Ledig stilling på Universitetet i Oslo
Blindern og Urbygningen (Foto: Wikimedia og Colourbox)
Studiekonsulent (seniorkonsulent) - Institutt for statsvitskap
Søknadsfrist: 12.09.2019
Om stillinga
Universitetet i Oslo
Universitetet i Oslo er den eldste og høgst rangerte forskings- og utdanningsinstitusjonen i Noreg, med 28000 studentar og 7000 tilsette. Fagleg breidde og internasjonalt anerkjende forskingsmiljø gjer UiO til ein viktig samfunnsaktør.
Institutt for statsvitskap driv forsking, undervising og formidling. Instituttet har i dag ein fast vitskapleg stab på 33 tilsette, 13 stipendiatar, 6 postdoktorar og 10 administrativt tilsette. Instituttet har om lag 1100 studentar fordelt på bachelor-, master- og ph.d.- programma i statsvitskap, samt dei tverrfaglege bachelorprogramma i internasjonale studiar og offentlig administrasjon og leiing, og masterprogrammet i freds- og konfliktstudiar (PECOS). Instituttet er vertskap for Senter for ekstremismeforsking (C-REX).
Institutt for statsvitskap har ledig ei fast stilling som studiekonsulent (seniorkonsulent SKO 1363). Den som blir tilsett vil få det administrative ansvaret for masterprogrammet i statsvitskap og for instituttet sitt vidareutdanningstiltak, og skal bidra aktivt i vidareutviklinga av instituttet sitt studietilbod og satsing på arbeidslivsrelevans. Stillinga inngår i instituttet sin administrasjon på ti personar, og du vil også arbeide tett med våre undervisarar og eksterne samarbeidspartnarar.
For nærare informasjon om instituttet, sjå nettsida vår: http://www.sv.uio.no/isv/
Sentrale arbeidsoppgåver
- administrativ koordinator for masterprogrammet i statsvitskap (opptak og mottak av nye studentar, planlegging og kvalitetssikring av undervisinga, førebu saker for programrådet m.m.)
- drift og vidareutvikling av praksisemnet på master
- administrativt ansvar for instituttet sitt vidareutdanningsemne
Kvalifikasjonskrav
- erfaring frå studieadministrativt arbeid
- utdanning frå universitet eller høgskule minimum tilsvarande bachelorgrad. Særs relevant og dokumentert realkompetanse kan erstatte utdanningskravet.
- god skriftleg og munnleg framstillingsevne på norsk og engelsk
- samfunnsvitskapleg eller tilgrensande utdanning, gjerne statsvitskap
Vi stiller store krav til at du er personleg egna til stillinga, og vil vektlegge følgjande eigenskapar:
Vi tilbyr
- jobb i ein solid og dynamisk organisert administrasjon i eit inspirerande undervisings- og forskingsmiljø
- løn som seniorkonsulent (SKO 1363) kroner 496 100 - 573 100 avhengig av kompetanse
- fleksibel arbeidstid og gode velferdsordningar
- trening i arbeidstida
- god pensjonsordning og gunstig lån i Statens Pensjonskasse
Søknaden skal innehalde
- søknadsbrev
- CV
- Relevante vitnemål, attestar, liste med 2-3 referansar (namn, tilknyting til søkjar, e-postadresse og telefonnummer)
Søknad (evt. med vedlegg) må sendast inn via rekrutteringssystemet vårt, Jobbnorge.
Andre opplysningar
Aktuelle søkjarar vil bli kalla inn til intervju.
I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.
UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.
I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.
Kontaktinformasjon
Spørsmål om elektronisk søknad: personalrådgiver Sylvi Anita Varsi Øien, saoien@sv.uio.no
Søk på stillingen