Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Fakultet for kunst, musikk og design består av tre institutt. Les meir om fakultet og tilhøyrande institutt.

UiB - Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Universitetslektor

Ved Griegakademiet – Institutt for musikk, er det ledig ei fast stilling (20%) innan utøvande musikk og koordinering av Griegakademiets unge talent. Tilsetjing er ønska frå 01.08.2025.

Arbeidsoppgåver:

Vi søkjer etter ein universitetslektor for fagleg koordinering av vårt talentutviklingsarbeid, Griegakademiets unge talent (GUT). GUT er ein del av eit nasjonalt talentutviklingsprogram og er eit tilbod til talentfulle ungdommar i alderen 13-19 år. Programmet er sjangeruavhengig, og gjev tilbod innan dei område som Griegakademiet tilbyr som studieretningar. Programmet er vanlegvis eit tillegg til undervisninga ved lokal kulturskule, vidaregåande skule eller i privatopplæring. Tilbodet omfattar individuell undervising på instrument, gruppeundervisning i aktuelle tema, til dømes musikkteori og gehør, samspel, meisterklasser og konsertar. 

Det vert årleg gjennomført 13 samlingar, der mykje av aktiviteten føregår utanom skuletid.

Vi søker etter ein fagperson med stort engasjement og ønske om å jobbe med ungdom og utvikling av unge musikare, og med evne og vilje til å utvikle tilbodet. 

Den som vert tilsett vil ha undervisningsoppgåver knytt til programmet. Dette kan omfatte gruppeundervisning i aktuelle tema eller samspel. Individuell undervisning kan verte aktuelt i enkelte periodar.

Koordineringsoppgåver inkluderer fagleg planlegging og tilrettelegging av aktivitetar på programmet, samarbeid med faglærarar og oppfølging av elevar. Det er ynskjeleg at den som vert tilsett og kan bidra til å vidareutvikle samarbeid med andre aktørar innan talentutvikling i regionen. 

Kvalifikasjonar og eigenskapar:

Søkjarar må ha oppnådd norsk mastergrad/hovudfag eller tilsvarande utanlandsk grad innan fagområdet utøvande musikk, og praktisk-pedagogisk utdanning (PPU). Søkarar med tilsvarande pedagogisk utdanning i/med musikk kan og bli vurdert. Søkjarar med dokumentert anerkjent kunstnarleg praksis eller utviklingsarbeid av eit visst omfang kan også bli vurdert. Søkjarar må kunne vise til kunstnarleg praksis og relevant erfaring frå undervisningsarbeid.

I tillegg vil det bli lagt vekt på:

• Pedagogiske evner og engasjement.
• Erfaring med talentarbeid og/eller arbeid med ungdom er ynskjeleg,
• Organisatoriske evner og erfaring.
• Gode samarbeidsevner.
• Personlege og mellommenneskelege eigenskapar.

Undervisningsspråket er norsk. Kandidatar må beherske norsk eller eit annet skandinavisk språk ved tilsetting.

Arbeidsstad for stillinga er på campus i Bergen, og det vert forventa jamleg nærvær etter nærare avtale med instituttleiar.

Vi tilbyr:

• Spennande og utviklande arbeidsoppgåver i eit sterkt fagmiljø.
• Stilling som universitetslektor (kode 1009) vert løna med årsløn tilsvarande 612 000 – 654 000kr i 100% stilling. Det vert trekt 2 % pensjonsinnskot til Statens pensjonskasse. For særleg kvalifiserte søkjarar kan det bli aktuelt å vurdere høgare løn.
• Medlemskap i Statens pensjonskasse.
• Gode velferdsordningar

Søknaden skal innehalde:

• Ei kort utgreiing om søkjaren sin motivasjon for å søkje stillinga
• CV.
• Vitnemål og attestar.
• Liste over kunstnarlege og/eller vitskaplege produksjonar som har relevans for stillinga.
• Materiale som dokumenterer kompetanse som universitetslektor.
• To referansar (namn og kontaktinformasjon)

Søknad og vedlegg med attesterte omsetjingar til engelsk eller eit skandinavisk språk må lastast opp i Jobbnorge.

Den faglege kompetansen vil bli vurdert av ein fagleg vurderingskomité. Dei best kvalifiserte søkjarane vil bli kalla inn til intervju av ei intern intervjugruppe, og kan bli bedne om å halde prøveundervising for tilsette og studentar ved instituttet. 

Generell informasjon:

Utfyllande opplysningar om stillinga kan ein få ved å vende seg til:

•  Instituttleiar Randi Rolvsjord, mob. +47 97514878, e-post: randi.rolvsjord@uib.no 

For tekniske spørsmål knytt til søknadsprosessen ta kontakt med HR ved KMD på: hrkmd@uib.no

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju. Nærare om tilsettingsprosessen her.

Søk på stillingen