Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Postdoktoren vil arbeide i forskingsprosjekta EU H2020 NextGEMS og JPI Climate EUREC4A-OA. NextGEMS er eit ambisiøst prosjekt for å utvikle og anvende ein ny generasjon såkalla Storm-Resolving Earth System Models (SR-ESM) for å studere klimavariabilitet og endring. SR-ESMS vil ha 3 km horisontale oppløysningar i hav og atmosfære, og vil da fange opp meso- og sub-mesoskala hav-atmosfære interaksjonar. EUREC4A-OA (http://eurec4a-oa.eu) er eit spennande prosjekt som tar sikte på å forbetre representasjonen av interaksjonar mellom hav og atmosfære på liten skala i klimamodellar ved bruk av nyskapande felles observasjons- og modelleringsmetoder.
Postdoktoren skal studere representasjon av atmosfære-hav interaksjon i SR-ESM gjennom detaljert analyse av observasjonar med høg oppløysing og simuleringar av modeller. Målet er å forstå viktigheita av slike småskala atmosfære-hav interaksjonar i tropane for å simulere og framskrive klima. Postdoktoren vil samhandlar med modellutviklar ved Max Planck Institute for Mathematics, Alfred Wegener Institute og ECMWF. Postdoktoren vil støtte UiBs rolle i å leie ein arbeidspakke i NextGEMS-prosjektet, og dette vil inkludere å hjelpe til med å organisere ein «modellapplikasjon-hackathon”.
Kvalifikasjonar og eigenskapar:
Søkjarar må ha oppnådd norsk ph.d. – grad eller tilsvarande utdanning innanfor meteorologi, oseanografi, klimadynamikk, eller anna relevant fagområda; eller ha levert doktoravhandlinga si til vurdering innan søknadsfristen er ute. Det er ein føresetnad at doktorgraden er oppnådd før tilsetjing kan skje.
Ein solid bakgrunn i tropisk klimadynamikk er eit krav
Gode ferdigheiter i dataanalyseprogramvare (Python, MATLAB, CDO, NCO, etc.) er eit krav.
Søkjarar må ha gode engelskkunnskapar, skriftleg og munnleg.
Søkjarar må kunne arbeide sjølvstendig, strukturert og ha gode samarbeidsevner.
Erfaring med klimamodellering vil vere fordelaktig.
Bakgrunn i å studere atmosfære-hav interaksjonar i tropane, basert på observasjonar eller modeller, vil vere fordelaktig.
Personlege og mellommenneskelege eigenskapar vil bli lagt vekt på. Forskingsrøynsle, ambisjonar og potensial vil også telle ved vurdering av kandidatane.
Om postdoktorstillinga:
Postdoktorstillinga er ei åremålsstilling og har som hovudmål å kvalifisere den som blir tilsett for arbeid i vitskapelege toppstillingar. 10% av arbeidstida skal brukas på aktivitetar knytt til undervisning, formidling og kommunikasjon ved Geofysisk institutt.
Ingen kan tilsetjast i meir enn éin åremålsperiode som postdoktor ved same institusjon.
Etter tiltreding skal postdoktoren i samarbeid med rettleiar og instituttleiar utarbeide ein plan for kvalifiseringsarbeidet, inkludert framdriftsplan.
Det er ein føresetnad at den som blir tilsett gjennomfører prosjektet i løpet av tilsetjingsperioden.
Vi tilbyr:
eit godt og fagleg stimulerande arbeidsmiljø
løn etter lønssteg 60 (kode 1352/lønsramme 24, alternativ 4) i lønsregulativet til staten ved tilsetjing. Dette utgjer ei årsløn på kr 535 200,- brutto. Vidare opprykk skjer etter tenesteansiennitet. For særleg kvalifiserte søkjarar kan det verte aktuelt å vurdere høgare løn.
ei kort utgreiing om søkjaren sine forskingsinteresser og motivasjonen for å søkje stillinga
namn og kontaktopplysningar til to referansar. Ein av desse bør vere hovudrettleiaren frå doktorgradsutdanninga.
CV
karakterutskrifter og vitnemål. Dersom du enno ikkje har fullført doktorgraden må du levere ei stadfesting på at avhandlinga er levert.
relevante attestar
liste over vitskaplege arbeid (publikasjonsliste)
eventuelle publikasjonar
Søknad og vedlegg med attesterte omsetjingar til engelsk eller eit skandinavisk språk må lastast opp i JobbNorge.
Generell informasjon:
Utfyllande opplysningar om stillinga kan ein få ved å vende seg til:
Professor Noel Keenlyside (noel.keenlyside@uib.no) eller
Forskar dr. Shunya Koseki (shunya.koseki@uib.no), Geofysisk institutt, Universitet i Bergen
Den statlege arbeidsstyrken skal i størst mogleg grad spegle mangfaldet i befolkninga. Det er eit personalpolitisk mål å få ei balansert alders- og kjønnssamansetning. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Etter søknadsfrist vil det bli oppnemnt ein komité som skal vurdere søkjarane. Søkjarar har innsynsrett i omtalen av deira faglege kompetanse. Søkjarar som ønsker innsyn kan kontakte saksbehandlar etter mottak av brev om oppnemning av komité.
Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.