Rådgjevar for studiesaker og forskingsadministrasjon
Søknadsfrist: 15.08.2021
Universitetet i Bergen
Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Rådgjevar
Ved Senter for vitskapsteori det ledig ei fast stilling som rådgjevar. Den som blir tilsett, skal arbeide på to av kjernefelta ved universitetet, nemleg utdanning og forsking. Startdato er 01.09. 2021 eller etter avtale.
Forskingsprofilen til SVT famnar breitt, med fokus på kritisk refleksjon over forholdet mellom vitskap og samfunn. Senteret leier og deltar i forskingsprosjekt som studerer etiske og samfunnsmessige sider ved vitskap og teknologi. Senteret tilbyr også enkeltemner på bachelornivå, Dannelsesemner, og koordinerer ein nyoppretta mastergrad i berekraft. Det tverrfaglege masterprogrammet har oppstart hausten 2021, og er eit samarbeid mellom fleire fakultet ved Universitetet i Bergen. Til den utlyste stillinga ligg det administrative ansvaret for oppfølging av masterprogrammet i nært samarbeid med programstyreleiaren. I tillegg er det lagt forskingsadministrative oppgåver til stillinga.
Om lag 70 % av stillinga vil gå med til studieadministrasjon knytt til det tverrfaglege masterprogrammet i berekraft:
Fagutvikling og fagoppfølging
Administrativ kontaktperson for masterprogrammet
Studieplanarbeid, kvalitetssikring og rutineutvikling
Studierettleiing, eksamensadministrasjon, rekrutterings- og informasjonsarbeid
Sekretær for programstyret og støtte for programstyreleiaren i drifta av programmet
Koordinator for praksisplassar
Internasjonalisering og studentmobilitet
Om lag 30 % av stillinga vil gå med til forskingsadministrativ støtte til ulike forskingsprosjekt ved senteret.
Aktuelle arbeidsoppgåver er:
Administrativ prosjektoppfølging
Kommunikasjon og formidling
Arrangement og prosjektarbeid
Den som blir tilsett må rekne med endringar i oppgåver og nye arbeidsfelt. Stillinga inngår i fellesadministrasjonen til dei samlokaliserte sentra Senter for vitskapsteori og Senter for kvinne- og kjønnsforsking (SKOK). Næraste overordna er administrasjonssjefen.
Kvalifikasjonar og eigenskapar:
Kvalifikasjonar:
Høgare utdanning på mastergradsnivå. Lang relevant praksis kombinert med relevant etter- og vidareutdanning kan i særskilte høve kompensere for manglande formell utdanning
Relevant praksis frå administrasjon av høgare utdanning og/eller forsking vil bli vektlagd
Gode evner til å kommunisere skriftleg og munnleg på norsk og engelsk
God administrativ it-kompetanse. Kjennskap til studieadministrative system som Felles studentsystem (FS) er ei føremon
Erfaring frå styrearbeid er ei føremon
Kjennskap til og interesse for fagfelt relevant for masterprogrammet i berekraft vil bli vektlagt
Personlege eigenskapar:
Gode samarbeids- og kommunikasjonsevner
Strukturert og sjølvstendig
Fleksibilitet og sørvisinnstilling
Evne til prioritering og orden i periodar med stort arbeidspress
Vi kan tilby:
Løn tilsvarande lønssteg 60-65, for tida 543 100 - 593 900 kr. brutto per år. For særskilt kvalifiserte søkjarar kan det verte aktuelt å vurdere høgare løn. Frå bruttoløna vert det trekt 2 % til pålagt medlemskap i Statens pensjonskasse
Varierte og utfordrande arbeidsoppgåver i eit spennande fagmiljø
Kompetanse- og karriereutvikling
Samarbeid gjennom nettverk
Fleksibel arbeidstid og gode velferdstilbod
Medlemskap i Statens Pensjonskasse som inneber ei god tenestepensjonsordning, og dessutan tilbod om bustadlån til gunstig rente og yrkesskade- og gruppelivsforsikring
Stilling i ei inkluderande arbeidslivsverksemd (IA-verksemd).
Gode velferdsordningar.
Generell informasjon:
Utfyllande opplysningar om stillinga kan ein få ved å vende seg til:
Administrasjonssjef Tone Lund-Olsen på telefon 55 58 33 12, eller ved e-post tone.lund-olsen@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn vert oppmoda om å søkje stillinga.
Opplysningar om søkjaren kan verte gjort offentlege sjølv om søkjaren har oppmoda om ikkje å bli ført opp på søkjarlista. Dersom oppmodinga ikkje blir teken til følgje, skal søkjaren varslast om dette.
Den som vert tilsett, må rette seg etter dei retningslinene som til ei kvar tid gjeld for stillinga.
Søknad og CV skal sendast elektronisk via link på den sida «SØK STILLINGEN». Kopi av vitnemål og attester og kontaktinformasjon til minst to referansar skal leggast ved søknaden.
