Universitetet i Stavanger (UiS) har omlag 12 000 studentar og 2.200 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for grønn og berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.

Fakultet for utdanningsvitskap og humaniora er den viktigaste institusjonen i regionen for utdanning av lærarer til barnehage, grunnskule, vidaregåande skule, høgskule og universitet. Fakultetet tilbyr også grunnutdanning innanfor språk, religion, historie, samt åtte masterprogram og to doktorgradsutdanningar. Fakultetet har ein nasjonal posisjon innanfor forsking og undervisning i lese- og skrivevanskar og åtferdsvanskar gjennom Nasjonalt senter for leseopplæring og leseforsking (Lesesenteret) og Nasjonalt senter for læringsmiljø og åtferdsforsking (Læringsmiljøsenteret) og Kunnskapssenter for utdanning (KSU). Fakultetet samarbeider med Utdanningsdirektoratet, kommunar og fylke om etter- og vidareutdanning.Totalt har fakultetet om lag 3.300 studentar og 390 tilsette fordelte på fakultetsadministrasjonen, Institutt for barnehagelærarutdanning, Institutt for grunnskulelærarutdanning, idrett og spesialpedagogikk, Institutt for kultur- og språkvitskap, Lesesenteret, Læringsmiljøsenteret og Kunnskapssenter for utdanning.

 

Om stillinga

Universitetet i Stavanger har ledig stilling som studie- og praksiskoordinator for lektorutdanninga for trinn 8–13 ved Fakultet for utdanningsvitskap og humaniora, fakultetsadministrasjonen. Stillinga er knytt til Institutt for kultur- og språkvitskap og er ledig frå 1. august 2026.

Det eine hovudarbeidsområdet i stillinga er studiekoordinering, det vil seie koordinering av innhaldet i lektorutdanninga slik at ho framstår som integrert og heilskapleg. Arbeidsoppgåvene vil mellom anna vere utgreiing, samordning og revisjon av emne og fag. Studiekoordinatoren er forventa å ha tett kontakt med alle som er involverte i gjennomføringa av utdanninga, og skal gje råd til instituttleiar og administrasjon i ulike saker som gjeld lektorutdanninga.

Det andre hovudarbeidsområdet i stillinga er praksiskoordinering, det vil seie plassering av lektorstudentane i skulen slik at dei kan gjennomføre praksis.

Andre hovudoppgåver

• ansvar for mikroemna som instituttet tilbyr
• rettleie studentar i generelle studieadministrative spørsmål
• ansvar for sakshandsaming, plan- og informasjonsarbeid
• ansvar for internasjonalisering i lektorutdanninga
• forskjellig utgreiings- og rapporteringsarbeid ved instituttet
• følge opp rammeavtaler og avtaler om partnerskap
• ivareta saksbehandling, plan- og informasjonsarbeid
• koordinering av samarbeid med eksterne samarbeidspartnarar

Kvalifikasjonar

Du må ha:

• utdanning på mastergradsnivå, gjerne innan undervisningsfag i skulen eller andre støttefag, og gjerne med praktisk-pedagogisk utdanning (PPU) eller lektorutdanning. Særskilt relevant erfaring kan kompensere for utdanningskravet.
• erfaring frå administrasjons- og planarbeid
• erfaring med bruk av relevante IT-verktøy
• god munnleg og skriftleg framstillingsevne på norsk og engelsk

Vidare blir det lagt vekt på at du: 

• har erfaring frå studentrettleiing
• er serviceinnstilt, fleksibel og imøtekommande
• har gode kommunikasjons- og samarbeidsevner
• er sjølvstendig, effektiv og strukturert
• er proaktiv, resultatorientert og tar ansvar for gjennomføring av gode arbeidsprosessar

Vi tilbyr

• varierte arbeidsoppgåver i ein stor organisasjon med eit viktig samfunnsoppdrag
• eit inkluderande arbeidsmiljø med fokus på fagleg utvikling.
• løn etter Statens lønnsregulativ l.pl 90.500, kode 1434, kr 600 000 - 700 000 bto pr år. I særskilte tilfelle kan høgare løn bli vurdert. Frå løna vert det trekt lovfesta innskot til Statens pensjonskasse.
• medlemskap i Statens pensjonskasse som sikrar gode pensjons- og forsikringsordningar
• meir om gode for tilsette og fordelar på våre nettsider

Mangfald

Mangfald er ein ressurs i arbeids- og læringsmiljøet ved UiS. Når me har ulike bakgrunnar og røynsler, kan me sjå utfordringar frå fleire vinklar og finna betre løysingar. På UiS er me opptekne av å visa respekt for ulikskapane våre, og legg til rette for tilsette med nedsett funksjonsevne. Me tek omsyn til behova dine og situasjonen din i ulike livsfasar.

Synest du denne stillinga er interessant, oppmodar me deg til å søkja, uavhengig av kjønn, funksjonsevne, kulturell bakgrunn, eller om du i ein periode har vore utanfor arbeidslivet.

Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer me minst éin søkjar i kvar av desse gruppene til intervju. Kjenner du deg att i ein av desse kategoriane, kan du kryssa av i jobbsøkjarportalen vår. Les meir om krava for å verta vurdert som søkjar i desse gruppene her.

Universitetet vil rekruttera fleire menn til avdelinga og oppmodar derfor spesielt menn til å søke. Dersom fleire søkjarar vert vurdert til å ha likeverdige kvalifikasjonar, vil ein man bli prioritert føre ei kvinne.

Kontaktinformasjon

Spørsmål om stillinga kan rettast til kontorsjef Ingun Leidland, tlf 51 83 23 05, e-post: ingun.leidland@uis.no

Spørsmål om tilsetjingsprosessen kan rettast til HR-rådgivar Camelia Danaei tlf: 51 83 31 49, e-post: camelia.danaeik@uis.no

Søknad

Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.

Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 100 MB til saman, må dei komprimerast før opplasting.

Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.

Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette. 

UiS vurderer berre søknadar og vedlegg som er registrert i Jobbnorge.

Søk stillingen

Spørsmål om stillinga

• Ingun Leidland (Kontorsjef), +47 51 83 23 05, ingun.leidland@uis.no
• Camelia Danaei (HR-rådgiver), +4751833149, camelia.danaei@uis.no