Avdelingsleder SV-info

Om stillinga

Vi har for tida ei ledig 100 % fast stilling som avdelingsleiar, ved SV-info, informasjonssenteret ved Det samfunnsvitskaplege fakultet.

SV-info har ansvar for å gje studieinformasjon og å yte tenester til studentar og søkjarar knytt til Det samfunnsvitskaplege fakultet.

Avdelinga har i tillegg ansvar for sakshandsaming av studentsøknadar, studiestart, rekruttering, internasjonalisering, tilrettelegging av studiekvardagen, læringsmiljø og studieadministrative rutinar. Avdelinga sitt arbeid skjer i tett dialog med fakultetet sine institutt og andre einingar ved Universitetet i Oslo. SV-info har 4 fulltidstilsette, 6 deltidstilsette og ein faddersjef i deltidsstilling.

Arbeidsoppgåver

• Personal- og fagansvar for SV-info
• Ansvar for dagleg drift og strategisk utvikling av SV-info
• Ansvar for å utvikle og koordinere informasjonsarbeidet retta mot studentar og fakultetet sine studenttenester
• Saksførebuing og rådgjeving for leiinga og til fakultetet sine styringsorgan.
• Ansvar for Si fra-systemet ved fakultet og sakshandsaming av varsel frå studentar
• Utvikle og koordinere arbeidet med studiestart

Avdelingsleiar vil samarbeide tett med fakultetet sin studieleiar.

Kvalifikasjonskrav

• stillinga krev relevant utdanning frå universitet eller høgskole minimum tilsvarande mastergrad. Dokumentert relevant realkompetanse kan kompensere for utdanningskravet dersom søkjaren konkret kan dokumentere evne til å meistre oppgåver på det aktuelle nivået
• erfaring med studieadministrativt arbeid
• god skriftleg og munnleg kommunikasjonsevne på norsk og engelsk

Ønskeleg kompetanse/erfaring

• søkjarar med leiarerfaring, koordineringserfaring og god kjennskap til informasjonsarbeid vil bli føretrekt
• god kjennskap til UiO-arbeidsverktøy
• kjennskap til offentleg forvaltning
• kjennskap til lovverket som regulerer universitets- og høgskulesektoren

Personlege eigenskapar

Vi søkjer deg som

• har gode leiareigenskapar og evnar å delegere
• trivst å jobbe med mange ballar i lufta samstundes, har stort pågangsmot og gjennomføringsevne
• er analytisk, service- og utviklingsorientert
• evnar å motivere og skape eit godt arbeidsmiljø

Vi tilbyr

• løn som stillingstittel kode 1407 fastsetjast etter individuell vurdering innanfor eit spenn mellom kr 605 500 og kr 679 000, avhengig av kompetanse og ansiennitet
• fleksibel arbeidstid og gode velferdsordningar
• trening i arbeidstida
• god pensjonsordning og gunstig lån i Statens Pensjonskasse

Søknaden skal innehalde

• søknadsbrev
• CV
• Evt. vitnemål, attestar, liste med 2-3 referansar (namn, tilknyting til søkjar, e-postadresse og telefonnummer)

Søknad (evt. med vedlegg) må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. Eventuelt ved leiarstilling med mindre enn 40 % kvinnedel oppmodast kvinner særskild til å søkje.

I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.

Kontaktinformasjon

Spørsmål om stillingens faglige innhold:

• Assisterende fakultetsdirektør Kari Pound Davies, e-post: k.m.p.davies@sv.uio.no, tlf: +47 91741835

Spørsmål om elektronisk søknad:

• Personalrådgiver Anders Haave, e-post: anders.haave@sv.uio.no, tlf: 94322350

Søk på stillingen