Universitetet i Stavanger (UiS) har omlag 12 000 studentar og 2.200 tilsette. Universitetet har store ambisjonar. Vi skal ha en innovativ og internasjonal profil og vera ei drivkraft i kunnskapsutviklinga og endringsprosessar i samfunnet. Vår felles retning skal drivast fram av omtanke for grønn og berekraftig omstilling og rettferdig samfunnsutvikling, gjennom nye måtar å forvalte naturressursane på og ved å legge til rette for betre byar og lokalsamfunn. Energi, helse og velferd, læring for livet er våre satsingsområde.
I samspel og dialog med våre omgjevnadar regionalt, nasjonalt og internasjonalt har vi eit ope og innovativt klima for utdanning, forsking, kunstnarisk utviklingsarbeid, nyskaping, formidling og museumsverksemd. Den faglege verksemda ved UiS er organisert i seks fakultet med 13 institutt og 2 nasjonale forskings- og kompetansesenter i tillegg til Arkeologisk museum. Vi er medlem i det europeiske nettverket for innovative universitet – European Consortium of Innovative Universities (ECIU). Universitetet ligg i den mest attraktive regionen i landet med 300.000 innbyggjarar. Stavangerregionen har et dynamisk arbeidsmarknad og tilbyr ei rekke spennande kultur- og fritidsaktivitetar.
Saman med dei tilsette og studentane våre vil vi løfta blikket, og våga å tenke stort og nytt - vi utfordre det velkjente og utforske det ukjente.
Fakultet for utøvande kunstfag driv høgare kunstfagleg utdanning- og forskning innanfor utøvande og skapande kunstdisipliner. Fakultetet utdannar primært utøvande musikarar og dansarar, instrumental/-dansepedagogar. Dette skjer gjennom utøvande bachelor- og masterprogram, samt årseiningar og vidareutdanningar. Fakultetet har i dag ca 230 studieplasser og 90 tilsette fordelt på ein fakultetsadministrasjon og ulike fagseksjonar så som klassisk musikk, jazz/improvisert musikk, dans, dirigering, pedagogikk og kunstfagdidaktikk, og ei eining med musikkproduksjon og opptaksteknikk. Fakultetet er aktivt i nasjonale og internasjonale nettverk innanfor sine fagområder, og har eit regionalt ansvar for det nasjonale talentutviklings-programmet. Med ein høg frekvens av konserter, førestillingar og formidlingsaktiviteter på fleire utøvararenaer og i nærleik til regionens kunst- og kulturmiljø, er fakultetet også ein profilert kulturaktør i regionen. Fakultetet er strategisk lokalisert i eigen campus i nærleiken av sine primære kompetanse- og fagmiljø, praksisfelt og regionale kontaktnett i Bjergsted kulturpark.
Fakultet for utøvande kunstfag har ledig inntil 25% vikariat
Om stillinga
Universitetet i Stavanger har ledig inntil 25% vikariat som fagkoordinator for danseutdanningene ved Fakultet for utøvende kunstfag, fakultetsadministrasjonen. Vikariatet er frå 1. august 2025 til og med 30. juni 2026.
Den som vert tilsett skal bistå faggruppa innanfor dans med fagleg koordinering.
Hovudoppgåver
sikre god kommunikasjon mellom studentar, faggruppe, administrasjon og leiing – både munnleg og skriftleg
støtte fagleg leiar og studieprogramleiar i den daglege drifta av studiet, inkludert møte og e-postkorrespondanse
ha ansvar for timeplanlegging og bestilling til administrasjonen i samarbeid med fagleg leiar og studieprogramleiar
koordinere og gjennomføre digitalt opptak, i samarbeid med studentrepresentant, fagpersonale og administrasjon
ha oversikt over bruk av dansestudio og sørgje for at utstyr og fasilitetar er i orden
vere kontaktperson for utanlandske gjestelærarar
Kvalifikasjonar
Du må ha:
høgare utdanning på minimum bachelor-nivå innanfor relevant fagområde. Særskilt relevant erfaring kan kompensere for utdanningskravet.
relevant erfaring, erfaring frå danseutdanning eller tilsvarande er ein fordel
erfaring med bruk av relevante IT-verktøy og god systemforståing
god munnleg og skriftleg framstillingsevne på norsk og engelsk
Vidare blir det lagt vekt på at du:
er serviceinnstilt, fleksibel og imøtekommande
har gode kommunikasjons- og samarbeidsevner
er sjølvstendig, effektiv og strukturert
er proaktiv, resultatorientert og tar ansvar for gjennomføring av gode arbeidsprosessar
Vi tilbyr
varierte arbeidsoppgåver i ein stor organisasjon med eit viktig samfunnsoppdrag
eit inkluderande arbeidsmiljø med fokus på fagleg utvikling.
løn etter Statens lønnsregulativ l.pl 90.103, kode 1408 førstekonsulent, kr 125.000 - 162.500 bto pr år i 25% stilling. I særskilte tilfelle kan høgare løn bli vurdert. Frå løna vert det trekt lovfesta innskot til Statens pensjonskasse.
medlemskap i Statens pensjonskasse som sikrar gode pensjons- og forsikringsordningar
Mangfald er ein ressurs i arbeids- og læringsmiljøet ved UiS. Når vi har ulike bakgrunnar og erfaringar, kan vi sjå utfordringar frå fleire vinklar og finne betre løysingar.
På UiS er vi opptatt av å vise respekt for kvarandre med dei ulikskapane vi har, og vi legg til rette for tilsette med nedsett funksjonsevne. Vi tek omsyn til behova dine og situasjonen din i ulike livsfasar.
Om du synest stillinga er interessant, oppmodar vi deg til å søkje, uavhengig av kjønn, funksjonsevne, kulturell bakgrunn eller om du har vore utanfor arbeidslivet ei tid.
Er det kvalifiserte søkjarar med funksjonsnedsetjing, hol i CV-en eller innvandrarbakgrunn, inviterer me minst inn éin søkjar i kvar av desse gruppene til intervju. Kjenne du deg igjen i ein av desse kategoriane, kan du kryssa av i jobbsøkjarportalen vår.
Les meir om krava for å bli vurdert som søkjar i desse gruppene her.
Universitetet vil rekruttera fleire menn til avdelinga og oppmodar derfor spesielt menn til å søke. Dersom fleire søkjarar vert vurdert til å ha likeverdige kvalifikasjonar, vil ein mann bli prioritert føre ei kvinne.
Spørsmål om tilsetjingsprosessen kan rettast til senior HR-rådgiver Helene Engelsgjerd Figved, e-post: helene.e.figved@uis.no.
Søknad
Søk på stillinga elektronisk via "Søk stillinga" på denne sida. Her vert minimum søknadsbrev, relevant utdanning og arbeidserfaring samt språkferdighetar registrert. I søknadsbrevet må du få fram kva kompetanse og motivasjon du har for stillinga.
Ein meir utfyllande CV, vitnemål, attestar og eventuelt annan dokumentasjon som du vil det skal tas omsyn til ved vurdering av søknaden, må lastas opp som vedlegg. Dokumentasjonen må finnast på eit skandinavisk språk eller engelsk. Dersom vedlegga overskrid 30 MB til saman, må dei komprimerast før opplasting.
Søknaden vert vurdert ut frå informasjonen som er tilgjengeleg i Jobbnorge ved søknadsfristen. Sørg derfor for at søknaden tydeleg viser korleis evnene og erfaringane dine oppfyller kompetansekrava som det er skrive om over.
Vi gjer merksame på at opplysningar om søkjar kan bli offentleggjorde sjølv om søkjer har bedd om ikkje å bli oppført på offentleg søkjarliste, jf offentleglova § 25. Dersom ønsket ditt ikkje blir tatt til følgje, vil du bli varsla om dette.
UiS vurderer berre søknadar og vedlegg som er registrert i Jobbnorge.
