Er du vår nye kollega?

Om stillinga

Vi søkjer etter ein dyktig og omgjengeleg medarbeidar til SV-info, informasjonssenter ved Det samfunnsvitskaplege fakultet. Vi har for tida eit ledig vikariat som førstekonsulent (stillingskode SKO1408) fram til og med 30.06.2020.

SV-info har som hovudoppgåve å gje studieinformasjon og yte tenester til studentar og søkarar knytt til Det samfunnsvitskaplege fakultet.

SV-info handsamar førespurnadar via skranke, e-post og telefon og har fire fulltidstilsette og seks deltidstilsette. Vi held til i første etasje i Eilert Sundts hus, Blindern. Opningstid er måndag til fredag kl. 09 -15.00.

Stillinga har som hovudoppgåve å bidra inn i drifta og utviklinga av SV-info, i tillegg til andre administrative oppgåver.

Arbeidsmetodikken er slik at SV-info fylgjer opp studentanes førespurnader frå start til slutt, framfor å sende dei vidare til direkte handsaming hos enkelttilsette andre stader i organisasjonen. For å klare å hjelpe studentane samarbeider SV-info mykje med studiekonsulentar og andre studieadministrativt tilsette både i fakultetsadministrasjonen og ved institutta. Arbeidskvardagen er prega av variasjon og ofte utfordrande og komplekse førespurnader.

I tillegg til drift av infosenteret arbeider dei tilsette ved SV-info med sakshandsaming, studiestart, rekruttering, internasjonalisering, tilrettelegging av studiekvardagen, læringsmiljø og studieadministrative rutinar.

Arbeidsoppgåver

• Hjelpe studentar i skranke, per telefon og via e-post
• Ha operativt ansvar for SV-info nokre dagar i veka
• Studierettleiing
• Sakshandsaming av studentsøknadar
• Drift og utvikling av fakultetet sine digitale søknadsskjema
• Videreutvikle SV-info sin bruk av UiO sine IT-system
• Ansvar for SV-info sitt arbeid med internasjonale studentar
• Andre administrative oppgåver

Vi tar atterhald om at stillinga kan bli tillagt andre oppgåver.

Kvalifikasjonskrav

• Høgare utdanning på minimum bachelornivå. Dokumentert relevant realkompetanse kan erstatte kravet om høgare utdanning.
• Relevant erfaring med studieadministrativt arbeid eller informasjonsarbeid.
• Svært god norsk- og engelskkunnskap, skriftleg og munnleg.
• God kjennskap til og erfaring med bruk av IT som arbeidsverktøy.

Personlege eigenskapar

Vi ser etter deg som:

• kommuniserer godt både på engelsk og norsk, skriftlig og munnleg.
• er tålmodig og serviceinnstilt, og glad i å jobbe med menneske.
• er nysgjerrig på nye digitale løysingar.
• evner å vere effektiv og samstundes levere arbeid av høg kvalitet.
• er dyktig på å formidle komplekse bodskap på ein forståeleg måte.
• trivst i eit ungt og hektisk miljø.

Som tilsett ved SV-info vil du arbeide i opent landskap i eit team samansett av dyktige medarbeidarar som speler kvarandre gode. Vi samarbeider også mykje med kollegaer ved andre einingar. Det er viktig at du sjølv ynskjer å bidra og arbeide i eit slikt miljø.

Vi legg stor vekt på at personen vi ansett høver i stillinga.

Vi tilbyr

• Eit hyggeleg og innovativt arbeidsmiljø
• Løn som førstekonsulent (stillingskode SKO1408) fastsett etter individuell vurdering innanfor eit spenn mellom kroner 464 000– 504 700 basert på kompetanse og erfaring
• Fleksibel arbeidstid og gode velferdsordningar

Søknaden skal innehalde

• søknadsbrev
• CV
• eventuelle attestar
• delt tilgang til Vitnemålsportalen

Søknad (ev. med vedlegg) må sendast inn via rekrutteringssystemet vårt, Jobbnorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn.

I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.

Kontaktinformasjon

• Avdelingsleiar Ingvill Nygård Bojer
• Personalkonsulent Liv-Hilde Vang (ved spm om elektronisk søknad)

Søk på stillingen