Om Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Sentraladministrasjonen gjev råd og bistand til leiing og fakultet ved Universitetet i Bergen. Sentraladministrasjonen er organisert i sju avdelinger. Les meir om IT-avdelinga her. 

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

...

(Video unable to load from YouTube. Accept cookie and refresh page to watch video, or click here to open video)

Om stillinga:

Vi ønskjer å styrkje teamet vårt med ein dyktig teknisk leiar og arkitekt med god forståing for sikkerheit, evne til å sjå heilskapen og kompetanse til å bryte komplekse problemstillingar ned i handterlege oppgåver.Handtering og prosessering av forskingsdata har dei siste åra blitt eit stadig viktigare område for forsking og kunnskapsutvikling. Ved IT-avdelinga si produktlinje for sensitive data, LabIT og klinikkdrift er det no ledig ei fast stilling knytt til utvikling og drift av løysingar for handtering og lagring av sensitive forskingsdata (SAFE) og data generert frå vitskapleg laboratorieutstyr (LabIT).LabIT tilbyr nettverk, lagring/backup og fjerntilgang for avanserte instrument brukt i forsking ved UiB, til dømes mikroskop. SAFE er UiB sitt «sikre analyserom» og har i dag meir enn 500 brukarar frå ei brei rekke fagområde, mellom anna medisin og helse, psykologi, samfunnsvitskap og kunst. SAFE er og partner i NORTRE, den nasjonale infrastrukturen for personsensitive data, saman med dei motsvarande infrastrukturane ved NTNU og UiO. Vi deltek òg i ei rekke nasjonale og internasjonale infrastrukturprosjekt, støtta av mellom anna Noregs forskingsråd, Helsedirektoratet og EU.Om IT-avdelingaIT-avdelinga ved UiB er eit av dei største IT-miljøa på Vestlandet. Avdelinga leverer eit breitt spekter av tenester innan utvikling, drift, forvaltning og brukarstøtte. Avdelinga består av om lag 130 tilsette med variert kompetanse og bakgrunn, og vi deltek i mange spennande aktivitetar på tvers av heile universitetet.

Arbeidsoppgåver:

Hovudoppgåva i stillinga er å vere arkitekt med ansvar for den tekniske arkitekturen i produktlinja, og å sikre gode, framtidsretta og føremålstenlege teknologival. Rollen inneber eit overordna ansvar for arkitektur og teknisk retning, og å omsetje strategiske val til konkrete og gjennomførbare oppgåver for utviklingsteama.Som teknisk leiar vil du ha ei sentral rolle i samarbeidet mellom fagmiljø, utviklarar og andre interessentar.

Kort oppsummert skal du:

• Ha overordna teknologisk oversikt og sikre godt samspel mellom produkta i produktlinja
• Vidareutvikle eksisterande produkt
• Bidra i utvikling av nye produkt
• I samarbeid med produktforvaltar bryte ned og fordele tekniske oppgåver
• Delta aktivt i utviklinga av eitt eller fleire produkt i produktlinja

Dei som blir tilsett kan få andre arbeidsoppgåver innan avdelinga sine arbeidsområde.

Kvalifikasjonar og eigenskapar:

Kvalifikasjonar og eigenskapar:

• God kompetanse innan system, teknologisk arkitektur, integrasjonar og API-ar
• Erfaring med teknisk leiing av produkt eller større prosjekt
• Erfaring med moderne, programmerbar infrastruktur
• Serviceinnstilt og løysingsorientert
• Høg arbeidskapasitet og god gjennomføringsevne
• Evne til å samarbeide og dele kunnskap
• Nysgjerrig og lærevillig
• Sjølvstendig, strukturert og med god detaljforståing

Vi ser etter deg som:

• Har solid erfaring med systemutvikling og teknisk arkitektur
• Har god forståing for teknisk infrastruktur og samspel mellom system
• Evnar å sjå heilskaplege løysingar og ta gode teknologiske val
• Har kjennskap til, eller interesse for, behova i helseføretak og helseforskingsmiljø
• Har du i tillegg erfaring med ISO27001-sertifisering er det en stor fordel

For stilling som senioringeniør krevst mastergrad innan relevant fagområde, eller tilsvarande kompetanse oppnådd gjennom relevant praksis og tilstrekkeleg etter- og vidareutdanning.Du må kunne kommunisere godt på norsk og engelsk, både munnleg og skriftleg. For særleg kvalifiserte søkjarar kan det vere aktuelt med berre engelsk ved tilsetjing. I slike tilfelle er det obligatorisk å gjennomføre og bestå norskkurs nivå to innan to år.Personlege eigenskapar vil bli tillagt stor vekt.

Vi tilbyr:

• Eit godt, inkluderande og fagleg utfordrande arbeidsmiljø
• Ein kunnskapsrik og engasjert organisasjon med mange spennande aktivitetar
• Gode moglegheiter for fagleg utvikling og kompetanseheving
• Stilling som senioringeniør (kode 1181), med årsløn kr 720 000 – 850 000, avhengig av kvalifikasjonar. For særleg kvalifiserte søkjarar kan høgare løn vurderast
• Medlemskap i Statens pensjonskasse
• Moglegheit for avtale om delvis heimekontor
• Fleksitid og gode velferdsordningar

Generell informasjon:

Utfyllande opplysningar om stillinga kan ein få ved å vende seg til: produktlinjeleiar Kjell Fadnes (kjell.fadnes@uib.no, mobil 458 81 311), produktleiar Christine Stansberg (christine.stansberg@uib.no, mobil 402 33 184), produktområdeleiar Alexander Oltu (alexander.oltu@uib.no, mobil 468 19 137)

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

UiB er underlagt regelverket for eksportkontroll, og dette regelverket kan bli relevant ved behandling av søknader til stillinga.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.Nærare om tilsettingsprosessen her.

Søk på stillingen