Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen.
Sentraladministrasjonen er organisert i sju avdelinger. Les meir om IT-avdelinga her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Produktleiar - digitalt læringsmiljø
IT-avdelinga ved UiB er eit av dei største IT-miljøa på Vestlandet.
Vi leverer eit breitt spekter av IT-tenester innan utvikling, drift, forvaltning og brukarstøtte. Vi er ein kunnskapsrik og engasjert organisasjon med deltaking i spennande aktivitetar innanfor heile UiB si verksemd og med brei kontakt med brukarane ved universitetet. Vi har eit stort mangfald av teknologiar, kompetanse og nasjonalitetar.
IT-avdelinga har om lag 110 tilsette, i tillegg til lærlingar og deltidstilsette studentar. Avdelinga vil ha en produktbasert tilnærming til våre leveransar. Den jobben har så vidt starta, og vi inviterer til å ta del i den vidare utviklinga.
Ved IT-avdelinga er det ledig stilling som produktleiar for produktområdet digitalt læringsmiljø
Arbeidsoppgåver:
Leie produktgruppa digitalt læringsmiljø, med dagleg operativ leiing (til dømes personalleiing og økonomistyring for gruppa)
Utvikle tenester som inngår i UiB si primærverksemd innan digitalt læringsmiljø
Utvikle produkttenking med livløpsperspektiv i applikasjonsporteføljen
Kontakt og samhandling med fagmiljø, kundar og brukarar av IT-avdelingas leveransar knytt til læringsmiljøet ved UiB
Sikre at brukaranes behov omstillast til krav som gruppa kan levere på
Identifisere og sette i verk kontinuerlege forbetringstiltak for å raskare oppnå effekt og resultat.
Planlegging og styring av ende-til-ende leveransar for å forenkle brukaranes kontakt med IT-avdelinga
Kvalifikasjonar og eigenskapar:
Du må ha:
Relevant høgare utdanning på masternivå. Lang, relevant praksis kombinert med relevant etter- og vidareutdanning kan i nokre tilfelle kompensere for utdanningskravet.
Solid forståing for IT-leveransar knytt til utdanningsområdet i høgre utdanning og digitale læringsplattformar. God generell IT-kompetanse.
Solid forståing for leveranse av IT-tenester til kompetente brukarar
God skriftleg og munnleg framstillingsevne på norsk og engelsk
Personlege eigenskapar
Du må:
Ha høg arbeidskapasitet, arbeide systematisk med stor gjennomføringsevne
Ha leiareigenskapar, evne til å motivere andre og gode evner til personalbehandling. Endringsleiing.
Evne til strategisk planlegging, oversiktsblikk og heilheitstenking.
Evne til å samarbeide og bygge relasjonar med brukarar/kundar. Kundeoppfølging.
Vere serviceinnstilt og opptatt av å finne løysningar
Vere nysgjerrig og med evne til å tileigne deg nødvendig kompetanse
Det blir lagt stor vekt på dei personlege kvalifikasjonane som er naudsynte for stillinga.
Vi tilbyr:
Eit godt og fagleg utfordrande arbeidsmiljø
Ein kunnskapsrik og engasjert organisasjon med deltaking i mange spennande aktivitetar og brei kontakt med brukarane ved universitetet.
Moglegheit for vidareutvikling og kompetanseheving.
Stilling som senioringeniør (kode 1181) eller seniorrådgjevar (kode 1364) i ltr 70-75 (for tida. kr. 650 300 - 715 900) i statens regulativ etter kvalifikasjonar. For spesielt kvalifiserte søkarar kan det verte aktuelt med høgare løn.
Utfyllande opplysningar om stillinga kan ein få ved å vende seg til:
IT-direktør Tore Burheim (tore.burheim@uib.no, mobil 915 83 860) eller
Underdirektør Cecilie Ohm (cecilie.ohm@uib.no, mobil 46 47 46 44)
Dei som blir tilsett kan få andre arbeidsoppgåver innan avdelinga sine arbeidsområde.Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
