Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Vil du vere med å utvikle eit godt studiemiljø ved Det samfunnsvitskaplege fakultet?
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Rådgjevar
Vi ønskjer deg velkomen som søkjar til fast stilling som rådgjevar i studieseksjonen ved Det samfunnsvitskaplege fakultet.
Vi søkjer ein strukturert, positiv og omgjengeleg medarbeidar som vil vere med å bidra til utvikling av eit godt studiemiljø. Stillinga omfattar ansvar for blant anna studentmottak, læringsmiljø og leiing av Informasjonssenteret.
Den som blir tilsett vil få ansvar for utvikling, planlegging og gjennomføring av studiestarten ved fakultetet, og vidareutvikling av fakultetet si mentorordning. Som leiar av Informasjonssenteret vil du få overordna ansvar for utvikling av tenester og rutinar, og for oppfølging av tre medarbeidarar i delstillingar. Rådgjevaren vil også få ansvaret for å koordinere og følgje opp læringsmiljøsaker.
Stillinga inngår i studieseksjonen ved Det samfunnsvitskaplege fakultet, som har om lag 10 årsverk. Seksjonen har det administrative ansvaret for koordinering, kvalitetssikring og utvikling av fakultetet sine studieprogram på bachelor-, master- og doktorgradsnivå, og gir råd og leiarstøtte i utdanningssaker ved fakultetet. Dette inneber blant anna rutineutvikling, strategisk arbeid og driftsoppgåver knytte til arbeid med studentinformasjon, utveksling, eksamen, opptak og tilrettelegging av studium.
Arbeidsoppgåver:
Utvikle, planlegge og gjennomføre studentmottak ved fakultetet
Vidareutvikle og drifte fakultetet si mentorordning, inkludert tilsetjing og opplæring av studentmentorar
Arbeidsleiar for Informasjonssenteret
Læringsmiljøkontakt ved fakultetet
Kontakt og oppfølging av studentorganisasjonane ved fakultetet
Utgreiingar og evalueringar i samband med mottak, trivsel og gjennomføring
Studieadministrativ saksbehandling
Leiarstøtte
Innhaldet i stillinga kan bli endra som følgje av eininga sitt kontinuerlege utviklingsarbeid.
Kvalifikasjonar og eigenskapar:
Du må ha utdanning på minimum masternivå. Lang og svært relevant erfaring kan kompensere for noko av utdanningskravet
Du har erfaring med studieadministrativt arbeid og saksbehandling frå universitets- og høgskulesektoren
Det er ein fordel med erfaring frå rettleiing og betring og implementering av studieadministrative prosessar
Du har erfaring med prosjektleiing, koordinering av aktivitetar og arbeidsleiing
Du har god administrativ IT-kompetanse, og kjennskap til universitetet sine administrative system er ein fordel.
Du er strukturert, sjølvstendig og har god gjennomføringsevne
Du er omstillingsdyktig, initiativrik, imøtekommande og motivert for å bli vår nye kollega
Du har svært god evne til å kommunisere skriftleg og munnleg på norsk. Det vil òg vere behov for å kommunisere godt på engelsk
Ved intervju vil det bli lagt stor vekt på dei personlege eigenskapane som er naudsynte for stillinga.
Vi kan tilby:
Eit godt arbeidsmiljø og spennande arbeidsoppgåver ved eit fakultet med fagmiljø som hevdar seg godt nasjonalt og internasjonalt.
Faglege utfordringar med gode høve for personleg utvikling og kompetanseutvikling.
Løn som rådgjevar etter kode 1434 etter hovudtariffavtalene i staten, ltr. 62-65. For tida utgjer det mellom 563 700 – 594 300. For spesielt godt kvalifiserte søkjarar kan høgare løn bli vurdert.
Søknad, CV, attestar og vitnemål skal sendast elektronisk via «Søk stillinga».
Søknaden skal merkast 2021/16579
Søknadsfrist: 03.11.2021
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
