Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Konservatorar
Ved Universitetsmuseet i Bergen, Avdeling for samlingsforvaltning, er det frå hausten 2023 (eller etter avtale) ledig inntil to prosjektstillingar som konservatorar med to års varigheit. Stillingane kan verte forlenga.Universitetsmuseet i Bergen har store samlingar av kulturhistoriske gjenstandar i utstillingar og i ulike magasin. Dei to stillingane er knytt til arbeid med føreståande rehabilitering av Kulturhistorisk museum og Universitetsprosjektet Sikre Samlingar, eit pågåande prosjekt knytt til sikring og flytting av museets kulturhistoriske samlingar. Avdeling for samlingsforvaltning har 20 tilsette og har ansvar for forvaltning, bevaring, konservering og dokumentasjon av museets samlingar og arkiv til forskings- og formidlingsføremål
Arbeidsoppgåver:
Arbeidsoppgåvene i prosjektet vil omfatte registrering i databasar, lettare reingjering, tilstandsvurdering, merking, sikring, demontering, pakking, fotografering, sanering (frysing, karantenepakking), organisering samt innplassering i nye magasin. Prosjektet er omfattande og arbeidsoppgåvene varierte. Arbeidet vil til tider vere fysisk krevjande og tidvis monotont, og vil i periodar bli hektisk når ein arbeidar opp mot fristar. Museet treng medarbeidarar med høg arbeidskapasitet, god kunnskap om preventiv konservering og forståing av logistikk. Dei som blir tilsett må kunne arbeide som del av eit team og bidra til prosjektets faglege utvikling og gjennomføring.
Kvalifikasjonar og eigenskapar:
Søkjaren må ha:
Godkjent mastergrad innan konservering, fortrinnsvis innan arkeologisk eller kulturhistorisk materiale. Godkjent mastergrad innan andre museumsfag kombinert med svært relevant erfaring kan erstatte utdanningskravet innan konservering.
Erfaring med handtering og registrering av museumsgjenstandar og samlingar
God generell IT-kompetanse
God skriftleg og munnleg framstillingsevne på eit skandinavisk språk (norsk, svensk eller dansk) samt engelsk
Det er ein føremon å ha:
Erfaring med universitetsmuseas felles databasesystem (UNIMUS) eller tilsvarande databasar
God gjenstandskunnskap og materialkunnskap
Digital kompetanse frå digitaliseringsprosjekt
Kunnskap og forståing av systematisk HMS-arbeid
Førarkort for personbil (klasse B)
Personlege eigenskapar:
Gode samarbeids- og kommunikasjonsevner
Fleksibel, systematisk, strukturert og nøyaktig
Evne til å tenkje og arbeide praktisk, kreativt og breitt
Positiv, initiativrik, målretta og løysingsorientert
Kunne arbeide som del av eit team, men og sjølvstendig
Trivast i eit hektisk arbeidsmiljø med fysisk arbeide
Dei som vert tilsett kan ikkje vere allergisk mot støv eller kjemikaliar i ein slik grad at det vil påverke arbeidet.Det er vesentleg at dei som vert tilsette er eigna for stillingane, og personlege eigenskapar vil verte tillagt stor vekt.
Vi tilbyr:
Deltaking i eit spennande og relevant musealt flytteprosjekt
Eit godt og fagleg utfordrande arbeidsmiljø med varierte arbeidsoppgåver
Gode og engasjerte kollegaer
Stilling som overingeniør (kode 1087) i årslønn kr 524 700 – 540 500 brutto etter kvalifikasjonar. For særleg godt kvalifiserte søkjarar kan det verte aktuelt å vurdere høgare løn
Medlemskap i Statens pensjonskasse
Stilling i ei inkluderande arbeidslivsverksemd (IA-verksemd)
Utfyllande opplysningar om stillinga kan ein få ved å vende seg til:
Camilla C. Nordby, leiar av Avdeling for samlingsforvaltning, E-post: camilla.nordby@uib.no, Mob: (+47) 97 65 96 32 eller
Teamleder for Flytteprosjektet Stine Dornfest, E-post: stine.dornfest@uib.no, Mob: (+47) 45 48 08 17, Universitetsmuseet i Bergen, Universitetet i Bergen
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
UiB er underlagt regelverket for eksportkontroll og regelverket kan komme til anvending ved behandling av søknader til stillinga
SøknadSend søknad elektronisk via lenkja «Søk stillinga» på denne sidaSøknaden skal innehalde:
Søknadsbrev der du seier noko om din motivasjon for stillinga, kvifor du søkjer og kvifor du passar til stillinga
Oversikt over utdanning, arbeidserfaring og publikasjonar (CV)
Attesterte kopiar av vitnemål og relevante attestar
