Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det matematisk-naturvitenskapelige fakultet består av sju institutt og en rekke sentre. Les meir om fakultet og tilhøyrande institutt.

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Stipendiat

Ved Matematisk institutt er det ledig ei stilling som stipendiat i matematikk (rein eller anvendt). Stillinga er for ein åremålsperiode på tre år, med høve til eit fjerde år beståande av pliktarbeid (til dømes undervisning). Stillinga er knytt til prosjektet ‘Computational Dynamics and Stochastics on Manifolds (CODYSMA)’, finansiert av Forskingsrådet.

Om prosjektet/arbeidsoppgåver:

Hovudmålet med CODYSMA-prosjektet er å utvikle nye matematiske verktøy og numeriske algoritmar for analyse og løysing av stokastiske og deterministiske differensiallikningar på mangfaldigheiter. Prosjektet er eit samarbeid mellom NTNU, Trondheim og Universitetet i Bergen. Ein ph.d.-stilling skal lysast ut på kvar stad. Prosjektgruppa i CODYSMA består av internasjonalt leiande forskarar frå Norge, Østerrike, New Zealand, Sveits og Storbritannia. Ekspertisen i gruppa omfattar geometrisk numerisk integrasjon, stokastisk analyse, differensialgeometri, algebra og kombinatorikk.

Forskingsoppgåver for ph.d-prosjektet i denne utlysinga vil bli tilpassa kandidaten. Moglege oppgåver er numerisk analyse av differensiallikningar, med fokus på geometriske og algebraiske aspekt, S(P)DE, rough paths og renormalisering. Ph.d.-prosjektet vil bli gjennomført i forskingsgruppene for analyse og PDE, berekningsmatematikk og algebra ved UiB.

Kvalifikasjonar og eigenskapar:

• Søkjarar må ha oppnådd mastergrad eller tilsvarande utdanning i ren matematikk eller i anvendt og berekningsorientert matematikk. Master studentar kan søke dersom de fullfører master eksamen før 15.06.2020. Det er ein føresetnad at mastergraden er oppnådd før tilsetjing kan skje.
• Søkjarar må ha ein sterk fagleg bakgrunn i eit av områda: geometrisk numerisk integrasjon, stokastisk analyse, differensialgeometri eller algebra og kombinatorikk
• Bakgrunn i, eller interesse for matematisk programvareutvikling er ein fordel.
• Søkjarar må kunne arbeide sjølvstendig og strukturert og vise gode samarbeidsevner.
• Søkjarar må ha gode skriftlege og munnlege engelskkunnskapar.

Personlege og mellommenneskelege eigenskapar vil bli lagt vekt på. Ambisjonar og potensial vil også telle ved vurdering av kandidatane.

For stillinga gjeldt følgande:

Om stipendiatstillinga: Samla stipendperiode er 3 år, med høve til eit 4. år beståande av pliktarbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vil bli avgjort av instituttleiar ved tilsetjing. Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.

Om forskarutdanninga: Som stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Endeleg plan for gjennomføringa av forskarutdanninga skal vere godkjent av fakultetet innan to månader etter at du har teke til i stillinga. Det er ein føresetnad at du fyller krava for opptak til ph.d.- studiet ved Universitetet i Bergen.

Vi tilbyr:

• Eit godt og fagleg stimulerande arbeidsmiljø
• Løn etter lønssteg 54 (kode 1017 /LR20, alternativ 10) i det statlege lønnsregulativet. Dette utgjer ei årsløn på kr 479 600,- brutto. Vidare opprykk skjer etter tenesteansiennitet.
• Medlemsskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga
• Namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.
• CV
• Karakterutskrifter og vitnemål for bachelor- og mastergrad. Dersom du enno ikkje har fullført mastergraden din, kan du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål, alternativt ei stadfesting frå gradsgjevande institusjon på fullført grad og oppnådd karakter, innan 15.06.2020.
• Relevante attestar
• Godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskapar ved opptak til ph.d.-programmet)
• Eventuell liste over vitskaplege arbeid (publikasjonsliste)
• Eventuelle publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til:

• Professor Hans Munthe-Kaas, Matematisk institutt, Hans.Munthe-Kaas@uib.no , http://hans.munthe-kaas.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Søk på stillingen