Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Fakultet for naturvitenskap og teknologi består av sju institutt og en rekke sentre. Les meir om fakultet og tilhøyrande institutt.

UiB - Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

...

(Video unable to load from YouTube. Accept cookie and refresh page to watch video, or click here to open video)

Ph.d.-stipendiat i Molekylærbiologi (Parasittologi og genredigering)

Ved Institutt for biovitenskap er det ledig ei stilling som ph.d.-stipendiat i molekylærbiologi med fokus på parasittologi og genredigering. Stillinga er for ein åremålsperiode på tre år, med høve til eit fjerde år som består av karrierefremmande arbeid (til dømes undervisning). Stillinga er knytt til prosjektet “Deciphering Nutrient Uptake Mechanisms in Salmon Louse Oocytes for Gene Editing and Treatment Development”, finansiert av Noregs Forskningråd gjennom ordninga for banebrytande forsking.

Om prosjektet/arbeidsoppgåver:

Prosjektet har som mål å utvikla genredigeringsmetodar for lakselus. Lakselus er parasittar på Atlanterhavslaks og forårsakar enorme kostnader for lakseoppdrettsnæringa kvart år. Effektive og berekraftige behandlingsmetodar manglar førebels. For å utvikla slike metodar er ei betre forståing av biologien til lakselusa avgjerande. Derfor ønskjer me å etablera CRISPR‑basert genredigering i lakselus. Den vesle storleiken på oocyttene gjer det utfordrande å levera genredigeringskomponentane. Derfor er CRISPR førebels ikkje tilgjengeleg i denne arten. For å overkomma dette ønskjer me å undersøkja mekanismen som styrer transport av næringsstoff inn i lusas oocytter, og deretter bruka denne mekanismen til å transportera genredigeringskomponentane inn i oocyttene.

Phd-stipendiaten vil vera ein del av lakselusgruppa, som består av fleire forskarar med omfattande erfaring innan lakselusbiologi. Eksperimenta omfattar molekylær kloning, produksjon av rekombinante protein og in situ‑hybridisering, og dessutan CRISPR‑eksperiment i lus etterfølgd av analysar av genotypar og fenotypar. Det kan bli moglegheit for eit tre månaders opphald ved eit partnarforskingsinstitutt i Tyskland for å utføra cellekultur-eksperiment, avhengig av vidare finansiering. Prosjektet og stillinga er planlagd å starta 01.08.2026.

 Kvalifikasjonar og eigenskapar:

• Søkjarar må ha oppnådd mastergrad eller tilsvarande utdanning i Molekylærbiologi, Biovitskap, Fiskehelse eller liknande. Masterstudentar kan søkje dersom dei fullførar den endelege mastereksamen før 15.07.2026. Det er ein føresetnad at mastergraden er oppnådd før tilsetjing kan skje.
• Erfaring frå arbeid i eit molekylærbiologisk laboratorium er eit krav
• Ei masteroppgåve (eller tilsvarande) kor molekylærbiologiske metodar er brukt, er eit krav
• Vilje til å utføra dyreforsøk (med fisk og lus) er eit krav
• Erfaring med molekylær kloning, produksjon av rekombinante protein i E. coli, genredigering og/eller in situ‑hybridisering er ein stor fordel
• Erfaring med arbeid med lakselus og/eller laks er ein fordel
• Søkjarar må kunne arbeide sjølvstendig og strukturert og ha gode samarbeidsevner.

• Søkjarar må ha gode skriftlege og munnlege engelskkunnskapar

  Personlege og mellommenneskelege eigenskapar vil bli lagt vekt på. Ambisjonar og potensial vil også telje ved vurdering av kandidatane.

  Særeigne krav for stillinga

  UiB er underlagd regelverket for eksportkontroll og regelverket gjeld ved behandling av søknadar til stillinga. 

For stillinga gjeldt følgande:

Om stillinga som ph.d.-stipendiat

Stipendperioden er på 3 år, med opning for eit 4. år avhengig av kandidaten sine kvalifikasjonar og instituttet sitt behov for undervisning, og vert avgjort av instituttleiar ved tilsetjing. Dersom eit 4. år blir bestemt, vil éitt årsverk som består av karrierefremmande arbeid knytt til undervisning, formidling og forskingsinfrastruktur/tenester, bli fordelt over den samla tilsetjingsperioden og slik tilsvare 25 % av tida kvart år.

Om du tidlegare har vore tilsett i rekrutteringsstilling (stipendiat, vitskapleg assistent eller liknande), kan det bli gjort frådrag i tilsetjingsperioden.

Om forskarutdanninga

Som ph.d.-stipendiat skal du delta i eit godkjent utdanningsprogram for ein ph.d.- grad innanfor ei tidsramme på 3 år. Frist for å søkje om opptak til ph.d.-programmet ved Fakultet for naturvitenskap og teknologi er to månadar etter tiltreding i stillinga eller etter oppstart av det forskingsprosjektet som skal leie fram til ph.d.-graden. Det er ein føresetnad at du fyller krava for opptak til ph.d.- studiet ved Universitetet i Bergen.

Vi tilbyr:

• eit godt og fagleg stimulerande arbeidsmiljø
• løn som stipendiat (kode 1017) i samsvar med det statlege lønsregulativet. Dette utgjer ei brutto årsløn på kr. 568 700. Vidare opprykk skjer etter stillingsansiennitet.
• medlemskap i Statens pensjonskasse
• gode velferdsordningar

Søknaden skal innehalde:

• ei kort utgreiing om forskingsinteresser og motivasjonen for å søkje stillinga
• ei detaljert grunngjeving av kvalifikasjonane dine i høve til dei oppførte krava, og korleis du oppfyller kvart kriterium. I tillegg bør du adressere dei nemnde "fordelane", då desse vil bli vurderte ved rangeringa av kandidatane.
• namn og kontaktopplysningar til to referansar. Ein av desse bør vere hovudrettleiaren frå masteroppgåva eller tilsvarande oppgåve. 
• CV
• karakterutskrifter og vitnemål for bachelor- og mastergrad. Dersom du enno ikkje har fullført mastergraden din, må du sende inn ei stadfesting frå institusjonen på forventa dato for oppnådd mastergrad. Mastergraden må vere dokumentert med karakterutskrift og/eller vitnemål innan tilsetjing.
• relevante attestar
• godkjend dokumentasjon på at du oppfyller krav til engelskkunnskapar (dersom påkravd, jfr. Krav til engelskkunnskaper ved opptak til ph.d.-programmet)
• eventuell liste over vitskaplege arbeid (publikasjonsliste med lenkjer)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Generell informasjon:

Utfyllande opplysningar om stillinga kan ein få ved å vende seg til prosjektleiar Andreas Borchel, Institutt for Biovitenskap, andreas.borchel@uib.no eller leiaren for lakselusgruppa Frank Nilsen, Institutt for Biovitenskap, Frank.Nilsen@uib.no.

For HR-relaterte spørsmål ta kontakt med rådgivar Magnus Skogstad, Fakultet for naturvitenskap og teknologi, magnus.skogstad@uib.no, +47 55583669.

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder. 

Vi oppmodar menn om å søkje. Dersom fleire søkjarar har tilnærma like kvalifikasjonar, gjeld reglane for moderat kjønnskvotering.

Universitetet i Bergen nyttar meirinnsyn ved tilsetjing i vitskaplege stillingar. Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.

Livet som ph.d.-kandidat ved UiB

Astrid Nybø forteller om livet og arbeidshverdagen som ph.d.-kandidat ved UiB.

...

(Video unable to load from YouTube. Accept cookie and refresh page to watch video, or click here to open video)

Søk på stillingen