LEDIG STILLING VED UNIVERSITETET I BERGEN
IT-arkivar (rådgjevar, fast stilling) - Sentraladministrasjonen
Søknadsfrist: 15.06.2021
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
IT-arkivar (rådgjevar, fast stilling)
I faggruppa for dokumentasjons- og systemforvaltning i HR-avdelinga er det ledig ei fast stilling rådgjevar. Faggruppa forvaltar sakarkivsystemet (p.t. ephorte/Elements), skjemaløysing (p.t. Digiforms) og arkivintegrasjonar. Faggruppa har systemforvaltningsansvar for system HR-avdelinga er systemeigar for.
UiB er saman med universitet- og høgskulesektoren i ferd med å gå til innkjøp av nytt sakarkivsystem (BOTT-prosjektet). Det inneber spanande oppgåver rundt digitalisering og tilpassing av arbeidsprosessar.
Arkivtenesta blir stadig utfordra til å finne løysingar. Det krev god forståing for arbeidsprosessar og at vi føreser kva for utfordringar endringar byr på – og at vi sjølv er med på å skape endring. Som IT-arkivar vil du stå sentralt i dette arbeidet.
Arbeidsoppgåver:
- Vidareutvikle arkivtenestene for å forbetre dokumentfangsten og gjere kvardagen til brukarane enklare
- Delta i tverrfagleg arbeid med prosessforbetring, systemutvikling, medrekna integrasjonar for automatisk dokumentfangst
- Systemforvaltning av sakarkivsystem, skjematenester, arkivintegrasjonar med meir
- Utvikle automatiserte løysingar inn mot sakarkivsystem og andre fagsystem
- Produsere uttrekk av arkiv
- Delta i daglege driftsoppgåver ved behov
Kvalifikasjonar og eigenskapar:
- Utdanning på minimum bachelornivå med fortrinnsvis informatikk/informasjonsvitskap, arkiv/dokumentasjonsforvaltning og/eller informasjonsforvaltning. Relevant erfaring kan i særskilde tilfelle kompensere for utdanningskravet.
- Erfaring med prosessforbetring
- Gode kunnskapar om XML/XSD og SQL-skripting/programmering mot database
- God kjennskap til bruk av API-ar
- Kompetanse innan systemforvalting, erfaring med verktøy for integrasjonshandsaming og automatisering
- Erfaring med arkiv og handsaming av digital informasjon er ein føremon
- Kjennskap til lover, forskrifter og retningsliner knytt til dokumentasjonsforvalting og sakshandsaming i offentleg sektor er ein føremon.
- God munnleg og skriftleg framstillingsevne på norsk
Personlege eigenskapar:
- Sjølvstendig, strukturert og kvalitetsbevisst
- Serviceinnstilt, fleksibel, og gode samarbeidsevner.
- Oppteken av å finne gode løysingar og med god arbeidskapasitet
- Likar å jobbe med ny teknologi og tileigne seg ny kunnskap
Vi kan tilby:
- Eit godt og fagleg utfordrande arbeidsmiljø
- Stilling som rådgjevar (kode 1434) i lønssteg 60 - 67 (for tida kr 543 500 – 615 800) i det statlege lønsregulativet etter. For særskilt kvalifiserte søkjarar kan høgare løn vurderast.
- Medlemsskap i Statens pensjonskasse
- Stilling i ei inkluderande arbeidslivsverksemd (IA-verksemd)
- Gode velferdsordningar
Generell informasjon:
Utfyllande opplysningar om stillinga kan ein få ved å vende seg til:
- Arkivleiar Terje Askvik (tlf. 55 58 34 81, [email protected]) eller
- Koordinator for digitalisering Per Christian Gaustad (tlf. 55 58 34 85, [email protected])
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Nærare om tilsettingsprosessen her.
