Veterinærinstituttet er eit forvaltningsorgan med særskilt fullmakt under Landbruks- og matdepartementet. Fagleg og økonomisk sorterer Veterinærinstituttet både under Landbruks- og matdepartementet og Nærings- og fiskeridepartementet.
Instituttet sin visjon "God helse hos dyr og menneske" skal bli nådd gjennom tydelege mål og gjennom eit strategisk, fagleg samarbeid med partnarar i over 40 land i tillegg til Noreg.
Instituttet avdekker og avverjar smittsame sjukdomar og kjende og ukjende truslar mot helsa til dyr, menneske og miljø. Saman med styresmakter, næringsliv og andre kunnskapsmiljø utviklar vi kunnskap for å sikre god dyrehelse og -velferd, trygg mat og berekraftige bionæringar.
Veterinærinstituttet er utnemnt som nasjonalt referanselaboratorium på over 30 fagområde og som internasjonalt referansesenter for Verdens dyrehelseorganisasjon (WOAH) på fleire område.
Veterinærinstituttet har rundt 330 tilsette som saman skal løyse vårt viktige samfunnsoppdrag fordelt i våre lokale i Tromsø, Harstad, Trondheim, Bergen, Sandnes og på hovudkontoret på Ås i Akershus.
Har du solid erfaring innan kvalitetsarbeid og internkontroll? Veterinærinstituttet søker ein dyktig kvalitetssjef som vil bidra til å sikre høg standard og kontinuerleg betring i vår organisasjon.
Veterinærinstituttet er Noregs leiande kunnskapsleverandør for nasjonal beredskap innan dyrehelse, dyrevelferd, samt fôr- og mattryggleik. Instituttets viktigaste funksjon er å utvikle beredskap og kunnskap for å avverge og bekjempe helsetruslar hos dyr på land og i vatn, og hos menneske. Kunnskapsleveransar inkluderer forsking og innovasjon, diagnostikk, overvaking og risikovurderingar, miljøtiltak samt kunnskapsbasert beredskap. Instituttet har omfattande laboratorieverksemd, og er utpeikt som nasjonalt referanselaboratorium på 30 fagområde.
Veterinærinstituttet søker no kvalitetssjef som skal ha det overordna ansvaret for kvalitet, internkontroll og system for å sikre etterleving av kvalitetskrav på instituttet. Kvalitetssjefen vil inngå i avdeling for verksemdstyring, men vil ha eit særleg ansvar for å samarbeide, koordinere og jobbe breitt med alle fagavdelingane på instituttet.
Vi søker etter ein sjølvstendig kvalitetssjef som vil bidra til at instituttet har eit oppdatert styringssystem som vert etterlevd. Den som vert tilsett vil få sjølvstendige oppgåver og stor høve til å påverke eigen arbeidskvardag.
Du er velkomen til å ta kontakt med avdelingsdirektør, Nina Ystehede tlf. +47 90 78 43 26, eller administrarende direktør, Gun Peggy S. Knudsen tlf. +47 90 61 52 51.
Arbeidsoppgåver
Som kvalitetssjef vil du ha overordna ansvar for kvalitetsarbeidet og internkontroll i heile organisasjonen. Dette inkluderer å følge opp akkrediteringsstandarden ISO17025 saman med relevante avdelingar og seksjonar. Du vil utvikle, implementere og vedlikehalde kvalitetsstyringssystem, samt legge til rette for at laboratoriefunksjonane oppfyller akkrediteringskrava. Arbeidet inneber å vere kontaktpunkt mot Norsk Akkreditering. Du vil bli involvert i internrevisjon og oppfølging av internrevisjonens rapportar for å sikre at alle aktivitetar er i samsvar med relevante krav og retningslinjer. Du vil også ha ansvar for årlege internkontrollar, utarbeiding og oppdatering av prosedyrar og retningslinjer, og rapportering til leiinga om kvalitetsstatus og forbetringsområde.
Som kvalitetssjef vil du også ha ansvar for internkontroll og kvalitetsarbeid innan forsking og rådgjeving. Vidare vil du samarbeide tett med forskarar for å implementere kvalitetsforbetringar og sikre kontinuerleg utvikling og optimalisering av arbeidsprosessar.
Til slutt vil du ha det overordna ansvaret for Styringssystemet. Du vil gi råd og rettleiing ved dokumentutarbeiding, følge opp hendingar og avvikshandsaming, og arbeide for å vidareutvikle systemet slik at det vert mest mogleg brukarvenleg. Målet er at flest mogleg skal nytte styringssystemet og sjå nytta av det.
Det er viktig at du kontinuerleg oppdaterer deg på fagfeltet ditt og at du søker kunnskap og kjennskap til Veterinærinstituttet sine kjerneområde, forretningsprosessar og overordna strategi.
Kvalifikasjonar
Du må ha:
relevant høgare utdanning (mastergrad). For særleg kvalifiserte søkarar kan lang relevant arbeidserfaring erstatte kravet om mastergrad
relevant og solid erfaring frå kvalitetsarbeid
kunnskap om krav og retningslinjer for kvalitet
erfaring med akkreditering, kjennskap til ISO-standardar
erfaring med revisjonar og avvikshandsaming
digital kompetanse, særleg knytt til styringssystem
god skriftleg og munnleg framstillingsevne på eit skandinavisk språk og på engelsk
Vår nye kvalitetssjef må også kunne autoriserast på "gradert nivå avgrensa".
I tillegg ønsker vi kvalifikasjonar som:
etterutdanning eller kurs innan kvalitetsleiing, internkontroll eller risikostyring
erfaring frå laboratoriearbeid
erfaring med HMS-arbeid
Personlege eigenskapar
Vår kvalitetssjef må:
vere sjølvstendig og initiativrik
vere nøyaktig, strukturert og analytisk
kunne inspirere og motivere andre
vere positiv og løysingsorientert
ha gode samarbeids- og kommunikasjonsevner
Du må kunne identifisere deg med verdiane til Veterinærinstituttet: Framtidsretta, fagleg ambisiøs og samspelande. I tillegg til fagleg kompetanse og eigenskapar, vil motivasjonen din for stillinga og arbeidet bli vektlagd. Du vert oppmoda til å gje ei kort skildring av motivasjonen din for stillinga i søknaden.
Korleis søke
Om du finn ovanståande interessant, ser vi fram til å motta søknaden din. CV, vitnemål, attestar og andre relevante dokument skal lastast opp i vår elektroniske portal hos Jobbnorge.
Når du søker på stillinga, ber vi deg hente utdanningsresultata dine frå Vitnemålsportalen.no. Om resultata ikkje er tilgjengelege der, ber vi deg laste opp kopi av vitnemåla eller karakterutskriftene dine. All dokumentasjon må vere på norsk, eit anna skandinavisk språk eller engelsk.
Veterinærinstituttet er ei statleg verksemd, og i tråd med offentleglova blir alle søkarar sette på ei offentleg søkarliste etter søknadsfristen. Søknad om unntak frå denne lista kan bli gitt i særskilde tilfelle. Dersom søknaden om unntak ikkje blir teken til følge, vil du bli kontakta. Då må du vurdere om du ønsker å oppretthalde søknaden eller trekke han.
Vi tilbyr
ei spennande og utfordrande stilling i ei kunnskapsstøtteorganisasjon
ei viktig stilling med stort ansvar for instituttets internkontroll og kvalitetsarbeid
godt arbeidsmiljø med engasjerte kollegaer
Vidare tilbyr vi gunstige avtalar for lån og pensjonssparing i Statens pensjonskasse, der det blir trekt 2 % av løna for dette innskotet. Stillinga blir løna etter Statens lønsregulativ, og du blir tilsett som seniorrådgivar i stillingskode 1364. Lønsplasseringa avheng av kvalifikasjonane dine.
Veterinærinstituttet verdset mangfald
Våre medarbeidarar har ulik bakgrunn når det gjeld nasjonalitet, utdanning, arbeidserfaring og livserfaring – noko vi ser på som ei styrke. Vi trur at ulike perspektiv bidreg til betre løysingar og eit meir inkluderande arbeidsmiljø.
Vi følger statlege retningslinjer for inkluderande rekruttering. Kvalifiserte søkarar med funksjonsnedsetting, hol i CV-en eller med innvandrarbakgrunn vil bli inviterte til intervju dersom vilkåra er oppfylte. Derfor oppmodar vi søkarar til å krysse av i jobbportalen dersom dei tilhøyrer desse gruppene.
