Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Sentraladministrasjonen gjev råd og bistand til leiing og fakultet ved Universitetet i Bergen.

Sentraladministrasjonen er organisert i sju avdelinger. Les meir om økonomiavdelinga her.

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Rådgjevar/seniorrådgjevar for eksternfinansierte prosjekt ved UiB

Ved Økonomiavdelinga sin Seksjon for prosjektøkonomi er det ledig ei 100 % stilling som rådgjevar/seniorrådgjevar innan området eksternfinansierte forskings- utdannings- og innovasjonsprosjekt.

Vi søkjer ein person med erfaring og engasjement knytt til forskingssamarbeid.

Økonomiavdelinga ved Seksjon for prosjektøkonomi har viktige økonomisk/administrative støtteoppgåver for fagmiljøa knytt til universitetet sine kjerneoppgåver innan søknad og oppfølging av forskings- og utdanningsprosjekt.

Desse oppgåvene blir utført i tett samarbeid med Forskings- og innovasjonsavdelinga og andre støttefunksjonar. Økonomiavdelinga utfører også sakshandsaming og rådgjeving for universitetsleiinga innanfor dette fagområdet.

Eit viktig strategisk satsingsområde for UiB er å auke den eksternt finansierte prosjektportefølja, inkludert å få fleire prosjekt innan EU sitt rammeprogram for forsking Horisont Europa og dei ulike programma til Forskningsrådet. Her jobbar rådgjevarar ved økonomiavdelingen i tett kontakt med rådgjevarar ved andre sentraladministrative avdelingar gjennom UiB sitt tverrfaglege rådgjevingsteam, og tilrettelegg for gode prosesser for både fakultetsadministrasjon, og for dei enkelte forskarane.

I EU sine rammeprogram for forskning jobbar forskarar frå UiB saman med forskarar og fagmiljø frå heile Europa, men også i mange tilfeller utanfor Europa. Seksjon for prosjektøkonomi bistår fagmiljøa i driftsfasen til EU sine rammeprogram-prosjekt, der vi blant anna arbeider som økonomisk/administrativ prosjektleiar for dei prosjekta der UiB har koordineringsansvar. Dette er ein jobb der man må arbeide tett med dei vitenskapelig ansatte, og man får innsikt i ein del av den spanande forskinga som skjer.I tillegg arbeider seksjonen med generell rådgjeving og opplæring til fagmiljøa knytta til andre finansieringskjelder.

Arbeidsoppgåver:

• Økonomisk/administrativ prosjektleiar i UiB sine koordinatorprosjekt i Horisont 2020 og Horisont Europa
• Økonomisk og administrativ oppfølging av den ekstern finansierte prosjektporteføljen ved UiB
• Økonomisk rådgjeving til fagmiljøa i alle prosjektfasane frå mobilisering, søknad, kontrakt, drift og til avslutning
• Vere fagekspert ved UiB på utvalde finansieringskjelder
• Bidra til å videreutvikle og digitalisere prosesser innafor prosjektøkonomi- og administrasjon.
• Opplæring av administrasjons- og prosjektleiarar, økonomar og andre rådgjevarar
• Stillinga inngår i UiBs tverrfaglege BOA-team som innebærer tett dialog med andre sentraladministrative avdelingar i prosjektoppfølging.

Kvalifikasjonar og eigenskapar:

• Høgare utdanning innan økonomi og administrasjon på masternivå. Lang, relevant praksis kombinert med relevant etter- og vidareutdanning kan i særskilte høve kompensere for manglande formell utdanning.
• Minimum 5 års erfaring frå økonomioppfølging og rådgjeving i større verksemder
• Har erfaring frå å sette seg inn i komplekse regelverk
• Kjennskap til EUs forskingsprogram og Forskningsrådet er ein styrke
• Kjennskap til Unit4-ERP eller liknande system er ein føremon
• God skriftleg og munnleg framstillings- og kommunikasjonsevne både på norsk og engelsk.
• God rekneskaps- og tall-forståing
• God digital kompetanse

Eigenskapar:

• Er sjølvstendig og drivande i prosessar
• Vilje til å bidra til det faglege og sosiale fellesskapet

Vi kan tilby:

• Varierte og utfordrande arbeidsoppgåver i eit godt arbeidsmiljø
• Stilling som rådgjevar (kode 1434) i ltr 64 – 72 (for tida kr. 583.500 – 677 600) eller seniorrådgjevar (kode 1364) i ltr. 68 - 75 (for tida kr. 626 100 – 715 900) etter kvalifikasjonar. For særleg kvalifiserte søkjarar kan høgare løn vurderast.
• Fleksibel arbeidstid
• Medlemskap i Statens Pensjonskasse som inneber god tenestepensjonsordning, tilbod om bustadlån til gunstig rente og yrkesskade- og gruppelivsforsikring
• Gode velferdsordningar

Generell informasjon:

Utfyllande opplysningar om stillinga kan ein få ved å vende seg til:

• Seksjonsleiar Kari Eidsheim tlf. 41 50 64 22 e-post: kari.eidsheim@uib.no

Den som vert tilsett, må rette seg etter dei retningslinene som til kvar tid gjeld for stillinga, men arbeidsoppgåvene kan endrast etter behov på Økonomiavdelinga.

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Søknad og CV skal sendast elektronisk til Universitetet i Bergen via linken ”Søk stillinga” øvst på denne sida. Kopi av vitnemål og attestar skal berre sendast dersom du får melding om dette.

Nærare om tilsettingsprosessen her.

Søk på stillingen