Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det matematisk-naturvitenskapelige fakultet består av sju institutt og en rekke sentre. Les meir om fakultet og tilhøyrande institutt.

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Ph.d.-Stipendiat i kjemisk valorisering av biomasse

Ved Kjemisk Institutt er det ledig ei stilling som ph.d.-stipendiat i kjemisk valorisering av biomasse. Stillinga er for ein åremålsperiode på tre år, med høve til eit fjerde år beståande av pliktarbeid (til dømes undervisning).

Om prosjektet/arbeidsoppgåver:

Kjemisk kunnskap, teknologi og kompetanse spelar ei vesentleg rolle i arbeidet med å utløyse potensialet og nå måla for bioraffinering i ein framtidig biobasert sirkulær økonomi. PhD-prosjektet omhandlar målretta bioraffineringstilnærmingar, med fokus på termokjemisk konvertering av biomasseavfall (til dømes mat-/fruktavfall og makroalger) til høgverdige forbindelsar som furanar, fenolar, plattformkjemikaliar, bioenergi og biodrivstoff. Kunnskap om og bruk av analytiske og statistiske verktøy er avgjerande for å undersøkje og forstå utfordringar knytt til konvertering, opparbeidingsprosessar og produktreinsing. Berekraftevalueringar og -vurderingar ved bruk av livssyklustenking vil også spille ei sentral rolle. 

Arbeidet vil bli utført i forskingsgruppa til førsteamanuensis Camilla Løhre, som inngår i den tematiske forskingsgruppa "Grøne Energiberarar, Kjemikaliar og Material" ved Kjemisk Institutt.

 Kvalifikasjonar og eigenskapar:

• Søkjarar må ha oppnådd mastergrad eller tilsvarande utdanning i kjemi, kjemiteknikk, fornybar energi eller liknande, eller ha levert masteroppgåva til vurdering innan søknadsfristen er ute. Det er ein føresetnad at mastergraden er oppnådd før tilsetjing kan skje.
• Erfaring frå instrumentelle analysemetodar for kjemisk karakterisering og kvantifisering av organiske forbindingar er eit krav 
• Erfaring frå kjemisk valorisering av biomasse er eit krav
• Erfaring frå karbohydrat- og bioressurskjemi er ein føremon.
• Erfaring frå berekrafts- og/eller livsløpsanalysar er ein føremon.
• Søkjarar må kunne arbeide sjølvstendig og strukturert og ha gode samarbeidsevner.
• Søkjarar må ha gode skriftlege og munnlege engelskkunnskapar.
• Søkjarar må ha tilstrekkeleg gode kunnskapar i norsk eller eit skandinavisk språk til å delta i grunnundervisninga.

Personlege og mellommenneskelege eigenskapar vil bli lagt vekt på. Ambisjonar og potensial vil også telje ved vurdering av kandidatane.

Særeigne krav for stillinga

UiB er underlagd regelverket for eksportkontroll og regelverket gjeld ved behandling av søknadar til stillinga. 

For stillinga gjeldt følgande:

Om stillinga som ph.d.-stipendiat

Samla stipendperiode er 3 år, med høve til eit 4. år beståande av pliktarbeid (til dømes undervisning) fordelt med 25 % over tilsetjingsperioden. Dette avheng av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing.

Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.

Om forskarutdanninga

Som ph.d.-stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Det matematisk-naturvitskaplege fakultet er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.-studiet ved Universitetet i Bergen.

Vi tilbyr:

• eit godt og fagleg stimulerande arbeidsmiljø
• løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 532 200 (tilsvarande lønstrinn 54). Vidare opprykk skjer etter stillingsansiennitet.
• medlemskap i Statens pensjonskasse
• Gode velferdsordningar

Søknaden skal innehalde:

• Ei kort utgreiing om søkjaren sine forskingsinteresser og motivasjonen for å søkje stillinga
• Namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve.
• CV
• Karakterutskrifter og vitnemål for bachelor- og mastergrad. Dersom du enno ikkje har fullført mastergraden må du levere ei stadfesting på at mastergradsoppgåva er levert.
• Relevante attestar
• Godkjend dokumentasjon på at du oppfyller krav til engelskkunnskapar – Krav til engelskkunnskapar ved opptak til ph.d.-programmet
• Eventuell liste over vitskaplege arbeid (publikasjonsliste)
• Eventuelle publikasjonar

Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.

Generell informasjon:

Utfyllande opplysningar om stillinga kan ein få ved å vende seg til:

• Førsteamanuensis Camilla Løhre, Kjemisk Institutt, e-post camilla.lohre@uib.no, telefon +47 55 58 91 44

For HR-relaterte spørsmål ta kontakt med rådgjevar Anna Folgerø, e-post anna.folgero@uib.no.

Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her. 

Søk på stillingen