Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Det matematisk-naturvitenskapelige fakultet består av sju institutt og en rekke sentre.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Postdoktorstilling
Ved Matematisk institutt er det ledig ei stilling som postdoktor i statistikk. Stillinga er for ein åremålsperiode på 3 år og knytt til prosjektet «Smart bolighandel» finansiert av BIA-programmet til Norges Forskingsråd.
Om prosjektet/arbeidsoppgåver:
Det kjøpast rundt 100.000 brukte bustadar kvart år i Noreg, og mengda informasjon som kjøpar skal innhente, lese og forstå er overveldande.
Prosjektets ide er å utvikle nye metodar/algoritmar og tilhøyrande mobile applikasjonar og analyseverktøy for å bedømme tilstanden til ein brukt bustad, basert på ein smart kopling av ein rekkje ulike datakildar. Metoden skal være objektiv, handtere risiko for ukjente feil og manglar, og gje eit estimat på utbetrings- og bukostnadar.
Prosjektet vil også utvikle nye metodar for bustadkjøparforsikring og forbetra prising av bustadforsikring som er tilpassa tilstanden til ein brukt bustad, og dermed senke usikkerheita for både kjøpar, meklar og forsikringsselskap.
Postdoktoren vil primært arbeide med å utvikle statistiske metodar for prising av forsikringar.
Kvalifikasjonar og eigenskapar:
Søkjarar må ha oppnådd norsk ph.d.-grad i statistikk eller tilsvarande utanlandsk utdanning. Ph.d.-studentar kan søkje om disputas er gjennomført innan 1. oktober 2020. Det er ein føresetnad at doktorgraden er oppnådd før tilsetjing kan skje.
Erfaring innan dataanalyse og programmeringsverktøy (som R) er eit krav.
Det er ein føremon med dokumentert aktuarkompetanse.
Søkjarar må kunne arbeide sjølvstendig, strukturert og ha gode samarbeidsevner.
Søkarar må ha gode engelskkunnskapar, skriftleg og munnleg.
Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.
Om postdoktorstillinga:
Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskapelege toppstillingar. Om den som vert tilsett manglar undervisningserfaring og/eller annan kvalifiseringskompetanse, kan det verte aktuelt å auke tilsetjingsperioden med inntil 6 månader. Undervisning og anna pliktarbeid for instituttet vil i så høve bli lagt til som oppgåver i stillinga. Dei ekstra månadene vert finansierte av instituttet. Stillinga vil kunne bli forlenga med inntil eitt år dersom kandidaten får innvilga forskingsopphald i utlandet frå eksterne kjelder (maks fire år totalt). Ingen kan tilsetjast i meir enn éin åremålsperiode som postdoktor ved same institusjon.
Etter tiltreding skal postdoktoren i samarbeid med rettleiar og instituttleiar utarbeide ein plan for kvalifiseringsarbeidet, inkludert framdriftsplan.
Det er ein føresetnad at den som blir tilsett gjennomfører prosjektet i løpet av tilsetjingsperioden.
Vi tilbyr:
Spennande og utviklande arbeidsoppgåver i et sterkt fagmiljø
løn etter lønssteg 60 (kode 1352/lønsramme 24, alternativ 4) i lønsregulativet til staten ved tilsetjing. Dette utgjer ei årsløn på kr 532 300,- brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Vi oppmodar kvinner om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.
Etter søknadsfrist vil det bli oppnemnt ein komité som skal vurdere søkjarane. Søkjarar har innsynsrett i omtalen av deira faglege kompetanse. Søkjarar som ønsker innsyn kan kontakte saksbehandlar etter mottak av brev om oppnemning av komité.
Universitetet i Bergen nyttar meirinnsyn ved tilsetjing i vitskaplege stillingar.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
