Universitetet i Stavanger (UiS) har omlag 12 000 studentar og 2.200 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for grønn og berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.
Fakultet for utdanningsvitskap og humaniora er den viktigaste institusjonen i regionen for utdanning av lærarer til barnehage, grunnskule, vidaregåande skule, høgskule og universitet. Fakultetet tilbyr også grunnutdanning innanfor språk, religion, historie, samt åtte masterprogram og to doktorgradsutdanningar. Fakultetet har ein nasjonal posisjon innanfor forsking og undervisning i lese- og skrivevanskar og åtferdsvanskar gjennom Nasjonalt senter for leseopplæring og leseforsking (Lesesenteret) og Nasjonalt senter for læringsmiljø og åtferdsforsking (Læringsmiljøsenteret) og Kunnskapssenter for utdanning (KSU). Fakultetet samarbeider med Utdanningsdirektoratet, kommunar og fylke om etter- og vidareutdanning. Totalt har fakultetet om lag 3.300 studentar og 390 tilsette fordelte på fakultetsadministrasjonen, Institutt for barnehagelærarutdanning, Institutt for grunnskulelærarutdanning, idrett og spesialpedagogikk, Institutt for kultur- og språkvitskap, Lesesenteret, Læringsmiljøsenteret og Kunnskapssenter for utdanning.
Om stillinga
Universitetet i Stavanger har en ledig 80% stilling som studiekoordinator ved Fakultet for utdanningsvitskap og humaniora, fakultetsadministrasjonen, dedikert til Institutt for barnehagelærarutdanning. Stillinga er ledig frå 1. august 2026.
Som studiekoordinator vil du få ein variert, interessant og travel kvardag der du jobbar tett på studentar som tar barnehagelærarutdannin. Du vil inngå i den administrative staben med studie- praksis- og eksamenskoordinatorar som støttar dei vitskapelege tilsette i drift og utvikling av barnehagelærarutdanning (bachelor), mastergradutdanning i barnehagevitskap, doktorgradsutdanning samt etter- og vidareutdanningsverksemd for barnehagelærarar. Instituttet har og ansvar for eit halvårleg studieprogram for utvekslingsstudentar, Comparative Educational Studies. Det er i dag om lag 60 tilsette og 500 studentar ved instituttet.
Hovudoppgåver
sakshandsaming og koordinering av fag- og studiesaker i utdanningane ved Institutt for barnehagelærarutdanning
oppfølging og utvikling av internasjonalisering i utdanningane
rettleiing av studentar
generelle administrative oppgåver
Kvalifikasjonar
Du må ha:
relevant utdanning på minimum bachelornivå, helst barnehagelærarutdanning
erfaring med sakshandsaming og administrasjonsarbeid, helst frå utdanningssektoren
erfaring med bruk av relevante IT-verktøy
god munnleg og skriftleg framstillingsevne på norsk og engelsk
Videre vert det lagt vekt på at du:
har god kjennskap til barnehagelærarutdanninga og barnehagefeltet
er serviceinnstilt, fleksibel og imøtekommande
har gode kommunikasjons- og samarbeidsevner
er sjølvstendig, effektiv og strukturert
er proaktiv, resultatorientert og tar ansvar for gjennomføring av gode arbeidsprosessar
Vi tilbyr
varierte arbeidsoppgåver i ein stor organisasjon med eit viktig samfunnsoppdrag
eit ambisiøst arbeidsfellesskap og eit inkluderande arbeidsmiljø
lønn etter Statens lønnsregulativ l.pl 90.500, kode 1434 kr 600 000 - 700 000 bto pr år i 100% stilling. I særskilte tilfelle kan høgare lønn bli vurdert. Frå løna trekkes lovfesta innskot til Statens pensjonskasse.
medlemskap i Statens pensjonskasse som sikrar gode pensjons- og forsikringsordningar
Mangfald er ein ressurs i arbeids- og læringsmiljøet ved UiS. Når vi har ulike bakgrunnar og erfaringar, kan vi sjå utfordringar frå fleire vinklar og finne betre løysingar. Ved UiS er vi opptekne av å vise respekt for kvarandre sine ulikskapar, og vi legg til rette for tilsette med nedsett funksjonsevne. Vi tek omsyn til behova dine og situasjonen din i ulike livsfasar.
Synest du denne stillinga verkar interessant, oppmodar vi deg til å søkje, uavhengig av kjønn, funksjonsevne, kulturell bakgrunn eller om du i ein periode har stått utanfor arbeidslivet.
Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer vi minst éin søkjar i kvar av desse gruppene til intervju. Kjenner du deg att i ei av desse kategoriane, kan du krysse av for dette i jobbsøkarportalen vår. Her kan du lese meir om mangfaldsrekruttering og korleis vi behandlar søknader.
Universitetet ønskjer å rekruttere fleire menn til avdelinga og oppmodar difor menn til å søkje. Dersom fleire søkjarar blir vurderte til å ha likeverdige kvalifikasjonar, vil ein mann bli prioritert framfor ei kvinne.
Kontaktinformasjon
Du kan få meir informasjon om stillingen hos kontorsjef Olav Kylland, tlf:51834239, , e-post:olav.kylland@uis.no eller til studiekoordinator Karin Berner, tlf:51833470 , e-post: karin.berner@uis.no.
Hvis du vil vite meir om tilsetjingsprosessen kan du kontakte HR rådgjever Camiela Danaei, tlf:51 83 31 49, e-post: camelia.danaei@uis.no.
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.
Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.
Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjar-liste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
