Om stillinga

ARENA Senter for europaforsking har eit ledig vikariat på opp til 11 månader (100 %) som seniorkonsulent (SKO 1363) grunna foreldrepermisjon. Vi søkjer ein dyktig og sjølvstendig kollega som kan starte snarleg.

Du vil få ansvaret for kommunikasjons- og formidlingsarbeidet ved ARENA, samt oppgåver knytt til formidling på to EU-finansierte prosjekt: EU3D og DiCE. Du vil vere ein av fire tilsette som samarbeider tett i ARENA sin administrasjon, i tillegg vil du jobbe tett på både senterleiar og forskarar.

Arbeidsoppgåver

• Ansvar for forskingsformidling på det internasjonale ARENA-koordinerte prosjektet EU3D, inkludert nettside, blogg, nyheitsbrev, Twitter, videoproduksjon, mediestrategi og samfunnskontakt
• Nettredaktør for prosjektet DiCE og del av ei gruppe som skal utvikle ein internasjonal portal for forsking på EU-differensiering
• Ansvar for ekstern kommunikasjon og formidlingsarbeid ved ARENA, inkludert nettsider, nyheitsbrev, sosiale medier, pressekontakt og samfunnskontakt, delta i nettredaksjonen og kommunikasjonsnettverket ved Det samfunnsvitskapelege fakultet
• Registrering og rapportering av publikasjonar, superbrukar på ARENA for det nasjonale forskingsinformasjonssystemet CRIStin.

ARENA er eit lite senter som er avhengig av å hente inn finansiering frå eksterne kjelder, særleg EU sine forskingsprogram og Noregs Forskingsråd. Prosjektporteføljen er i stadig utvikling, og administrasjonen samarbeider tett ved større søknader, rapportering og arrangement. Andre oppgåver kan difor kome til, og ansvarsfordelinga i administrasjonen kan gjennomgå endringar i tråd med denne utviklinga.

Kvalifikasjonskrav

• Du har relevant utdanning på bachelornivå eller høgare, helst innan samfunnsfag og senteret sine fagfelt. Dokumentert relevant arbeidserfaring kan kompensere for manglande formell utdanning.
• Du har kunnskap om, eller utdanning innan, dei faglege tema det vert forska på ved ARENA.
• Du har godt språk, både på engelsk og norsk, skriftleg og munnleg, og har evne til å formidle komplisert forsking i ulike format og kanalar.
• Du bør ha grunnleggande kunnskap om Den europeiske union og gjerne interesse for forsking på europeisk integrasjon og EU.
• Du bør ha erfaring med forskingskommunikasjon.
• Du bør ha erfaring med nettredigeringsverktøy (gjerne Vortex), Adobe-pakka og elles god kjennskap til ulike kommunikasjonskanalar og målgrupper.
• Det er eit føremon om du også har erfaring med administrasjon og drift av EU-finansierte forskingsprosjekt.

Personlege eigenskapar

Vi søker deg som

• Tek ansvar, og kan jobbe sjølvstendig, systematisk og effektivt
• Er kvalitetsmedveten, grundig og fleksibel
• Har gode samarbeidsevner
• Kan handtere og prioritere mellom ulike oppgåver samstundes og i eit tidvis hektisk miljø
• Bidreg til eit godt arbeidsmiljø

Det blir lagt avgjerande vekt på at du som person høver i stillinga.

Vi tilbyr

• Løn som seniorkonsulent (SKO 1363) mellom kr. 496 100 - 583 900 avhengig av kompetanse
• Eit godt, internasjonalt og fagleg stimulerande arbeidsmiljø
• Fleksibel arbeidstid, trening i arbeidstida og gode velferdsordningar og god pensjonsordning

Søknaden skal innehalde

• Søknadsbrev der du skriv om din motivasjon, bakgrunn og erfaring
• CV
• Relevante vitnemål med karakterutskrifter
• Namn på 2-3 referansar (inkludert tilknyting til søkjar, e-postadresse og telefonnummer).

Søknad med vedlegg må sendast via rekrutteringssystemet JobbNorge.

Andre opplysningar

Aktuelle søkjarar vil bli kalla inn til intervju.

I høve til offentleglova § 25, 2. ledd kan opplysningar om søkjaren bli offentleggjorde sjølv om søkjaren har bede om ikkje å bli oppført på søkjarlista.

UiO har eit personalpolitisk mål om å oppnå ei balansert kjønnssamansetjing og rekruttere personar med innvandrarbakgrunn. Eventuelt ved leiarstilling med mindre enn 40 % kvinnedel oppmodast kvinner særskild til å søkje.

I tillegg ønskjer UiO at medarbeidarane våre i størst mogleg grad speglar mangfaldet i befolkninga. Vi oppmodar difor kvalifiserte søkjarar med redusert funksjonsevne til å søkje stillinga. Som IA-bedrift vil vi leggje til rette for medarbeidarar med nedsett funksjonsevne.

Kontaktinformasjon

• Administrativ leiar: Ida Hjelmesæth, tlf: 97571833, e-post: ida.hjelmesath@arena.uio.no
• Prosjektleiar/seniorrådgjevar: Geir Ove Kværk, tlf: 99513791, e-post: g.o.kvark@arena.uio.no

Søk på stillingen