Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Seniorrådgivar (forskingsrådgivar)
Ved Det matematisk-naturvitskaplege fakultet er det ledig eit vikariat som forskingsrådgivar (seniorrådgivar) ut 2022. Forskingsrådgivaren rapporterer til fakultetsdirektøren, som har det daglege ansvaret for fakultetsadministrasjonen. Ønska oppstart i stillinga er snarst mogleg.
Som forskingsrådgivar vil du jobbe tett på forsking, utdanning og innovasjon i eit mangfaldig og internasjonalt miljø. Fakultetet har om lag 1000 tilsette, 3000 studentar og eit budsjett på om lag 1,3 milliardar kroner der i underkant av 40 % er eksternfinansiert. Forsking og undervising skjer på institutt og i sentre. Fakultetet har på vegne av UiB ansvar for to av UiB sine strategiske satsingsområde; Marin og Klima og energiomstilling. Du finn meir informasjon om fakultetet her.
Fakultetet sine einingar er internasjonalt anerkjende med fleire leiande forskingsmiljø og stor fagleg breidde. Fakultetet har som mål å levere forskingsresultat i verdsklasse og bidra til omstilling av samfunnet lokalt, nasjonalt og globalt.
Til grunn for ein stor del av fakultetet sin omfattande forskingsaktivitet ligg eksterne forskingsmiddel, og fakultetet har store ambisjonar om å auke den eksterne forskingsfinansieringa ytterlegare. Fakultetet sine samla forskingsadministrative ressursar speler ei viktig rolle i å gje støtte til leiarar og forskarar for å nå dette målet.
Arbeidsoppgåver
Ansvarsområde
Forskingsrådgjevaren bidrar til å koordinere og styrke fakultetet sin kompetanse og kapasitet innan områda forskingsadministrasjon og forskingsstrategi. Arbeidet omfattar utstrekt kontakt med institutta, andre avdelingar ved UiB, samarbeidspartar og finansieringskjelder (t.d. EU, Noregs Forskingsråd), for utan tett samarbeid med fakultetsleiinga og mot seksjonane for økonomi og HR. Stillinga inngår i fakultetet si administrative leiargruppe.
Døme på arbeidsoppgåver
Forskingsadministrativ leiarstøtte, utgreiings- og analysearbeid
Sekretærfunksjon for ulike strategiske utval
Bistå i fakultetet sitt arbeid med innovasjon og forskingsinfrastruktur
Drifte og vidareutvikle fakultetet sitt forskingsadministrative nettverk
Utvikle og implementere forskingsstrategiske planar i nært samarbeid med fakultetsleiinga
Sakshandsaming og posisjoneringsarbeid i samband med ulike mindre og større søknadsprosessar
Kvalifikasjonar og personlege eigenskapar
Du har
høgare utdanning innan realfag, helst på ph.d.-nivå, er eit krav
omfattande relevant forskingsadministrativ erfaring og spesialkompetanse på høgt nivå tilpassa ansvar og oppgåver i stillinga er ein føresetnad
god kjennskap til eksterne finansieringskjelder nasjonalt og internasjonalt og god forståing for korleis søknadsprosessar går føre seg
særs gode formuleringsevner skriftleg og munnleg på engelsk og norsk
god administrativ IT-kompetanse
Du
arbeider sjølvstendig, strukturert og målretta og tek initiativ i tråd med behova i organisasjonen
er effektiv og leverer arbeid med høg kvalitet
har gode kommunikasjons- og samarbeidsevner
er fleksibel, ansvarsmedviten og serviceinnstilt
har evne og interesse for å halde seg fagleg oppdatert
Det blir lagt stor vekt på dei personlege kvalifikasjonane som er naudsynte for stillinga.
Vi kan tilby
spennande og utviklande arbeidsoppgåver i eit sterkt fagmiljø
eit godt arbeidsmiljø
stilling som seniorkonsulent (kode 1364) i lønssteg 65 - 72 (for tida kr 586 500 - 670 100 ) i det statlege lønsregulativet. For særleg kvalifiserte søkjarar kan høgare løn vurderast.
Utfyllande opplysningar om stillinga kan ein få ved å vende seg til:
Fakultetsdirektør Elisabeth Müller Lysebo, tlf. 975 57 135
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.