Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Ved Senter for undersøkende journalistikk (SUJO) ved Universitetet i Bergen er det ledig ei stilling som universitetslektor (dataanalytikar) i eit engasjement på 7 månader med snarleg tiltreding.
SUJO er det første og einaste senteret for undersøkande journalistikk i Norge og blei etablert hausten 2018. Senteret sitt mål er å styrke den undersøkande journalistikken, med eit spesielt ansvar for lokale, regionale og mindre redaksjonar. 30 undersøkande prosjekt har sidan oppstarten fått hjelp av senteret. I tillegg har over 250 journalistar og redaksjonelle leiarar delteke i SUJO sine workshops i undersøkande metode.
Som medarbeidar i SUJO blir du ein aktiv deltakar i eit redaksjonelt miljø med erfarne journalistkollegaer, forskarar og gjestande journalistar og masterstudentar i undersøkande journalistikk.
Arbeidsoppgåver:
Dokumentere og administrere prosjektinformasjon
Vedlikehalde dokumenthandteringssystem
Undervise studentar og journalistar i avansert dataanalyse ved hjelp av Excel og Access
Leie workshops i dataanalyse ved bruk av avansert Excel
Rettleie studentar
Rettleie i dataanalyse i undersøkande journalistiske prosjekt i norske redaksjonar
Tett kontakt med relevante fagmiljø
Kvalifikasjonar og eigenskapar:
Brei erfaring frå arbeid med større datasett og analyse og visualisering av desse
Erfaring med å designe databasar i Access
God kjennskap til undersøkande journalistiske prosjekt
Mastergrad i relevant fagområde
Gode samarbeidsevner
Stor arbeidskapasitet og stå-på-evne
Personlege eigenskapar som er naudsynte for stillinga vil bli vektlagde
Vi tilbyr:
Spennande og utviklande arbeidsoppgåver i et sterkt fagmiljø
Faglege utfordringar med gode høve for personleg utvikling og kompetanseutvikling
Løn som universitetslektor etter lønssteg 56-58 (kode 1009/LR 25) i det statlege lønsregulativet, avhengig av tenesteansiennitet og kvalifikasjonar. Dette utgjer for tida kr 507 600,- 524 900,-. For særleg kvalifisert søkjar kan det verte aktuelt å vurdere høgare løn.
Ei kort utgreiing om søkjaren sin motivasjon for å søkje stillinga
CV
Vitnemål, attestar og pedagogiske kvalifikasjonar
To referansar (namn og kontaktinformasjon)
Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.
Generell informasjon:
For utfyllande opplysningar om stillinga kontakt:
Senterleiar Per Christian Magnus, mobil 41423330, leiar av journalistprogrammet ved UiB,
Førsteamanuensis Lars Arve Røssland, mobil 90893452 eller
Reportasjeleiar Kristine Holmelid, mobil 90950320
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
