Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Stipendiat i akustikk
Ved Institutt for fysikk og teknologi er det ledig ei stilling som ph.d.-stipendiat i akustikk. Stillinga er for ein åremålsperiode på tre år, med høve til eit fjerde år beståande av pliktarbeid (til dømes undervisning).
Om prosjektet/arbeidsoppgåver:
Kandidaten vil arbeide innan akustikkgruppa sin forskingsaktivitet "Diffraction and dispersion effects in interaction of sound beams with viscoelastic and leaky ultrasonic guided waves”.
Arbeidet har som målsetjing å undersøke og forklare spesielle fenomen observert ved transmisjon av ein ultralyd-stråle («beam») gjennom ei plate nedsenka i væske. Fenomena er knytt til diffraksjonseffektar i «beam»-eksitasjon av bakover-forplantande («backward-wave») greiner av dei assosierte Lamb-bølgjemodane.
Ph.d.-arbeidet vil søkje å avdekke dei presise mekanismane som relaterer desse bakoverforplantande Lamb-mode-greinene og dei observerte fenomena, ved bruk av numerisk modellering i samanlikning med eksperimentelle målingar. Den numeriske analysen vil vere basert på kompleks eigenverdianalyse, i samanlikning med endeleg-element-modellering av det elektroakustiske målesystemet. Analysen vil utforske energiflyt og forplanting av spennings- og forskyvingsfelt i bakover- og framover-forplantande «leaky» Lamb-moder. Betre innsikt i og bruk av slike mekanismar kan ha avgjerande innverknad på dagens og framtidige industrielle målemetodar. Relevante bruksområde inkluderer ikkje-destruktiv testing og evaluering (NDT&E), integritetsmåling, materialkarakterisering, overflateinspeksjon, inspeksjon av olje- og gassrøyr, korrosjonsmåling og evaluering av komposittmaterial.
Kvalifikasjonar og eigenskapar:
Søkjarar må ha oppnådd mastergrad eller tilsvarande utdanning i fysikk, anvendt matematikk eller tilsvarande disiplin. Masterstudentar kan søkje dersom dei fullførar den endelege mastereksamen før 15.08.2022. Det er ein føresetnad at mastergraden er oppnådd før tilsetjing kan skje.
Gode ferdigheiter i programmering er eit krav (for eksempel i MATLAB eller Python).
Søkjarar må ha gode ferdigheiter innan matematisk/numerisk modellering i akustikk eller tilsvarande disiplin.
Søkjarar må kunne arbeide sjølvstendig og strukturert og ha gode samarbeidsevner.
Søkjarar må ha gode skriftlege og munnlege engelskkunnskapar.
Ein eller fleire av dei følgjande kvalifikasjonane vil vere ei føremon:
Gode kunnskapar i akustikk (fortrinnsvis ultralyd).
Erfaring med leia ultralydbølgjer (guided ultrasonic waves) i elastiske og fluide media (for eksempel Lamb-type bølgjer).
Erfaring frå endeleg element-modellering av akustisk bølgjeforplanting i elastiske og fluide media (programmering, bruk eller begge).
Gode ferdigheitar i ultralydmålingar i laboratorie og/eller felt.
Gode språkferdigheiter i norsk.
Personlege og mellommenneskelege eigenskapar vil bli lagt vekt på. Ambisjonar og potensial vil også telje ved vurdering av kandidatane.
For stillinga gjeldt følgande:
Samla stipendperiode er 3 år, med høve til eit 4. år beståande av pliktarbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing.
Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.
Om forskarutdanningaSom ph.d. stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Det matematisk-naturvitskaplege fakultet er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.
Vi tilbyr:
eit godt og fagleg stimulerande arbeidsmiljø
løn etter lønssteg 54 (kode 1017 /LR20, alternativ 10) i det statlege lønnsregulativet. Dette utgjer ei årsløn på kr 491 200 brutto. Vidare opprykk skjer etter tenesteansiennitet.
ei kort utgreiing om søkjaren sine forskingsinteresser og motivasjonen for å søkje stillinga
namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.
CV
karakterutskrifter og vitnemål for bachelor- og mastergrad. Dersom du enno ikkje har fullført mastergraden din må du levere ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål, alternativt ei stadfesting frå gradsgjevande institusjon på fullført grad og oppnådd karakter, innan 15.08.2022.
eventuell liste over vitskaplege arbeid (publikasjonsliste)
eventuelle publikasjonar
Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.
Generell informasjon:
Utfyllande opplysningar om stillinga kan ein få ved å vende seg til:
Førsteamanuensis Audun Oppedal Pedersen, Institutt for fysikk og teknologi, Universitetet i Bergen, telefon +47 55 58 27 85
UiB er underlagd regelverket for eksportkontroll og regelverket kan gjelde ved behandling av søknadar til stillinga.
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.