Høgskulen på Vestlandet (HVL) er ein av dei største høgskulane i landet, med om lag 1 900 tilsette og 17 500 studentar fordelte på fem campus i Førde, Sogndal, Bergen, Stord og Haugesund.

Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.

HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.

Fakultet for lærarutdanning, kultur og idrett har fire institutt med tilsette i Bergen, Sogndal og på Stord. Fakultetet er ein av dei største lærarutdanningsinstitusjonane i landet med rundt 6 600 studentar og 550 tilsette, og tilbyr barnehagelærarutdanning, grunnskulelærarutdanning for 1.-7. og 5.-10. trinn, praktisk-pedagogisk utdanning, bachelorutdanningar, masterutdanningar og Ph.d.-program. Fakultetet har eit omfattande etter- og vidareutdanningstilbod. Forskingsaktiviteten ved fakultetet blir organisert i forskingsprogram og forskargrupper.

Institutt for idrett, kosthald og naturfag har ca. 120 tilsette i Sogndal, Bergen og på Stord. Fagområda i instituttet omfattar idrett, kroppsøving, fysisk aktivitet, folkehelse, friluftsliv, naturfag og mat og helse. Instituttet er óg ansvarleg for oppfølging av Nasjonalt senter for mat, helse og fysisk aktivitet.

Instituttet har ansvar for fleire utdanningar på bachelornivå innan idrett, friluftsliv og folkehelse. I tillegg kjem masterutdanningar i idrettsvitskap, lærarutdanning i praktiske og estetiske fag for trinn 1-13 kroppsøving og idrettsfag og master i didaktiske praksisar. Instituttet gir óg undervisning i fysisk fostring, naturfag og mat og måltid i barnehagelærarutdanninga, i mat og helse, naturfag og kroppsøving i dei femårige grunnskulelærarutdanningane, og kroppsøving og naturfag i praktisk-pedagogisk utdanning. Instituttet bidreg og i fakultetet sitt Ph.d.-program: Danning og didaktiske praksisar. Instituttet har studietilbod for utanlandske studentar på alle tre campus, samt etter- og vidareutdanningstilbod. Tilsette på instituttet er involvert i forsking og utviklingsarbeid som er relevant for aktiviteten ved fakultetet og deltek i faglege nettverk både nasjonalt og internasjonalt. Instituttet er og ein viktig aktør regionalt og nasjonalt for å bidra til kompetanseutvikling i skule, barnehage, idrett, friluftsliv, helse- og treningssenterbransje m.m.

Ved Høgskulen på Vestlandet (HVL) er det ledig ei 100% mellombels stilling som førsteamanuensis/ førstelektor/ høgskulelektor i biologi/biologididaktikk ved Fakultet for lærarutdanning, kultur og idrett.

Stillinga inngår i Institutt for idrett, kosthald og naturfag, campus Bergen og er ledig i tida 01.08.2025 – 31.07.2026. 

Om stillinga:

Stillinga er knytt til naturfag for barnehagelærarutdanninga og grunnskulelærarutdanningane. Fagmiljøet er dynamisk med eit rikt og mangfaldig forskarmiljø med pågåande prosjekt nasjonalt og internasjonalt, og med brei kompetanse innanfor naturfag. I tillegg til å bidra i dei nemnte lærarutdanningane, deltar fagmiljøet i etter- og vidareutdanningstilbod. Fagmiljøet er og aktivt deltakande i doktorgradsprogrammet «Danning og didaktiske praksisar».

Arbeidsstaden er Bergen.

Ansvars- og arbeidsoppgåver:

Stillinga har følgjande ansvars- og arbeidsoppgåver:

• Undervise, rettleie og utvikle studentaktive læringsformer i tråd med krav i studietilsynsforskrifta, knytt til både barnehagelærarutdanninga og grunnskulelærarutdanningane 1-7 og 5-10.
  • Undervisninga innan barnehagelærarutdanninga er i kunnskapsområdet natur, helse og rørsle, og korleis ein arbeidar med kunnskapsområda med dei minste barna.
  • Undervisninga innan grunnskulelærarutdanningane er i biologi/biologididaktikk, og korleis ein arbeider med tema på dei ulike alderstrinna i skulen.
• Institusjonsbyggjande arbeid irekna: fagadministrative oppgåver og samhandling med eksterne partnarar.
• Det kan bli aktuelt å undervise i andre studieprogram ved instituttet, internasjonale emne, samt etter- og vidareutdanning.
• Arbeidsoppgåver innan desentralisert kompetanseutvikling i skule og/eller kurs- og oppdragsverksemd er og aktuelt for stillinga.
• Bidra i, og gjennomføre, oppgåver knytt til nasjonale og regionale oppdrag innan naturfaget. 
• Aktivt bruke digitale verktøy i arbeidskvardagen.
• Det kan bli aktuelt med noko reising i stillinga.

Kvalifikasjonskrav:

Formell utdanning og kompetanse:

Kriteria for tilsetting i undervisnings- og forskarstilling går fram av Forskrift til universitets- og høyskoleloven. 

For tilsetjing som førsteamanuensis må søkar ha avlagt doktorgrad i biologi/biologididaktikk eller innanfor eit område med relevans for naturfag i barnehagelærarutdanning og grunnskulelærarutdanningane.

For tilsetjing som førstelektor må søkar ha førstekompetanse i samsvar med forskrifta, og med tilsvarande relevanskrav som for førsteamanuensis.

For tilsetting som høgskulelektor må søkjar ha hovudfag/mastergrad med gode resultat, fortrinnsvis A eller B på masteroppgåva, og med relevans for stillingsprofilen.

Den som blir tilsett må ha gode samarbeids- og formidlingsevner, men òg evne til å arbeide sjølvstendig, ta initiativ og vere fleksibel. Høgt etisk medvit i møte med studentar er påkravd.

Undervisningsspråket er norsk og søkarar må meistre norsk eller eit anna skandinavisk språk.

Den som blir tilsett må vere personleg egna for stillinga og utvise ei klar forståing for dei didaktiske sidene ved undervisningsområda.

Følgande teller positivt i vurderinga i prioritert rekkefølgje: 

• Pedagogisk kompetanse og relevant erfaring frå barnehage og/eller grunnskule
• Pedagogisk kompetanse og relevant erfaring frå høgare utdanning
• Personleg forståing for undervisninga sin karakter og fokus
• Erfaring frå relevante utviklingsprosjekt i barnehage, skule, lærarutdanning og utviklingsprosjekt med praksisfeltet
• Erfaring frå uteundervisning
• Internasjonal erfaring

Aktuelle kandidatar blir innkalla til intervju. 

Korleis søkje på stillinga?

Send søknad og CV ved å klikke på knappen merka ”Søk stillinga” på denne sida.

Vi gjer merksam på at søknadar vert vurdert ut frå den informasjonen som er lagt inn i www.jobbnorge.no ved søknadsfristens utløp. Det er søkjar sitt ansvar å sørgje for at alle relevante vedlegg er lagt inn innan fristen, irekna:

• Vitskaplege arbeida (inntil 5 stk.)
• Fullstendig publikasjonsliste
• Attestar og vitnemål.

Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv lasta opp attesterte omsetjingar. Om vedlegga overstig 25 MB må dei komprimerast før opplasting eller leggjast ved som lenkje, total maksgrense for opplasting av vedlegg er 50 MB.

Søkjarar med utanlandsk utdanning må i tillegg dokumentere at utdanninga samsvarar med norsk bachelor-, master-eller ph.d.-grad. Sjå www.hkdir.no for meir informasjon om vurdering av høgare utdanning. 

HK-dir tilbyr automatisk godkjenning for enkelte gradar frå utvalde land. Dersom utdanninga til søkjaren er dekka av ordninga med automatisk godkjenning, vil det vera tilstrekkeleg å leggje ved dokumentasjon på dette. Du kan lese meir om ordninga med automatisk godkjenning her.

Vi gjer merksam på at søknad om vurdering gjennom den ordinære godkjenningsordninga til HK-dir kan ta tid. Du bør difor sende søknad om godkjenning så raskt som mogeleg når du veit at du vil søkje på stillinga. Dersom du ikkje har fått svar frå HK-dir innan søknadsfristen, legg du ved dokumentasjon frå HK-dir om at dei har motteke søknaden din. 

Søkjarar kan ikkje sende søknadar på e-post til enkeltpersonar ved høgskulen. 

Vi tilbyr:

• Gode pensjons- og forsikringsordningar i Statens pensjonskasse
• Spanande fagmiljø med moglegheit for kompetanseheving - og utvikling
• Høve for trening i arbeidstida

Stillinga som førsteamanuensis / førstelektor / høgskulelektor er lønna etter Statens lønsregulativ, i stillingskode 1011 - Førsteamanuensis / 1198 - Førstelektor / 1008 - Høgskulelektor.

Frå løna vert det trekt 2 % innskot til Statens pensjonskasse.

Generell informasjon:

Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.

Den statlege arbeidsstyrken skal i størst mogleg grad spegle mangfaldet i befolkninga. Det er difor eit personalpolitisk mål å oppnå ein balansert alders- og kjønnssamansetning og rekruttere personar med minoritetsbakgrunn, nedsett funksjonsevne og hol i CV.

Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.

Kontaktperson ved Høgskulen på Vestlandet er:

1) Assisterande instituttleiar Merete Økland Sortland, Tlf:53491428/90955465, mos@hvl.no

2) Assisterande instituttleiar Ingrid Leversen, Tlf: 55587533, ilev@hvl.no

Søk stillinga