Psykologisk institutt

Om stillinga

Det samfunnsvitskaplege fakultet, Psykologisk institutt, søkjer rutinert/talentfull administrator til fast stilling som studiekonsulent, seniorkonsulent (SKO 1363)/førstekonsulent (SKO 1408). Den som vert tilsett vil få det studieadministrative hovudansvaret for masterprogramma i psykologi, inkludert Global-MINDS samarbeidet.

Stillinga vil inngå i instituttet sin studieseksjon med 8 tilsette, der det kan bli aktuelt med noko rokkering i arbeidsoppgåver innanfor seksjonen. Stillinga føreset eit tett samarbeid med programleiinga, emneansvarlege og dei andre i administrasjonen. Stillinga inneber mykje kontakt med vitskapleg tilsette og studentar.

For nærare informasjon om instituttet, sjå nettsida vår.

Arbeidsoppgåver

• Undervisningsplanlegging
• Studierettleiing og informasjonsarbeid
• Opptak til masterprogrammet
• Sakshandsaming av studentsaker
• Utveksling på masterprogrammet, i samarbeid med koordinator på instituttet
• Kvalitetssikringsarbeid og utviklingsoppgåver innan studiefeltet
• Andre oppgåver kan bli lagt til stillinga

Kvalifikasjonskrav

• Høgare utdanning på minst bachelornivå
• Dokumentert relevant realkompetanse kan erstatte utdanningskravet dersom kandidaten kan dokumentere evne til å meistre oppgåver på det aktuelle nivået
• Relevant arbeidserfaring
• God skriftleg og munnleg framstillingsevne på norsk og engelsk er ein føremon

Ønskeleg kompetanse/erfaring

• God kjennskap til UiO sine arbeidsverktøy, mellom anna Felles Studentsystem (FS), TP, Canvas, Leganto og ePhorte.
• Kjennskap til offentleg forvaltning
• Erfaring med koordinerande arbeid og utviklingsarbeid innan det studieadministrative område

Personlege eigenskapar

• Tek ansvar og kan jobbe sjølvstendig, nøyaktig, systematisk og effektivt
• Er flink til å kommunisere og har gode samarbeidsevner
• Klarer å handtere mange oppgåver samstundes
• Klarer å tenke langsiktig og er flink til å planlegge
• Bidreg til eit godt arbeidsmiljø

Vi tilbyr

• Stillinga vert løna som førstekonsulent (stillingskode 1408) med løn frå kr. 475 800 - 524 900 eller som seniorkonsulent (stillingskode 1363) med løn frå 491 200 - 574 700 pr. år avhengig av kompetanse
• Eit hyggeleg og stimulerande arbeidsmiljø
• Gode velferdsordningar og høve til trening i arbeidstida
• God pensjonsordning i Statens Pensjonskasse

For tilsetjing som seniorkonsulent blir det ein føresetnad at det blir lagt utviklings- og koordinerande oppgåver til stillinga. Dette vil avhenge av kompetansen til den som blir tilsett.

Søknaden skal innehalde

• Søknadsbrev med skildring av relevant bakgrunn og jobberfaring
• CV
• Vitnemål og attestar, liste med 2-3 referansar (namn, tilknyting til søkjar, e-postadresse og telefonnummer)

Søknad med vedlegg må sendast inn via rekrutteringssystemet vårt, Jobbnorge

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. Eventuelt ved leiarstilling med mindre enn 40 % kvinnedel oppmodast kvinner særskild til å søkje.

Inkludering og mangfald er ein styrke. UiO har eit personalpolitisk mål om å oppnå ei balansert kjønnssamansetjing. Vidare ønskjer vi medarbeidarar med ulike kompetansar, fagkombinasjonar, livserfaring og perspektiv. Vi vil leggje til rette for medarbeidarar som har behov for det.

Om det er kvalifiserte søkjarar med funksjonsnedsetjing, hol i CV-en eller innvandrarbakgrunn, skal vi kalle inn minst éin søkjar i kvar av desse gruppene til intervju.

Kontaktinformasjon

• Avdelingsleder Gunnar André Malmin e-post: g.a.malmin@psykologi.uio.no
• Personalrådgjevar Frøydis Gjerpe Bekkedal: f.g.bekkedal@psykologi.uio.no (kun ved spørsmål om elektronisk søknad)

Søk på stillingen