Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.
Sentraladministrasjonen gjev råd og bistand til leiing og fakultet ved Universitetet i Bergen.
Sentraladministrasjonen er organisert i sju avdelinger. Les meir om HR-avdelinga her.
Kunnskap som formar samfunnet
Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.
Vil du vere med å forme framtida?
Kommunikasjonsmedarbeidar (Seniorkonsulent)
Vi søkjer ein engasjert og initiativrik kommunikasjonsmedarbeidar i fast 100 % stilling. Stillinga er lagt til Seksjon for arbeidsmiljø og organisasjonsutvikling ved HR-avdelinga. Du blir ein del av eit aktivt og kompetent fagmiljø med oppgåver som femnar om systematisk HMS-arbeid, beredskap og berekraft, samt organisasjons- og kompetanseutvikling.
Hovudoppgåvene i stillinga vil vere knytt til kommunikasjonsarbeid og prosjektstøtte. Vi oppfordrar nyutdanna til å søkje
Arbeidsoppgåver:
Planlegge og gjennomføre interne kommunikasjonsaktiviteter
Produsere og publisere digitalt innhald til interne målgrupper
Koordinere og vidareutvikle HR-avdelinga sine nettsider
Støtte prosjektleiarar i gjennomføring av prosjektaktivitetar
Samarbeide med andre relevante interne og eksterne grupper
Arbeidsoppgåvene i stillinga kan bli endra ved behov
Kvalifikasjonar og eigenskapar:
Relevant utdanning på bachelornivå, alternativt relevant arbeidserfaring
Erfaring med kommunikasjons- og nettsidearbeid
God digital kompetanse
Svært god munnleg og skriftleg formulerings- og framstillingsevne på norsk og engelsk
Sjølvstendig, nysgjerrig og løysningsorientert
Gode relasjonelle eigenskapar og samarbeidsevner
Personlege eigenskapar som er naudsynte for stillinga vil bli vektlagt
Vi kan tilby:
Spanande og utviklande arbeidsoppgåver i et stort og stimulerande arbeidsmiljø
Høve til fagleg og personleg utvikling og utstrekt kontakt med andre fagmiljø
Stilling som seniorkonsulent (kode 1363) i lønnstrinn 56-62 (for tida kr. 507 600 - 563 900 brutto) i det statlege lønsregulativet. For særleg kvalifiserte søkjarar kan høgare løn bli vurdert.
Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personer med nedsett funksjonsevne blir oppmoda om å søkje stillinga.
Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.
