Om stillinga

Institutt for sosiologi og samfunnsgeografi (ISS) har ledig eit vikariat i 50 % stilling som nettredaktør og kommunikasjonsmedarbeidar (rådgjevar SKO 1434) i perioden 01.05.2019 - 31.07.2020.

Stillinga byr på interessante faglege utfordringar innan instituttet sitt kommunikasjonsarbeid. Instituttet arbeider for tida med å auke rekruttering av studentar, og kommunikasjonsmedarbeidaren vil mellom anna arbeide med å utvikle informasjon om forsking og studier, samt formidla sosiologisk og samfunnsgeografisk kunnskap breitt.

Kommunikasjonsmedarbeidaren inngår i eit team med studiekonsulentar, leiing og annan administrasjon på instituttet, men vil også samarbeide med kommunikasjonsrådgjevarar, nettredaktør og andre på fakultetet. Den som vert tilsett i stillinga vil ha det overordna kommunikasjonsansvaret på instituttet og representerer instituttet i SV-fakultetet sine to kommunikasjonsnettverk.

Arbeidsoppgåver

• Formidle kunnskap og informasjon om forskinga ved instituttet i ei rekkje kanalar, deriblant nettsider og sosiale medier.
• Redaktør for instituttet sine nettsider og Facebook-sida
• Skriva nyhendesaker for nettsidene, og redigere tekstar og innhald frå andre (både tilsette og freelance journalister)
• Ansvar for mediekontakt, og bidra til synleggjering av forskinga ved instituttet
• Leia instituttet sin nettredaksjon

Kvalifikasjonskrav

• Utdanning frå universitet eller høgskule, minimum tilsvarande mastergrad, primært innan informasjon, journalistikk, mediefag eller samfunnsfag. Dokumentert relevant realkompetanse kan erstatte utdanningskravet
• Erfaring frå liknande kommunikasjonsarbeid
• Erfaring med nettarbeid, nettredigeringsverktøy og bruk av sosiale medier
• Relevant kunnskap om/kjennskap til samfunnsfag
• Svært god skriftleg og munnleg framstillingsevne på norsk og engelsk er ein føresetnad
• Forstår tydinga av godt og klart språk, mediene sitt særpreg, og kjennskap til korleis ein kommuniserer med ulike målgrupper
• Det er ein fordel med erfaring med bilderedigering

Personlege eigenskapar

• Har gode samarbeids- og kommunikasjonseigenskapar
• Tek ansvar og kan jobbe sjølvstendig, systematisk og effektivt
• Har gode organisatoriske eigenskapar
• Har interesse for samfunnsvitskaplege spørsmål

Vi tilbyr

• Løn frå 257 600 - 309 650 i 50 % stilling som rådgjevar pr. år avhengig av kompetanse
• Gode velferdsordningar
• Faglege utfordringar og breitt fagleg nettverk
• Eit hyggeleg og stimulerande arbeidsmiljø
• god pensjonsordning og gunstig lån i Statens Pensjonskasse

Søknaden skal innehalde

• søknadsbrev
• CV
• Relevante vitnemål, attestar og liste med 2-3 referansar (namn, tilknyting til søkjar, e-postadresse og telefonnummer)

Søknad med vedlegg må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.

I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.

Kontaktinformasjon

• Kontorsjef Inger-Lise Schwab (ved spørsmål om stillinga sitt faglege innhald)
• Personalkonsulent Liv-Hilde Vang (ved spørsmål om elektronisk søknad)

Søk på stillingen