Om stillinga

TIK Senter for teknologi, innovasjon og kultur har ledig ei fast stilling som forskingskonsulent/-rådgjevar (seniorkonsulent SKO 1363/rådgjevar SKO1434). Den som vert tilsett får sjølvstendig ansvar for den administrative oppfølginga av TIK si forskingsportefølje og for ph.d-studieretninga Teknologi, innovasjon og kultur under doktorgradsutdanninga i samfunnsfag. Stillinga inngår i Det samfunnsvitskaplege fakultetet sitt forskingsadministrative nettverk (FANE), og i fakultetet sitt administrative ph.d-nettverk. Me søkjer ein person som kan vere med å utvikle det forskingsadministrative arbeidet ved TIK, og bidra til kompetanseheving, særleg innan søknadsarbeid og oppfølging av eksternfinansierte prosjekt.

Arbeidsoppgåver

• Administrativt ansvar for ph.d-utdanninga ved TIK
• Identifisere og informere om eksterne finansieringskjelder
• Utforming av søknadar og budsjett i tett samarbeid med prosjektleiar og prosjektøkonom
• Koordinering og oppfølging av prosjekt, kontraktsinngåing og rapportering
• Halde leiinga fortløpande orientert om komande søknader og aktive prosjekt
• Ansvar for forskingsformidling, inkludert senteret sine nettsider om forsking, pressekontakt
• Administrativt ansvar for senteret si gjesteforskarordning
• Administrativ koordinering av OSIRIS-senteret ved TIK

Andre oppgåver kan bli lagt til stillinga.

Kvalifikasjonskrav

• Utdanning frå universitet eller høgskule innan samfunnsfag, tilsvarande mastergrad. Dokumentert relevant realkompetanse kan erstatte utdanningskravet.
• Erfaring frå forskingsadministrasjon, ekstern finansiering og prosjektoppfølging innan universitet- og høgskulesektoren.
• For tilsetting som rådgjevar er det vidare krav om erfaring med utstrakt rådgjeving overfor forskarmiljø og evne til å bidra til utvikling av TIK sin forskingsstrategi.
• Erfaring med forskingsformidling.
• God skriftleg og munnleg framstillingsevne på norsk og engelsk er ein føresetnad.
• Det er ei føremon med god kjennskap til og interesse for samfunnsvitskapleg forsking.

Personlege eigenskapar

Vi søkjer deg som

• har gode samarbeids- og kommunikasjonseigenskaper
• har evne til å koordinere andre, og kan handtere mange og ulike oppgåver i eit hektisk miljø
• tek ansvar og kan jobbe sjølvstendig, systematisk og effektivt
• kan syne engasjement og initiativ, og har evne til å motivere forskarar
• har god talkjensle
• bidreg til eit godt arbeidsmiljø

Vi tilbyr

• eit fagleg stimulerande miljø og utfordrande arbeidsoppgåver
• eit hyggeleg arbeidsmiljø
• seniorkonsulent løn frå kr 488 000 til kr 583 900/rådgjevar løn frå kr 523 200 til kr 627 700 per år, avhengig av kompetanse
• gode pensjonsordningar i Statens Pensjonskasse
• fleksibel arbeidstid og gode velferdsordningar

Søknaden skal innehalde

• søknadsbrev med skildring av relevant bakgrunn og jobberfaring
• CV
• relevante vitnemål og attestar
• liste med 2-3 referansar (namn, tilknyting til søkjar, e-postadresse og telefonnummer)

Søknad (evt. med vedlegg) må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.

I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.

Kontaktinformasjon

• Senterleiar Fulvio Castellacci

Søk på stillingen