Universitetet i Stavanger (UiS) har omlag 12 000 studentar og 1.900 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.
Fakultet for utdanningsvitskap og humaniora er den viktigaste institusjonen i regionen for utdanning av lærarer til barnehage, grunnskule, vidaregåande skule, høgskule og universitet. Fakultetet tilbyr også grunnutdanning innanfor språk, religion, historie, samt åtte masterprogram og to doktorgradsutdanningar. Fakultetet har ein nasjonal posisjon innanfor forsking og undervisning i lese- og skrivevanskar og åtferdsvanskar gjennom Nasjonalt senter for leseopplæring og leseforsking (Lesesenteret) og Nasjonalt senter for læringsmiljø og åtferdsforsking (Læringsmiljøsenteret). Fakultetet samarbeider med Utdanningsdirektoratet, kommunar og fylke om etter- og vidareutdanning.Totalt har fakultetet om lag 3.300 studentar og 390 tilsette fordelte på fakultetsadministrasjonen, Institutt for barnehagelærarutdanning, Institutt for grunnskulelærarutdanning, idrett og spesialpedagogikk, Institutt for kultur- og språkvitskap, Lesesenteret, Læringsmiljøsenteret og Kunnskapssenter for utdanning.
Om stillinga
Universitetet i Stavanger har ledig stilling som prosjektmedarbeidar ved Kunnskapssenter for Utdanning (KSU).
KSU har som hovudformål å arbeide systematisk med og å utvikle sjangeren kunnskapsoversikter, og bidra til økt kompetanse på samanstilling og oppsummering av forskingsresultat og økt bruk av forsking i samarbeid med norske forskarar og internasjonale aktørar på feltet. I tillegg skal senteret identifisere områder med behov for meir kunnskap og spille dette inn til myndigheiter og forskingsmiljø, og skape møteplassar om utdanningsforsking for forskarar, praktikarar og myndigheiter. Formidlinga tilpassast senteret sine ulike målgrupper innan politikkutvikling, forvaltning, forsking, opplæring og undervising. KSU skal være ein eining med fagleg autoritet og uavhengigheit.
KSU arbeider med mange ulike forskingsprosjekt. Den som vert tilsett skal bidra med administrativ støtte i alle fasane av prosjekta, frå start til mål. Stillinga er spesielt knytt opp mot arbeid med datahandtering og systematisering, samt å stø kommunikasjonsrådgivar med forskingsformidling.
Stillinga er organisatorisk plassert ved Fakultet for utdanningsvitskap og humaniora, fakultetsadministrasjonen. Den tilsette vil inngå i eit team som er ansvarleg for administrativ bistand og rådgjeving knytt til arbeidet på senteret.
Hovudoppgåver
prosjektstøtte i ulike fasar knytt til kunnskapsoppsummeringsarbeidet
hjelpe prosjektleiar i arbeid med systematisering og datahandtering
lese og omsetje kunnskapsoppsummeringar (som regel engelskspråklege) på klart norsk, både bokmål og nynorsk
delta i sekretariatsarbeid; innkallingar, referat, arrangementsstøtte, oppfølging
hjelpe til med å organisere konferansar, møter og seminar som senteret er ansvarleg for
andre forfallande administrative oppgåver
Kvalifikasjonar
Du må ha:
relevant utdanning på minimum bachelornivå. Særskilt relevant erfaring kan kompensere for utdanningskravet.
relevant erfaring med administrativt arbeid
erfaring med forskingsformidling
svært gode IT-ferdigheiter, og erfaringar med ulik programvare
svært god munnleg og skriftleg framstillingsevne på både bokmål og nynorsk, og god munnleg og skriftleg framstillingsevne på engelsk
Vidare blir det lagt vekt på at du:
er serviceinnstilt, fleksibel og imøtekommande
har gode kommunikasjons- og samarbeidsevner
er sjølvstendig, effektiv og strukturert
er proaktiv, resultatorientert og tar ansvar for gjennomføring av gode arbeidsprosessar
Vi tilbyr
varierte arbeidsoppgåver i ein stor organisasjon med eit viktig samfunnsoppdrag
ein ambisiøs arbeidsfellesskap og eit inkluderande arbeidsmiljø
løn etter Statens lønnsregulativ l.pl 90.103, kode 1408, kr 460.000 - 520.000 bto pr år. I særskilte tilfelle kan høgare løn bli vurdert. Frå løna vert det trekt lovfesta innskot til Statens pensjonskasse.
medlemsskap i Statens pensjonskasse som sikrar gode pensjons- og forsikringsordningar
Universitetet sine verdiar er å vere uavhengig, involverande og skapande. Vi vurderer mangfald som ein ressurs i arbeids- og læringsmiljøet vårt, og er opptatt av å visa respekt for kvarandre sine ulikheiter og bakgrunn. Universell utforming skal prega dei fysiske og digitale læringsmiljøa våre, og arbeidsplassen vil om nødvendig bli lagt til rette for tilsette med nedsett funksjonsevne.
Dersom du vurderer stillinga som interessant oppmodar vi deg til å søke uavhengig av kjønn, funksjonsevne, kulturell bakgrunn eller om du har vore utafor arbeidslivet ein periode.
Kontaktinformasjon
Spørsmål om stillinga kan rettast til:
Kontorsjef Kari-Anne Malmo, tlf 51833408, e-post: karianne.malmo.@uis.no eller til
Spørsmål om tilsetjingsprosessen kan rettast tilGrete Marnburg, tlf: 51833545, e-post: grete.marnburg@uis.no.
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.
Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.
Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
