OsloMet – storbyuniversitetet er det tredje største universitetet i Noreg, med nesten 22 000 studentar og over 2500 tilsette. Vi har campus i Oslo sentrum og på Romerike. OsloMet leverer forsking og utdanning med høg relevans for arbeidslivet, velferdsstaten og storbyregionen.

Senter for velferds- og arbeidslivsforskning (SVA) ved OsloMet - storbyuniversitetet består av Arbeidsforskningsinstituttet (AFI), Velferdsforskningsinstituttet NOVA, By- og regionforskningsinstituttet NIBR og Forbruksforskningsinstituttet SIFO.

NOVA er ett av Norges største samfunnsvitenskapelige forskningsinstitutt med vekt på forskning om oppvekst, velferd, sosialpolitikk og eldre år.

Om stillinga

Har du lyst til å leie ein seksjon med dyktige og engasjerte forskarar? Vi er på jakt etter ein person som ønsker å kombinere eiga forsking med leiing og vidareutvikling av eit av Noregs sterkaste miljø på forsking om barndom og oppvekst, offentlege tenester som berører barn, og familien som arena for sosialisering, utvikling, krenkingar og overgrep.

Seksjon for forsking om barn, familiar og barnevern forskar på oppvekst og familieliv, og rettar merksemda særleg mot posisjonar som kan oppfattast som sårbare eller utsette i lys av det ulike aktørar oppfattar som vanleg, bra, eller normalt. Forskingsprosjekta våre omfattar ulike nivå og sektorar av samfunnet, som individs og gruppers livssituasjon, velferdsinstitusjonar og -tenester, politikk og lovverk. I tillegg til barn, familie og barnevern er vald i nære relasjonar, familievernet, migrasjon og mangfald i ulike betydningar viktige forskingstema i seksjonen. Vi forskar på verknader av lovar, tiltak, profesjonelle praksisar og politikk for ulike befolkningsgrupper, på samarbeid mellom ulike tenester, og på betydninga av alt dette for individs og familiars liv, tilhøyrslar og nettverk både i Noreg og transnasjonalt.

Vi er forskarar med bakgrunn frå ulike samfunnsvitskaplege disiplinar som primært tar i bruk kvalitative metodar som intervju, etnografisk feltarbeid og dokumentanalysar. Forskinga vår er eksternt finansiert gjennom konkurranse om oppdrag. Viktige finansieringskjelder er i all hovudsak departement, direktorat, Forskingsrådet og internasjonale finansieringskjelder. Vi er opptatte av å publisere og formidle forskinga vår for å gjere den tilgjengeleg for fagfeltet, i undervisning og for vidare politikkutforming. 

Som forskingsleiar for denne seksjonen blir du ein del av eit fagleg sterkt og inkluderande arbeidsmiljø. Du får høve til å prege utviklinga i seksjonen og vil delta i strategisk utvikling av NOVAs forsking. Du bør ha solid samfunnsvitskapleg forskingskompetanse, gode leiareigenskapar og evna til å tenke strategisk. Du blir ein del av eit leiarteam som er opptatt av å skape tryggleik, tillit og sikre gjensidig støtte og forankring av avgjerder. 

Leiargruppa består av tre andre forskingsleiarar, ein administrativ leiar og direktør. Du vil rapportere direkte til direktøren.

Les meir om NOVA

Les meir om Seksjon for barndom, familie og barnevern

Arbeidsoppgåvene og ansvarsområda dine vil vere å

• leie utviklinga av dei overordna faglege måla til seksjonen innanfor strategiane og rammevilkåra til instituttet
• ha personal- og budsjettansvar
• initiere og legge til rette for prosjektakkvisisjon
• vidareutvikle forskingssamarbeid mellom seksjonen og miljø i og utanfor NOVA og OsloMet
• bidra til strategisk leiing av instituttet inkludert å fungere som bindeledd mellom seksjonen og annan leiing
• drive med eiga forsking i 20 prosent av full stilling

Kvalifikasjonskrav

Du må ha:

• doktorgrad eller tilsvarande innanfor relevante fagområde, helst samfunnsvitskaplege område
• erfaring med prosjektleiing, gruppeleiing og/eller personalleiing
• erfaring frå prosjektakkvisisjon
• erfaring frå forsking og vitskapleg publisering på eitt eller fleire av kjerneområda til seksjonen 
• god skriftleg og munnleg framstillingsevne på norsk eller eit skandinavisk språk og engelsk

Det er ein fordel om du også har:

• kjennskap frå oppdragsmarknaden og ulike forskingsfinansiører
• god forståing for forskingsstrategisk leiing
• god økonomiforståing og erfaring med budsjettarbeid

Personlege eigenskapar

Som forskingsleiar med personalansvar vil vi legge stor vekt på personlege eigenskapar. Personlege eigenskapar bygger på skjønnsmessige vurderingar baserte på individuelle intervju og samtaler med referansar.

Vi ønsker ein engasjert leiar som evnar å motivere og som bidrar til å skape, og dessutan legge til rette for, eit godt arbeidsmiljø. Stillinga inneber også å følgje opp den faglege utviklinga til forskarane i eininga. Samarbeid, gode kommunikasjonsevner og oppfølging av dei du leier, er viktige eigenskapar vi ser etter. Det vil i periodar kunne vere høgt tempo og knappe tidsfristar, og den som blir tilsett må kunne handtere dette godt. Det vil også bli lagt vekt på evne til å arbeide nøyaktig, sjølvstendig og resultatorientert.

Det er viktig for OsloMet å spegle befolkninga i regionen vår, og vi ønsker alle kvalifiserte søkarar velkommen. Vi arbeider aktivt med å utvikle oss vidare som ein inkluderande arbeidsplass, og for å legge til rette arbeidsplassen dersom du har behov for det. Har du periodar i livet der du ikkje har vore i arbeid, utdanning eller opplæring, er du også velkommen til å søke hos oss.

Vi tilbyr

• interessante oppgåver ved Noregs tredje største universitet
• moglegheiter til fagleg utvikling i eit spennande fag- og forskingsmiljø
• eit inkluderande og godt arbeidsmiljø
• fleksibel arbeidstid og gode velferdsordningar
• låne- og pensjonsvilkår i Statens pensjonskasse

Andre opplysningar

Stillinga blir lønt i samsvar med Hovedtariffavtalene i staten som forskingssjef med stillingskode 1111, frå kroner 850 00 – 950 000 per år. Frå lønna blir 2 % pensjonsinnskot trekt til Statens pensjonskasse (SPK). For spesielt kvalifiserte søkarar kan vi vurdere høgare lønn.

Stillinga er på åremål for fire år, med moglegheit for tilsetting i to periodar til, maksimalt 12 år.

Åremålsstillinga som forskingsleiar ved NOVA inneber 80 % leiartid og 20 % forskingstid. Etter enda åremål vil stillingsinnhaldet endrast til 100 % forskingstid i stillingskode 1109 forskar.

Søknadsprosess

Vil du søke på stillinga, må du søke via rekrutteringssystemet vårt.

Innan søknadsfristen må du saman med søknaden laste opp følgjande dokument:

• søknadsbrev
• CV, alle sider av vitnemål og evt. attestar
• fullstendig publikasjonsliste
• inntil 10 vitskaplege arbeider, og ei oversikt over desse, inkl. ph.d.-avhandling om relevant

Vi behandlar berre søknader sende via det elektroniske rekrutteringssystemet vårt, og alle dokument må lastast opp for at søknaden din skal behandlast. Dokumenta må vere på eit skandinavisk språk eller engelsk. Omsettingar må vere autoriserte, og du må rekne med å legge fram originalar ved eit eventuelt intervju. OsloMet gjennomfører kontroll av dokument, slik at du som kandidat skal få ei reell evaluering og rettferdig konkurranse. Ufullstendige søknader vil ikkje bli vurdert.

Kontaktopplysningar

Ønsker du nærmare informasjon om stillinga kan du kontakte:

• instituttdirektør Guro Ødegård, mobiltelefon: 990 24 922 (epost: guro.odegard@oslomet.no)

Ved problem med rekrutteringsportalen, kan du ta kontakt med HR-seniorrådgivar Monica Johnsen Solhaug på e-post: mosol8900@oslomet.no.

Referansenummer: 25/02406

Søk på stillingen