Internasjonal koordinator (rådgjevar) - Det humanistiske fakultet
Søknadsfrist: 22.11.2020
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Internasjonal koordinator (rådgjevar) ved sekretariatet for Det humanistiske fakultet
Ved sekretariatet for Det humanistiske fakultet er det ledig eit vikariat som internasjonal koordinator (rådgjevar), med oppstart 1. januar 2021. Vikariatet har varigheit til 31.12.2022.
Stillinga er knytt til seksjon for studier og forskarutdanning ved fakultetet. Fakultetet har ei brei fag- og programportefølje og seksjonen følgjer opp og koordinerer det studieadministrative arbeidet ved fire institutt og to forskningssenter. Fakultetet har ansvar for 23 BA-program og 18 MA-program.
Stillinga har eit hovudansvar for den administrative oppfølginga av internasjonale relasjonar og internasjonal mobilitet innan studiefeltet og forskerutdanninga ved fakultetet. Stillinga samarbeider med institutt og fagmiljø og skal bidra til strategisk utvikling på internasjonalisering innan studier og forskarutdanning.
Stillinga får óg eit hovudansvar for utvikling av rutinar og kompetanse på universell utforming og tilrettelegging for studentar med funksjonsnedsetting. UiB har ei målsetting om gullstandard på dette feltet og fakultetet vil legge vekt på utvikling av rutinar og styrking av dette arbeidet det neste året. Det kan og bli aktuelt med andre oppgåver knytt til læringsmiljø og studenttilfredshet.
Næraste overordna er studiesjefen ved fakultetet, og stillinga rapporterer direkte til denne. Alle i administrasjonen vil, i tillegg til spesifikke funksjonar lagt til stillinga si, òg måtte ta del i andre administrative oppgåver.
Sentrale arbeidsoppgåver:
Hovudansvar for internasjonalisering av studium og forskarutdanning
Oppfølging av internasjonale relasjoner og samarbeidspartnarar
Rådgjevar for institutta i saker om godkjenning av utanlandsk utdanning
Oppretting og vedlikehald av internasjonale avtalar, rådgjeving av fagmiljø og eksterne partnarar
Administrativ søknadsstøtte knytt til eksterne finansieringskjelder på feltet
Kontaktperson for tilrettelegging og universell utforming ved fakultetet
Oppfølging av studentar med tilretteleggingsbehov
Rådgjeving og oppfølging av fagmiljø og studieadministrasjon ved institutta innen tilretteleggingsfeltet
Deltaking i studieadministrative nettverk knytt til arbeidsområdaSakshandsaming (og utgreiingsarbeid) innanfor seksjonen sine arbeidsfelt
Kvalifikasjonar:
Norsk mastergrad eller tilsvarende. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
Relevant digital kompetanse
God kjennskap til universitets- og høgskulesektoren og relevant praksis og erfaring frå det studieadministrative arbeidsfeltet.
God kjennskap til forvaltningsoppgåver innanfor studiefeltet, herunder erfaring med oppfølging av relevante lovkrav, forskrifter og regelverk som gjeld for studietilbod i høgare utdanning.
Gode skriftlege og munnlege kommunikasjonsevner, både på norsk og engelsk.
Språkkunnskapar utover norsk og engelsk vil telje positivt
Personlege eigenskapar:
Gode samarbeidevner
Motivert, fleksibel og serviceinnstilt
Evne til å arbeide sjølvstendig, strukturert og målretta
Evne til prioritering og orden i periodar med stort arbeidspress
Det blir lagt stor vekt på dei personlege kvalifikasjonane som trengst i stillinga.
Vi kan tilby:
Eit godt og fagleg utfordrande arbeidsmiljø.
Varierte arbeidsoppgåver og gode moglegheiter for kompetanseutvikling.
Ei stilling som gir rom for initiativ og engasjement
Løn som 1434 rådgjevar etter lønssteg 59-64, for tida 525 600 – 575 200 kr. brutto per år. For særskilt kvalifiserte søkjarar kan det bli aktuelt å vurdere høgare løn.
Medlemsskap i Statens pensjonskasse.
Stilling i ei inkluderande arbeidslivsverksemd (IA-verksemd).Gode velferdsordningar.
Generell informasjon:
Utfyllande opplysningar om stillinga kan ein få ved å vende seg til:
Studiesjef Ranveig Lote på tlf. 55 58 99 63, e-post ranveig.lote@uib.no, eller
Nestleiar Inger Marie Hatløy på tlf. 55 58 22 09, e-post inger.hatloy@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.