Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Michael Sars-senteret – eit internasjonalt forskingsfellesskap i marinbiologisk livsvitskap
Ved Michael Sars-senteret brukar vi avanserte teknologiar for å studere den unike molekylære og cellulære biologien til marine organismar i eit miljø i endring og for brei samfunnsmessig påverknad. Som den første historiske partnaren til Det europeiske molekylærbiologilaboratoriet (EMBL), er Michael Sars-senteret forankra i det akademiske miljøet i Bergen og fungerer som ein nasjonal strategisk ressurs for norske marinbiologiske vitskapar. Michael Sars-senteret har som mål å etablere, styrke og utnytte lokale, nasjonale og internasjonale nettverk gjennom spesifikke aktivitetar, inkludert samarbeidsforsking, felles opplæring og vitskapleg utveksling. Senteret har ei vitskapleg rådgjevingskomité og eit rådgivande styre.
Senteret har for tida 6 forskingsgrupper med kvar sin gruppeleiar og til saman ca. 12 forskarar, 11 postdoktorar, 9 ph.d.-stipendiatar, 20 teknisk og 5,5 administrativt tilsette. Administrasjonssjefen koordinerer også leveransar frå HR- og økonomitenestene som ligg på fakultetet. Samla budsjett ligg på vel 78 mill. kroner der om lag 15 mill. kroner er eksternfinansierte prosjekt. Senteret har ambisjonar om auka eksternfinansiert prosjektportefølje framover, og administrasjonssjefen vil få ei viktig forskingsadministrativ rolle i dette arbeidet.
Ansvarsområde og arbeidsoppgåver:
Som administrasjonssjef vil du ha eit breitt ansvarsområde og med eit særskilt ansvar for den administrative leiinga av senteret. Du inngår i senteret si leiargruppe og rapporterer til og samarbeider tett med senteret sin direktør.
Dine viktigaste arbeidsoppgåver vil vere å:
leie og ha personalansvar for administrasjonen
utvikle dei administrative tenestene slik at dei bidrar til å styrke forskingsgruppene sin internasjonale konkurranseevne
implementere og fylgje opp administrative prosedyrar og rutinar i samsvar med retningsliner og reglar som gjeld ved universitetet
saman med senterdirektøren ivareta arbeidsgjevaransvaret
saman med senterdirektøren organisere og følgje opp økonomistyrings, ressursdisponering og arealforvalting
gi støtte og råd til senterdirektøren i administrative, økonomiske og strategiske saker
drive forskingsadministrasjon, prosjektoppfølging og anna arbeid for å styrke den eksternfinansierte aktiviteten ved senteret
ha oversikt over senteret sine personalressursar og rekrutteringsbehov
saman med senterdirektør vidareutvikle arbeidsmiljøet ved senteret og ha tilsyn med og følgje opp HMS-ansvaret
vere bindeledd mot lokale, nasjonale og internasjonale samarbeidspartnarar
vere sekretær for det rådgjevande styret
Du må vere budd på at det kan skje endringar i ansvar og oppgåver over tid.
Kvalifikasjonar og eigenskapar:
Kvalifikasjonar
Vi ser etter deg som har:
gode leiarkvalitetar og interesse for leiing, relevant erfaring og gode resultat frå tidlegare arbeidsforhold
relevant praksis og utdanning på minst masternivå eller tilsvarande kvalifikasjonar oppnådd ved lang, relevant praksis og etter- og vidareutdanning
forståing og interesse for offentleg sektor
erfaring frå administrasjon og tyngre utgreiingsoppgåver
erfaring frå økonomistyring og personalleiing er ein føremon
støtte for ekstern prosjektanskaffing og forskingsadministrasjon er ønskeleg
evne og vilje til å bruke nye digitale verktøy er ein føremon
gode kunnskapar i norsk og engelsk skriftleg og munnleg
Personlege eigenskapar
Det vil bli lagt stor vekt på personlege eigenskapar i vurderinga av kandidatane.
Vi ønskjer ein administrasjonssjef som:
har ein motiverande leiarstil prega av gode samarbeidsevner og dialog
har evne til å ta initiativ, stimulere til endringar, finne løysingar og skape engasjement
har god organisasjonsforståing og evne til å tenke heilskapleg og strategisk
har evne til å leie og arbeide målretta, med god framdrift og resultatoppnåing
har stor arbeidskapasitet og ein effektiv, strukturert og kvalitetsbevisst arbeidsstil
Vitnemål og attestar skal lastast opp i Jobbnorge saman med søknaden.
Du må vere førebudd på at intervjuet delvis vil føregå på engelsk.
Vi tilbyr:
Utfordrande og utviklande arbeids- og leiaroppgåver i eit aktivt, godt og fagleg utfordrande internasjonalt arbeidsmiljø
Samarbeid med dyktige kollegaer
Deltaking i leiarnettverk ved fakultetet og UiB
Stilling som administrasjonssjef (kode 1058) og brutto årsløn frå kr. 745 000 - 796 600 (tilsvarande lønnssteg 74-77). For særleg godt kvalifiserte søkjarar kan det verte aktuelt å vurdere høgare lønn.
For HR-relaterte spørsmål, ta kontakt med Vivian Stegen Jacobsen, Vivian.jacobsen@uib.no.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.
Universitetet i Bergen arbeider målbevisst for auka jamstilling og ønskjer kjønnsbalanse og mangfald i leiargruppene. Kunnskap om og resultat frå aktivt jamstillings- og mangfaldsarbeid blir lagt vekt på ved rekruttering av leiarar.
Opplysningar om søkjaren kan bli gjort offentlege sjølv om søkjaren har bedt om ikkje å bli ført på søkjarlista. Dersom oppmodinga ikkje blir følgt opp, vil søkjaren bli varsla om dette.