Ledig stilling på Universitetet i Oslo
Blindern og Urbygningen (Foto: Wikimedia og Colourbox)
Personalkonsulent / -rådgjevar (Det samfunnsvitenskapelige fakultet)
Søknadsfrist 01.01.2019
Om stillinga
Universitetet i Oslo
Universitetet i Oslo er den eldste og høgst rangerte forskings- og utdanningsinstitusjonen i Noreg, med 28000 studentar og 7000 tilsette. Fagleg breidde og internasjonalt anerkjende forskingsmiljø gjer UiO til ein viktig samfunnsaktør.
Fakultetsadministrasjonen ved Det samfunnsvitskaplege fakultet støttar einingane i den daglege drifta og har samstundes eit overordna koordineringsansvar for heile fakultetet. Fakultetsadministrasjonen er delt i fem avdelingar; studie, personal, økonomi, IT/AV-tenester og forsking, og vert leia av fakultetsdirektøren, med dekanen som leiar av heile fakultetet. Fakultetsadministrasjonen har tilsaman rundt 70 tilsette.
Det samfunnsvitskaplege fakultet er noregs største samfunnvitskaplege miljø og nummer to i Norden. Fakultetet har i underkant av 600 årsverk, der omlag 75 % sit i vitskaplege stillingar. Aktiviteten er i aukande grad knytt til eksternt finansierte prosjekt med mange mellombels tilsette og ein stadig aukande andel utanlandske tilsette som skal følgjast opp mellom anna i høve til eit omfattande internt og eksternt regelverk som stadig er i endring.
Vi har ledig ei fast stilling som personalkonsulent/-rådgjevar (seniorkonsulent SKO 1363/rådgjevar SKO 1434). Fakultetet har tilsaman 7 personalmedarbeidarar, der 3 av disse er plassert ved Psykologisk insittutt. Denne stillinga vil inngå i eit team på 4 personalmedarbeidarar, plassert i fakultetsadministrasjonen, med seksjonssjef for personal, økonomi og arkiv som næraste overordna. Seksjonen forvaltar den personalfaglege administrasjonen ved størstedelen av fakultetet, bidreg i rekrutteringsprosessar og gir leiarstøtte på personalområdet.
Arbeidsoppgåver
Personalkonsulenten skal arbeide med eit breidt spekter av administrative oppgåver, mellom anna sakshandsaming innan personalområdet, HR-fagleg oppfølgjing av tilsette og leiarar, og i tillegg utviklingsoppgåver innan personalfeltet. Arbeidsoppgåvene stiller høge krav til nøyaktigheit og evne til å jobbe raskt og systematisk. Dei viktigaste arbeidsoppgåvene er:
- sakshandsaming innan personal/HR etter statleg lov- og avtaleverk, til dømes tilsettingsprosessar (primært vitskaplege stillingar), permisjonar, opprykkssaker og fråtredingar
- rettleiing og juridisk rådgjeving innan personalområdet overfor institutt og sentre ved fakultetet
- rutineoppgåver må påreknast
Universitetet i Oslo nyttar for tida ePhorte som sakshandsamingsvektøy, SAP som løn- og personalsystem og Jobbnorge som rekrutteringssystem.
Kvalifikasjonskrav
- erfaring som sakshandsamar innan personalforvaltning, fortrinnsvis frå Universitets- og høgskulesektoren
- solid erfaring frå rekrutterinsprosessar til vitskaplege stillingar er eit krav for tilsetting som rådgjevar
- utdanning minimum tilsvarande bachelor, relevant realkompetanse kan erstatte utdanningskravet
- erfaring med bruk av relevante system innan sakshandsaming, personal og rekruttering er ei føremon
- god munnleg og skriftleg framstillingsevne på norsk og engelsk krevst
Personlege eigenskapar
- evne til å handtera fleire krevjande parallelle arbeidsoppgåver, samstundes som du er nøyaktig og systematisk
- ansvarsbevisst, sjølvstendig og initiativrik
- god til å planleggje, følgje opp saker og gjennomføre tiltak
- bidreg til eit godt arbeidsmiljø og samarbeidsklima ved fakultetet
Vi tilbyr
- løn som seniorkonsulent (SKO 1363) kr 472 300 - kr 544 400 og som rådgjevar (SKO 1434) kr 524 200 - 607 700 pr. år avhengig av erfaring og kompetanse
- fleksibel arbeidstid og gode velferdsordningar
- god pensjonsordning og gunstig lån i Statens Pensjonskasse
Søknaden skal innehalde
- søknadsbrev
- CV
- kopi av relevante attestar og vitnemål (kun høgare utdanning)
- liste med 2-3 referansar (namn, tilknyting til søkjar, e-postadresse og telefonnummer)
Søknad med vedlegg må sendast inn via vårt elektroniske rekrutteringssystemet Jobbnorge. Klikk på "Send søknad".
Andre opplysningar
Aktuelle søkjarar vil bli kalla inn til intervju.
I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.
UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.
I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.
Kontaktinformasjon
- Seksjonssjef Terje Hegge, tlf: 22 85 76 95
- Seniorrådgjevar Aud-Jorunn Sandal, tlf: 22858224
Send søknad