Universitetet i Stavanger (UiS) har omlag 12 000 studentar og 2.200 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet.
Vår felles retning skal drivast fram av omtanke for grøn og berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.
Det teknisk-naturvitskaplege fakultetet tilbyr utdanningar på bachelor-, master- og doktorgradsnivå. Fakultetet har eit nært samarbeid om forsking med NORCE og industrien i regionen. Ei rekkje master- og doktorgradsoppgåver blir laga i samarbeid med industrien. Fakultetet har etablert forskingssamarbeid med universitet i USA og Europa, og har utvikla fleire fagmiljø som er internasjonalt leiande. Fakultetet har om lag 2.900 studentar og 500 tilsette fordelte på Institutt for data- og elektroteknikk, Institutt for maskin, bygg og materialteknologi, Institutt for matematikk og fysikk, Institutt for kjemi, biovitskap og miljøteknologi, Institutt for energi- og petroleumsteknologi, Institutt for energiressursar og Institutt for sikkerheit, økonomi og planlegging.
Institutt for maskin-, bygg- og materialteknologi tilbyr studium og driv forsking innan offshoreteknologi, marin- og undervassteknologi, havvind, industriell teknologi og driftsleiing, bygg- og konstruksjonsteknikk, maskinteknikk og materialteknologi. Det blir tilbydd studium på bachelor-, master- og doktorgradsnivå. Instituttet har ein høg internasjonal profil med tilsette og studentar frå heile verda. I dag er det 60 tilsette (inkludert stipendiatar og postdoktorar) og 660 studentar ved instituttet.
Om stillinga
Universitetet i Stavanger har ledig stilling som industrimekanikar på vår verkstad ved Det teknisk naturvitskaplege fakultet, Institutt for maskin, bygg og materialteknologi. Stillinga er ledig frå 1.august 2025.
Den som vert tilsett vil ha ansvar for tilverking av deler, og utføre vedlikehald av vår voksande utstyrspark på verkstad og laboratorium. På verkstaden hos oss kjem du tett på både kollegar og studentar. Produksjonen består av variert arbeid utført med variererte arbeidsmetodar. Hos oss får du tillit til å løyse arbeidsoppgåver frå idé til ferdig produkt ved hjelp av ønsket tilverking. På verkstaden bidrar alt personell i alle disipliner, og evna til å lære nye ting er høgt verdsett.
Hovudoppgåver
verkstadarbeid, maskinering og bearbeiding av metaller
stå for opplæring og oppfølging, hovudsakeleg overfor studentar, innanfor verkstadarbeid
feilsøking, reparasjonar og forebyggande vedlikehald av lab- og produksjonsutstyr
kundekontakt og -oppfølging
ivareta sikkerheit på verkstaden
Kvalifikasjonar
Du må ha:
fagbrev som industrimekanikar
erfaring med sponfråskiljande arbeid i metall og plast
god munnleg og skriftleg framstillingsevne på norsk og engelsk (minimum på B1 nivå)
gode haldningar til HMS-arbeid
erfaring med vedlikehald og service av maskinar og utstyr
Vidare blir det lagt vekt på at du:
er serviceinnstilt og arbeider sjølvstendig
er løysningsorientert og kreativ
har kompetanse på sveising i stål og aluminium
har kjennskap til CNC, fortrinnsvis Mazak og Okuma
har kjennskap til CAD-programmer som AutoCAD, Inventor og Fusion360
har kjennskap til bruk av laserkutter
innehar generell digital kompetanse med bruk av Microsoft 365
Truckførarbevis og traverskransertifikat er ønskeleg, men ikkje eit krav.
Vi tilbyr
varierte arbeidsoppgåver i ein stor organisasjon med eit viktig samfunnsoppdrag
eit inkluderande arbeidsmiljø med fokus på fagleg utvikling.
lønn etter Statens lønnsregulativ l.pl 90.301, kode 1085, kr 480 000 - 540 000 bto pr år. I særskilte tilfelle kan høgare lønn bli vurdert. Frå lønna vert det trekt lovfesta innskot til Statens pensjonskasse.
medlemskap i Statens pensjonskasse som sikrar gode pensjons- og forsikringsordningar
Mangfald er ein ressurs i arbeids- og læringsmiljøet ved UiS. Når vi har ulike bakgrunnar og erfaringar, kan vi sjå utfordringar frå fleire vinklar og finne betre løysingar.
På UiS er vi opptatt av å vise respekt for kvarandre med dei ulikskapane vi har, og vi legg til rette for tilsette med nedsett funksjonsevne. Vi tek omsyn til behova dine og situasjonen din i ulike livsfasar.
Om du synest stillinga er interessant, oppmodar vi deg til å søkje, uavhengig av kjønn, funksjonsevne, kulturell bakgrunn eller om du har vore utanfor arbeidslivet ei tid.
Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer me minst inn éin søkjar i kvar av desse gruppene til intervju. Kjenne du deg igjen i ein av desse kategoriane, kan du kryssa av i jobbsøkjarportalen vår.
Les meir om krava for å bli vurdert som søkjar i desse gruppene her.
Universitetet vil rekruttera fleire kvinner til avdelinga og oppmodar derfor spesielt kvinner til å søke. Dersom fleire søkjarar vert vurdert til å ha likeverdige kvalifikasjonar, vil ei kvinne bli prioritert føre ein mann.
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.
Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.
Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
