Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
HR medarbeidar (seniorkonsulent) ved Det humanistiske fakultet
Ved Det humanistiske fakultet har vi ledig ei fast 100 % stilling som HR medarbeidar (seniorkonsulent) ved seksjon for HR og service ved fakultetssekretariatet, med oppstart 1. august 2022 eller så snart som råd etter dette.
Seksjonen si oppgåve er å yte god HR-fagleg service til dei fire institutta og to sentra ved fakultetet, samt til leiinga og dei andre tilsette ved fakultetsadministrasjonen.
Arbeidsoppgåver:
Personaladministrasjon og saksbehandling innanfor seksjonens ansvarsfelt – frå rekruttering av nye medarbeidarar i vitskaplege og administrative stillingar til avvikling av arbeidsforhold. Dette krev tett samarbeid med båe vitskaplege tilsette, administrative tilsette og instituttleiingar. Som HR-medarbeidar vil du ha ein viktig funksjon som rådgjevar og samtalepartnar, ikkje berre i rekrutteringsprosessen, men også i andre HR-relaterte sakar. I tillegg er det andre personaladministrative oppgåver, som blant anna omfattar opprykk, permisjonar og saksførebuing til tilsettingsorgan. Anna førefallande arbeid må også påreknast.
Det kan bli gjort endringar i arbeidsoppgåvene som høyrar til stillinga.
Kvalifikasjonar og eigenskapar:
Mastergrad innan HR-relevante fag. Lang og relevant praksis kan i særskilte høve kompensere delvis for manglande formell utdanning.
God digital kompetanse.
God skriftleg og munnleg framstillingsevne på norsk og engelsk
Relevant praksis innan personal- og HR-arbeid med relevant erfaring frå rekruttering
Kjennskap til arbeidsverktøy som SAP, Office, ePhorte/Elements er ein føremon
Kjennskap til relevante lov- og avtaleverk for sektoren er ein føremon
Erfaring med tilsvarande arbeid innanfor universitets- og høgskulesektoren er ein føremon
Vi søkjer ein medarbeidar som er:
ansvarleg og løysingsorientert
har gode samarbeids- og kommunikasjonsevner
arbeider nøyaktig og systematisk
er strukturert og i stand til å handtere fleire parallelle prosessar utan å miste blikket for detaljar
har evne til å prioritere
er sjølvstendig, serviceinnstilt og imøtekommande
er raus og inkluderande
Det vil bli lagt stor vekt på dei personlege eigenskapane som er naudsynte for stillinga.
Vi kan tilby:
Ei allsidig stilling med gode moglegheiter for kompetanseutvikling
Eit godt fagleg og sosialt miljø
Medlemsskap i Statens pensjonskasse
Gode velferdsordningar
Stilling som seniorkonsulent (kode 1363), med løn etter lønssteg 57 - 62. For tida utgjer det kr. 515 700 - 563 500 per år. For særskilt kvalifiserte søkjarar kan ein vurdere høgare løn.
Generell informasjon:
Du kan få utfyllande opplysningar om stillinga ved å ta kontakt med:
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
