Om stillinga

Det samfunnsvitskaplege fakultet søkjer ein dyktig og framoverlent seniorkonsulent/rådgjevar som skal jobbe med studentrekruttering og arbeidslivsrelevans.

Fakultetets kommunikasjonsstrategi legg føringane for arbeidet med studentrekruttering. Strategien har to hovudmål: «Betre rekruttering» og «Ein meir kunnskapsbasert samfunnsdebatt». Du skal bidra til å nå måla i heile kommunikasjonsstrategien, men med særleg fokus på målet «Betre rekruttering».

Du skal også koordinere arbeidet med å synliggjere kva våre studentar kan bruke utdanninga si til i arbeidslivet og gje råd til fakultetet si leiing og fagmiljø om arbeidslivsrelevans.

Stillinga er plassert i Studieseksjonen som samarbeider tett med studieadministrasjonen ved institutta og sentra på fakultetet. Du vil delta i fakultetet sitt kommunikasjonsteam.

Arbeidsoppgåver

• Følgje opp fakultetets kommunikasjonsstrategi i samarbeid med kommunikasjonsteamet
• Arbeide for at fakultetets studieprogram får motiverte og gode søkarar
• Koordinere fakultetets skolebesøksordning for vidaregåande skular i Oslo-området
• Koordinere Vitenskapsbutikken i samarbeid med Det humanistiske fakultet.
• Synleggjere arbeidslivsrelevans og karrieremoglegheiter hjå fakultetet
• Planlegge og følgje opp UiOs kandidat- og arbeidsgivarundersøkingar
• Sørgje for kompetanseheving for administrativt og vitenskapeleg tilsette innanfor arbeidsliv og studentrekruttering
• Lage analysar og utarbeide statistikk og presentasjonar, mellom anna knytt til kandidat- og søkjerundersøkingar

Andre oppgåver kan leggast til stillinga ved behov.

Kvalifikasjonskrav

• Relevant utdanning frå universitet eller høgskule, minimum tilsvarande bachelornivå. Dokumentert realkompetanse kan erstatte utdanningskravet. Det er ein fordel med samfunnsvitskapleg utdanning.
• Relevant arbeidserfaring, erfaring frå utdanningssektoren vil vere ein fordel.
• Gode formuleringsevne i skriftleg og munnleg norsk og engelsk.
• Særleg god digital kompetanse.
• Kunnskap om og evne til å arbeide med statistikk.
• Erfaring med utforming av nettsider og kommunikasjonsarbeid.
• Solid kunnskap om sosiale media

For å bli ansatt som rådgjevar krevst betydelig erfaring med å analysere utfordringer, gjennomføre målretta tiltak og evaluere desse. Det krevst i tillegg evne til å tenkje strategisk, byggje kompetanse og gje råd innan heile ansvarsområdet i stillinga.

Personlege eigenskapar

Vi ser etter deg som:

• er utåtvend og initiativrik og som likar å sjå resultat av ditt arbeid
• ein dyktig formidlar
• likar både rutine- og utviklingsoppgåver
• likar å jobbe i team og å samarbeide i ein kompleks kunnskapsorganisasjon
• er fleksibel og positiv
• evnar å jobbe sjølvstendig og ta ansvar
• er opptatt av å tilpasse teneste til brukarnes behov

Vi vil legge avgjerande vekt på at du er personleg eigna for stillinga.

Vi tilbyr

• seniorkonsulent løn frå kr 488 000 til kr 583 900/rådgjevar løn frå kr 523 200 til kr 627 700 per år, avhengig av kompetanse
• fleksibel arbeidstid og gode velferdsordningar
• trening i arbeidstida
• god pensjonsordning og gunstig lån i Statens Pensjonskasse

Søknaden skal innehalde

• søknadsbrev
• CV
• vitnemål (kun høgare utdanning) og relevante attestar
• liste med 2-3 referansar (namn, tilknyting til søkjar, e-postadresse og telefonnummer)

Søknad (evt. med vedlegg) må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.

I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.

Kontaktinformasjon

• Assisterande fakultetsdirektør Kari Marie Pound Davies

Søk på stillingen