Helse Bergen, Haukeland universitetssjukehus, har nærare 14.000 tilsette som har som mål å gi best mogleg helsehjelp til pasientane våre, og rett opplæring til pasientar og pårørande. Kvart år behandlar vi over 900.000 pasientar og bidreg i utdanninga av fleire tusen helsearbeidarar. Forsking og innovasjon er og viktige oppgåver i sjukehuset. Les meir på 

www.helse-bergen.no

 eller facebook.Helse Vest skal så langt som råd avspegle mangfaldet i befolkninga. Vi ønsker å rekruttere medarbeidarar uavhengig av kjønn med ulik kompetanse, fagkombinasjonar, livserfaring og perspektiv for å bidra i spesialisthelsetenesta.

Kreftgenomikk er ei avdeling i Laboratorieklinikken med ansvar for avansert molekylær kreftdiagnostikk og består av to seksjonar: Blodgenomikk og Tumorgenomikk. Avdelinga nyttar ulike molekylære analysemetodar på kromosom-, DNA- og RNA-nivå for å undersøke endringar i genomet som er viktige for diagnostikk og behandling. Laboratoriet er akkreditert i henhold til ISO 15189-standarden.

Gjennom den nasjonale satsinga InPreD har Helse Bergen HF etablert seg som nivå 1-sjukehus og er dermed leiande i utviklinga av infrastruktur for presisjonsdiagnostikk (InPreD). InPreD aktivitet befinner seg i overgangen mellom forsking og diagnostikk, der utprøving og utvikling skjer – både i kliniske studier og metodestudier, og Kreftgenomikk har ei sentral rolle i denne aktiviteten. Arbeidet skjer i tett samarbeid med andre einingar i Helse Bergen, og mellom sjukehus regionalt og nasjonalt.

Vi har no ledig stilling som forskingsleiar med ansvar for vidare utvikling og drift av infrastrukturen for presisjonsdiagnostikk ved HUS.

Som forskingsleiar vil du vere sentral i å utvikle HUS som eit fullverdig nivå 1-sjukehus i InPreD. Forskingsleiaren vil få ansvar for å styrke forskninga på fagområdet ved Kreftgenomikk, og at avdelinga er ein aktiv aktør i utviklinga av klinikknær forsking og tenesteinnovasjon. Dette inneber å leie og samarbeide i forskingsprosjekt, rettleie master- og PhD-studentar, og fremme forskarinitierte kliniske studiar. Forskingsleiaren vil ha personalansvar for medarbeidarar som jobbar med forsking i avdelinga. 

Arbeidsoppgåver

• Ansvar for å vidareutvikle forsking- og utviklingsaktiviteten ved avdelinga. Forskingsleiaren er forventa å drive eiga forsking på høgt nivå og å delta i forskingsprosjekt knytt til avdelinga
• Utarbeide forskingssøknader om ekstern finansiering til Kreftgenomikk
• Bidra til strategisk utvikling av infrastruktur for presisjonsdiagnostikk ved Haukeland universitetssjukehus
• Bidra med tilrettelegging for kliniske studiar og bidrag til studieprotokollar og diagnostiske standardar
• Aktiv deltaking i nasjonale og internasjonale fagfora og EU-prosjekt.
• Samarbeid med universitet, andre sjukehus og næringsliv innan forsking og innovasjon

Kvalifikasjonar

• PhD innen molekylærbiologi, genetikk, bioinformatikk, medisin eller tilsvarende.
• Erfaring fra kreftforskingsfeltet, gjerne med fokus på biomarkørforskning – fortrinnsvis innan genetiske studier.
• Erfaring med forskingsleiing og gjerne med utvikling av laboratorieinfrastruktur.
• Kunnskap om klinisk diagnostikk og regulatoriske krav (t.d. IVDR) er ønskeleg
• Erfaring med internasjonalt samarbeid og prosjektleiing.
• Erfaring med leiing av eksternt finansierte forskingsprosjekt og søknadsarbeid er eit føremon

Personlege eigenskapar

• Personlege eigenskapar vil bli vektlagt
• Som forskningsleiar bør du vere tydeleg og trygg i kommunikasjonen, med evne til å bygge gode relasjonar og samarbeide på tvers av fagmiljø. Du må vere strategisk og beslutningsdyktig, samtidig som du viser fleksibilitet og utholdenhet i møte med komplekse prosessar. Integritet og etisk bevissthet er avgjørende, og du bør ha ein naturleg nysgjerrigheit og vilje til kontinuerleg læring

Vi tilbyr

• Ei nøkkelrolle i utvikling av framtidas kreftdiagnostikk i Noreg
• Moglegheit til å påverke nasjonal og internasjonal praksis innan presisjonsmedisin
• Eit sterkt fagmiljø med høg kompetanse og ambisjonar
• Gode mogelegheiter for fagleg utvikling og deltaking i internasjonale nettverk
• Fleksitid
• Løn etter avtale og gode pensjons- og forsikringsordningar

Vi oppfordrar alle søkarar til å nytte Vitnemålsportalen for å laste opp verifiserte vitnemål og karakterutskrifter, der det er mogleg. Har du utdanning frå utlandet, legg ved godkjenning frå Direktoratet for høgare utdanning og kompetanse.

Webcruiter-ID: 5000102360

Søk på stillingen 

Kontaktinformasjon

• Randi Hovland (Avdelingssjef), 91376839