Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.
...
(Video unable to load from YouTube. Accept cookie and refresh page to watch video, or click here to open video)
Vitenskapeleg assistent
Ved Griegakademiet – Institutt for musikk er det ledig 30 % stilling som vitenskapeleg assistent knytt til forskingsprosjektet Sounding Relation, finansiert av Norges forskningsråd. Stillinga er for ein åremålsperiode på 1 år og 4 månader, med tiltreding snarast mogleg.
Om prosjektet
Den som vert tilsett i stillinga blir knytt til prosjektet Sounding Relation: Use of Music Microanalysis to Explore Parental Contributions to Premature Infant Regulation in the Neonatal Context, finansiert av Norges forskningsråd. Hovudmål med prosjektet er å bruke tverrfaglege perspektiv og video mikroanalyse for å utforske korleis foreldre til premature barn bidreg til sjølvregulering når dei skaper musikalsk samspel i møte med barnet sitt på nyføddintensivavdelinga.
Arbeidsoppgåver:
Vi søker etter ein vitenskapleg assistent som i hovudsak vil ha oppgåver knytt til forskingsprosjektet «Sounding Relation». Assistenten vil få delta i ei spennande fase i prosjektet, og vil inngå i eit dynamisk forskingsmiljø med gode utviklingsmoglegheiter.
Bistå i drifta av prosjektet og ta del i prosjektmøte som blir organisert i prosjektperioden.
Ta del i og gjennomføre vitskapleg forsking. M.a. førebu data for analyse, transkribere data frå forskingsintervju, bistå i litteratursøk, formidle om prosjektet blant anna på prosjektnettside.
Vitenskapleg assistent er ei rekrutteringsstilling der hovudoppgåva er å vere ein støttespelar for den faglege staben i deira undervisnings- og forskingsverksemd. Stillinga skal gi høve til innsikt i vitskapleg forsking og metode. Personar som tidlegare har hatt doktorgradsstipend eller har oppnådd doktorgrad kan ikkje tilsetjast som vitenskapleg assistent. Samla tilsetjingstid kan ikkje overstige to år.
Kvalifikasjonar og eigenskapar:
Relevant bachelorgrad, eller tilsvarande utdanningsnivå
Kjennskap til forsking relatert til fokusområde (feks musikkterapi, spedbarn, mikroanalyse)
Gode datakunnskapar i Microsoft Word, Excel, PowerPoint
Datakunnskap knytt webdesign er ein føremon.
Relevant praktisk- og/eller forskingserfaring er ønskeleg.
Personlege eigenskapar:
Gode samarbeidsevner og evne til å arbeide sjølvstendig og strukturert.
God evne til å kommunisere og å oppnå relasjonar med andre menneske, inkludert solide ferdigheiter i både munnleg og skriftleg engelsk.
Ferdigheiter i munnleg og skriftleg norsk, spansk eller polsk er en fordel.
Er fleksibel og løysingsorientert.
Vere serviceinnstilt og imøtekomande.
Vi tilbyr:
Samarbeid med erfarne og engasjerte kollegaer i eit godt arbeidsmiljø
Spennande og utviklande arbeidsoppgåver i eit sterkt fagmiljø.
Stillingskode og løn i det statlege lønnsregulativet, avhengig av utdanningsnivå for den som vert tilsett:
Vitenskapleg assistent 1019: for tida ei årsløn på kr 450 400 – 480 000 (brutto i 100% stilling)
Vitenskapleg assistent 1020: for tida ei årsløn på kr 497 500 – 525 000 (brutto i 100% stilling)
For særskild kvalifiserte søkjarar kan høgare løn vurderast.
Det blir trekt 2 % pensjonsinnskot til Statens pensjonskasse.
For særleg kvalifiserte søkjarar kan høgare løn vurderast.
Søknadsbrev (400-500 ord, tilsvarande ca. 1 A4-side tekst) der du seier noko om din motivasjon for stillinga, kvifor du søkjer og kvifor du passar til stillinga.
Attestert kopi av vitnemål og relevante attestar.
Generell informasjon:
Utfyllande opplysningar om stillinga kan ein få ved å vende seg til: Instituttleiar ved Griegakademiet, Geir Davidsen, e-post: geir.davidsen@uib.no, +47 91818633, eller professor i musikkterapi, Claire Ghetti, tlf. +47 46508095 claire.ghetti@uib.no
For tekniske spørsmål knytt til søknadsprosessen ta kontakt med HR ved KMD på: hrkmd@uib.no
Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.
