Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Stillinga er ekstern finansiert, og er for tida knytt til Senter for forsking på hjartesjukdom hos kvinner. Prosjektet har ei førebels finansiering i fire (4) år. For søkjar med fast stilling ved Hjarteavdelinga, Haukeland Universitetssjukehus, kan tilsetting i 50-70 % stilling vera aktuelt. Søkjar må opplyse kva stillingsprosent som søkjast.
Om Senter for forsking på hjartesjukdom hos kvinner/arbeidsoppgåver:
forsking på hjartesjukdom hos kvinner
undervising i master- eller ph.d.- program av vanlege typar hjartesjukdom hos kvinner
formidling av korleis symptom, risikofaktorar, diagnostikk og behandling av vanlege typar hjartesjukdom skil seg mellom kvinner og menn
administrative oppgåver knytt til aktivitetane ved senteret
Kvalifikasjonar og eigenskapar:
søkjar må ha relevant norsk ph.d.-grad eller tilsvarande doktorgrad
søkjar må ha erfaring frå klinisk eller epidemiologisk forsking innan hjartesjukdom hos kvinner
erfaring frå nasjonale og internasjonale nettverksarbeid vil vere ein føremon
det er ønskjeleg at vedkomande har erfaring med rettleiing, undervisning, skriving av rapportar og utarbeiding av prosjektsøknadar
personlege eigenskapar inkludert evne til sjølvstendig initiativ og evne til samarbeid vert vektlagt i vurdering av søkjarane
kandidaten må vere motivert og ansvarleg, og også ha høg arbeidskapasitet og entusiasme for forsking
søkjar må vere særs god i munnleg og skriftleg norsk og engelsk
det er ein føremon om kandidaten har erfaring frå internasjonalt samarbeid
Vi kan tilby:
eit godt og utfordrande arbeidsmiljø i forskingsfronten innan hjartesjukdom hos kvinner
løn etter lønssteg 64 (kode 1109/lønsramme 24.8) i lønsregulativet til staten ved tilsetjing, for tida 575 600 kr brutto pr. år for ei fulltidsstilling. For søkjarar med spesialitet lønssteg 66 (kode 1109/lønsramme 24.10), for tida 597 000 kr brutto for ei fulltidsstilling. Vidare opprykk skjer etter tenesteansiennitet i stillinga.
eit søknadsbrev der du skriv om din motivasjon, kvifor du søkjer stillinga og kvifor du passer til denne
ei oversikt over utdanning og arbeidserfaring (CV)
attesterte kopiar av vitnemål og relevante attestar (Søkjarar med utanlandsk utdanning må leggje ved både vitnemål på original språket og autoriserte omsetjingar)
publikasjonar, vitskaplege/faglege arbeid du ønskjer at det skal takast omsyn til ved vurderinga (maks 10 i PDF) og ei liste over desse
doktorgradsavhandlinga (PDF)
to referansar (namn og kontaktinformasjon)
Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som pdf vedlegg til søknaden.
Følgande premiss er lagt til grunn for stillinga som forskar:
forskaren skal vere medlem i forskingsgruppa som fagfeltet høyrer inn under
lønsutgiftene skal om mogleg vere 100 % eksternt finansiert
forskaren skal aktivt bidra med å innhente eksterne prosjektmidlar til fagmiljøet, til
både seg sjølv og andre, frå NFR, EU og andre kjelder
det er forventa at forskaren har sin forskingsaktivitet finansiert av prosjekta forskaren og forskingsgruppa rundt forskaren arbeider med
instituttleiar kan pålegge forskaren arbeid inn mot bestemte forskingsprosjekt
forskaren kan inneha verv, delta i komitear, utval m.m. innan Universitetet i Bergen
forskaren har ikkje undervisningsplikt, men forventas å rettleie master- og ph.d.-
studentar i den grad dette inngår som ein naturleg del av forskingsaktiviteten i
forskingsgruppa
forskaren kan søkje kompetanseopprykk etter reglementet for opprykk
grunnlaget for stillinga opphøyrer dersom prosjektfinansieringa opphøyrer, og ny lov om statens ansatte mv. om oppseiing og fortrinnsrett vil gjerast gjeldande for fast tilsette
Generell informasjon:
Nærare opplysningar om stillinga kan ein få ved å vende seg til:
Professor Eva Gerdts, tlf.: +47 920 86 505 eller e-post: Eva.Gerdts@uib.no
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne vert oppmoda om å søkje stillinga.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentleg sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teken til følgje, skal søkjaren varslast om dette.