Universitetet i Stavanger (UiS) har omlag 12 000 studentar og 2.200 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for grønn og berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.
Fakultet for utdanningsvitskap og humaniora er den viktigaste institusjonen i regionen for utdanning av lærarer til barnehage, grunnskule, vidaregåande skule, høgskule og universitet. Fakultetet tilbyr også grunnutdanning innanfor språk, religion, historie, samt åtte masterprogram og to doktorgradsutdanningar. Fakultetet har ein nasjonal posisjon innanfor forsking og undervisning i lese- og skrivevanskar og åtferdsvanskar gjennom Nasjonalt senter for leseopplæring og leseforsking (Lesesenteret) og Nasjonalt senter for læringsmiljø og åtferdsforsking (Læringsmiljøsenteret) og Kunnskapssenter for utdanning (KSU). Fakultetet samarbeider med Utdanningsdirektoratet, kommunar og fylke om etter- og vidareutdanning.Totalt har fakultetet om lag 3.300 studentar og 390 tilsette fordelte på fakultetsadministrasjonen, Institutt for barnehagelærarutdanning, Institutt for grunnskulelærarutdanning, idrett og spesialpedagogikk, Institutt for kultur- og språkvitskap, Lesesenteret, Læringsmiljøsenteret og Kunnskapssenter for utdanning.
Om stillinga
Universitetet i Stavanger har ledig ei tidsavgrensa stilling som administrativ koordinator for FILIORUM – Senter for barnehageforsking, i perioden 1. august 2026 til 31. juli 2028.
Stillinga er plassert ved Fakultet for utdanningsvitskap og humaniora, i fakultetsadministrasjonen.
Den som vert tilsett vil ha ansvar for administrativ koordinering og støtte til forskingssenteret FILIORUM, i tett samarbeid med senterleiinga, forskarar og administrative støtteeiningar. Stillinga skal bidra til god ressursutnytting og måloppnåing gjennom profesjonell, strukturert og effektiv administrativ støtte til senteret si verksemd.
Hovudoppgåver
koordinere og vidareutvikle den administrative støtta til forskingssenteret
støtte senterleiinga i strategiutvikling, planarbeid og oppfølging av vedtak
bidra til økonomistyring og oppfølging av senteret sine aktivitetar i samarbeid med økonomiavdelinga
utarbeide og bidra til søknader om ekstern finansiering, samt følgje opp relevante utlysingar
ivareta sekretærfunksjon for senteret sine styringsorgan
koordinere rapporteringsarbeid, inkludert årsrapportar og sluttrapportering
administrere og følgje opp samarbeidsavtalar og eksterne samarbeid
støtte arbeid med datainnsamling, forskingsdatahandtering og lagring av forskingsdata
planleggje og gjennomføre konferansar, seminar og andre arrangement
bidra til samarbeid og erfaringsdeling på tvers av fakultetet og universitetet
Kvalifikasjonar
Du må ha:
høgare utdanning på minimum mastergradsnivå innan relevant fagområde. Særleg relevant forskingsadministrativ erfaring kan kompensere for utdanningskravet
svært god munnleg og skriftleg framstillingsevne på norsk og engelsk
erfaring med bruk av relevante IT-verktøy
gode samarbeidsevner og evne til å arbeide sjølvstendig
Det er ønskjeleg at du har:
erfaring frå forskings- eller prosjektadministrasjon
kjennskap til nasjonale og internasjonale finansieringsordningar for forsking
erfaring med prosjektutvikling, prosjektgjennomføring og nettverksbygging
forståing for forskingssektoren og universitets- og høgskulesektoren
Vidare vert det lagt vekt på at du:
har gode samarbeidsevner
har evne til å koordinere og prioritere arbeidsoppgåver
har god organisasjons- og rolleforståing
er serviceinnstilt og løysingsorientert
arbeider sjølvstendig, strukturert og målretta
er fleksibel og trivst med varierte arbeidsoppgåver
Vi tilbyr
varierte arbeidsoppgåver i ein stor organisasjon med eit viktig samfunnsoppdrag
et ambisiøst arbeidsfellesskap og eit inkluderande arbeidsmiljø
lønn etter Statens lønnsregulativ l.pl 90.500, kode 1434, kr 600 000- 700 000 bto pr år. I særskilte tilfelle kan høgare lønn bli vurdert. Frå lønna vert det trekt lovfesta innskot til Statens pensjonskasse.
medlemskap i Statens pensjonskasse som sikrar gode pensjons- og forsikringsordningar
meir om gode for tilsette og fordelar på våre nettsider
Mangfald
Mangfald er ein ressurs i arbeids- og læringsmiljøet ved UiS. Når me har ulike bakgrunnar og røynsler, kan me sjå utfordringar frå fleire vinklar og finna betre løysingar. På UiS er me opptekne av å visa respekt for ulikskapane våre, og legg til rette for tilsette med nedsett funksjonsevne. Me tek omsyn til behova dine og situasjonen din i ulike livsfasar.
Synest du denne stillinga er interessant, oppmodar me deg til å søkja, uavhengig av kjønn, funksjonsevne, kulturell bakgrunn, eller om du i ein periode har vore utanfor arbeidslivet.
Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer me minst éin søkjar i kvar av desse gruppene til intervju. Kjenner du deg att i ein av desse kategoriane, kan du kryssa av i jobbsøkjarportalen vår. Les meir om krava for å verta vurdert som søkjar i desse gruppene her.
Universitetet vil rekruttera fleire menn til avdelinga og oppmodar derfor spesielt menn til å søke. Dersom fleire søkjarar vert vurdert til å ha likeverdige kvalifikasjonar, vil ein mann bli prioritert føre ei kvinne.
Kontaktinformasjon
Spørsmål om stillinga kan rettast til fakultetsdirektør Kari Anne S Malmo, tlf:5183 3408, e-post: karianne.malmo@uis.no eller til senterleder Elin Reikerås, tlf: 51833451, e-post: elin.reikeraas@uis.no.
Spørsmål om tilsetjingsprosessen kan rettast til HR rådgiver Camelia Danaei, e-post: camelia.danaei@uis.no
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 100 MB til saman, må dei komprimerast før opplasting.
Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.
Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
