatt opphald frå arbeidslivet. Føretaksgruppa i Helse Vest ønskjer å leggje til rette for inkluderande rekruttering.

Kreftavdelinga ved Helse Førde HF har ledig ei stilling som ph.d.-stipendiat innan fagområdet kreftbehandling hjå eldre pasientar. Stipendiatperioden er på tre år i 100% stilling, med ønske om oppstart 01.09.2025. 

Doktorgradsarbeidet inngår som ein del av det overordna forskingsprosjektet «IMPACT studien – Implementation of PAtient-CenTered care in older patients with cancer». Dette er eit stort implementeringsforskings-prosjekt der det skal implementerast eit individualisert pasientforløp hjå eldre pasientar med kreft i Sogn og Fjordane-regionen. Det skal utviklast ein implementeringsstrategi på tvers av medisinsk og kirurgisk klinikk og i samarbeid med kommunane (spesielt fastlegar og nettverket for ressurssjukepleiarar i regionen). Implementeringsprosessen skal følgast opp og evaluerast, både med kvalitative og kvantitative metodar (for eksempel med analysar av innleggingar, bivirkningar og livskvalitet). Stipendiaten skal dermed bruke både kvalitative (intervju) og kvantitative forskningsmetodar (statistikk).

Prosjektleiar og hovudrettleiar er Nienke de Glas, ein erfaren forskar i geriatrisk onkologi og overlege på kreftavdelinga. Prosjektteamet samarbeider med Høgskulen på Vestlandet, Helse Bergen, NTNU, Oslo Universitetssykehus/Universitet i Oslo, Leiden Universitetssykehus (Nederland), og Sunnfjord kommune. Stipendiaten vil vere del av eit aktivt lokalt forskingsmiljø som p.t har 12 stipendiatar som forskar innan ulike fagfelt. Forskingsmiljøet på Vie er samlokalisert gjennom Helseforsking Sogn og Fjordane, som er eit samarbeid mellom Helse Førde og HVL. Stipendiaten skal ha arbeidsplass ved forsknings- og utviklingsseksjonen i Helse Førde, i lag med andre PhD studenter. Prosjektet er finansiert av Helse Vest og Helse Førde.

Ta kontakt med Prosjektleiar Nienke de Glas, nini.aafke.de.glas@helse-forde.no for å få tilsendt prosjektskildringa.

Ein kan også høyre på Forskarsnakk podkasten om prosjektet: Kan eldre med kreft få betre livskvalitet under behandling?

Arbeidsområde og oppgåver

• Stipendiaten skal etter tilsetjing i samarbeid med rettleiarar utvikle eigen prosjektplan for Ph.d-prosjektet.
• Stipendiaten skal vere aktiv i datainnsamling og gjennomføring av IMPACT-studien
• Det er forventa at stipendiaten bidreg aktivt til å bygge forskingsmiljøet innan kreft ved sjukehuset
• Stipendiaten må fysisk jobbe i Førde pga. datainnsamling og lokalt samarbeid.

Kvalifikasjonar

• Profesjonsutdanning innan medisin eller helsefag
• Mastergrad innan helse- og sosialfag eller andre fagområder som søkjar kan vise er relevant for prosjektet (120 studiepoeng eller integrert mastergrad på 300 studiepoeng), eller utdannat lege.
• Gode studieresultat
• Søkjar må beherske norsk munnleg og skriftleg på minimum B2-nivå, og ha gode ferdigheiter i engelsk munnleg og skriftleg

Søkjarar med utanlandsk utdanning må dokumentere at utdanninga samsvarar med norsk bachelor- og mastergrad. Sjå www.hkdir.no for meir informasjon om vurdering av høgare utdanning.

Ønska kvalifikasjonar

• Erfaring med bruk av empiriske data (for eksempel i masteroppgåva)
• Erfaring med å skrive artiklar eller andre tekstar som formidlar fag og forsking, vert vurdert som ein styrke
• Erfaring med prosjektarbeid, forbetringarbeid eller implemementering

Personlege eigenskapar

• Interesse for å forbetre eldre pasientar/kreftpasientar sin livskvalitet
• Gode samarbeidsevner
• Evne til å arbeide sjølvstendig og ta initiativ
• God gjennomføringsevne
• Gode formidlingsevner

Søknad må innehalde

• Søkjar sin refleksjon og motivasjon for kvifor og korleis ein bør forbetre kreftbehandling hjå eldre pasientar. Teksten skal vere på to sider, 1,5 linjeavstand, tekststorleik 11 eller 12, på engelsk eller norsk.
• CV (omfattande oversikt over utdanning, erfaring og relevant arbeid)
• Kopi av vitnemål (bachelor og master)
• Masteroppgåva eller tilsvarande
• Vitskaplege publikasjonar og andre faglege arbeid som søkjar ønskjer med i vurderinga (inntil fem)
• Referansar (2-3 referansar, namn, tittel, e-post, telefon og relasjon til kandidaten)

Dersom vitnemål, karakterutskrifter eller annan dokumentasjon ikkje er på eit skandinavisk språk eller engelsk, må søkjaren legge ved attesterte omsetjingar.

Vilkår

• Opptak til ph.d.- utdanninga ved HVL, Fakultet for helse og sosialvitskap eller UiB Medisinsk fakultet, og gjennomføring av den obligatoriske opplæringsdelen er ein føresetnad.
• Endeleg plan for forskarutdanning skal vere godkjent og avtalefesta seinast tre månadar etter tilsetjing.

Vi tilbyr

• Deltaking i eit spennande forskings- og innovasjonsmiljø i Førde, og i oppbygging av ei forskingsgruppe ved kreftavdelinga
• Fagleg utvikling
• Tverrfagleg miljø med tett samarbeid
• Hyggelege kollegaer og godt arbeidsmiljø
• Løn etter satsar for Ph.D-stipend frå Samarbeidsorganet i Helse Vest

Søknader vert først vurdert av vitskapleg komité med eksternt fleirtal. Vurderinga skjer på bakgrunn av utlysingsteksten og innsende dokument. Vitskapleg komité leverer ei rangert tilråding. Dei høgast kvalifiserte vert kalla inn til intervju. Tilsetting skjer på bakgrunn av vitskapleg vurdering og intervju.

Vi oppfordrar alle søkjarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Webcruiter-ID: 4964323150

Søk på stillingen

Kontaktinformasjon

• Nini Aafke De Glas (Overlege), E-post: nini.aafke.de.glas@helse-forde.no