Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi, samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Avdeling for forsking, internasjonalisering og innovasjon omfattar felles administrasjon og forvaltning knytt til høgskulen sin forskings- og innovasjonsaktivitet samt internasjonaliseringsaktivitet. Avdelinga skal utviklast vidare og støtte opp under den faglege profilen og universitetsambisjonen til HVL.
Høgskulen på Vestlandet, Avdeling for forsking, internasjonalisering og innovasjon har ledig ei fast stilling i 100% som rådgjevar/seniorrådgjevar innan forskingsbasert innovasjon
Vi søker ein rådgjevar/seniorrådgjevar som ynskjer å jobbe med forskingsbasert innovasjon og ekstern finansiering ved HVL.
Rådgjevaren/seniorrådgjevaren vil bli ein del av i eit administrativt fagmiljø som yter rådgjeving og støtte til HVL-leiinga og fakulteta innan:
Ekstern finansiering av forsking og innovasjon.
Forskingsetikk og personvern i forsking.
Avtale- og kontraktsinngåing knytt til forsking og innovasjon.
IPR og nyttiggjering av forskingsresultat.
Forskarutdanning.
Strategisk utviklingsarbeid knytt til forsking og innovasjon.
Arbeidsstad er ved ein av høgskulen sine fem campus.
Ansvars- og arbeidsoppgåver:
Stillinga omfattar administrasjon og rådgjeving knytt til høgskulen sine forskings- og innovasjonsaktivitetar med særskilt fokus på å:
Bidra i avdelinga sitt arbeid knytt til forskingsbasert innovasjon og kommersialisering av forsking.
Yte rådgjeving og administrativ støtte i utvikling av søknadar mot eksterne finansieringskjelder for forsking- og innovasjonsprosjekt, samt i oppfølging av innvilga prosjekt.
Bidra til å styrke samhandling mellom forskingsmiljøa ved høgskulen og andre regionale, nasjonale og internasjonale aktørar.
Bidra til utgreiing og analysar innan ansvarsområdet.
Bidra til utarbeiding av saker til råd og utval, og utvikling av strategiar og planar innan ansvarsområdet.
Kvalifikasjonskrav:
Formell utdanning og kompetanse:
Høgare utdanning på minimum masternivå.
Relevant kompetanse og erfaring tilpassa funksjonane i stillinga.
God munnleg og skriftleg framstillingsevne på norsk og engelsk.
God digital kompetanse.
Ønska kvalifikasjonar:
Relevant erfaring med kommersialisering av offentleg finansiert forsking, herunder kjennskap til Forskingsrådet sine ordningar for dette.
Kjennskap til ulike typar immaterielle rettar (IPR) og handtering av slike.
Relevant erfaring med EUs rammeprogram for forsking og innovasjon.
Kjennskap til universitets- og høgskulesektoren eller andre kunnskapsorganisasjonar.
Personlege eigenskapar:
Gode samarbeids- og kommunikasjonsevner.
Evne til å arbeide sjølvstendig og løysingsorientert, ta initiativ og vere ein pådrivar.
Evne til å arbeide strukturert og systematisk.
Stor arbeidskapasitet og god serviceinnstilling.
Omgjengeleg og med evne til å trivast i eit travelt miljø.
Vi tilbyr:
Gode pensjons-, forsikrings-, og låneordningar i Statens pensjonskasse
Spennande fagmiljø med moglegheit for kompetanseheving - og utvikling
Høve for trening i arbeidstida
Stillinga som rådgjevar/seniorrådgjevar er løna etter Statens lønsregulativ, i stillingskode 1434 - rådgjevar/ 1364 - seniorrådgjevar.
Frå løna vil det bli trekt 2 % innskot til Statens pensjonskasse.
Korleis søke på stillinga?
Send søknad og CV ved å klikke på knappen merka ”Søk stilling” på denne sida.
Det er søkjar sitt ansvar å sørgje for at alle relevante vedlegg er lagt inn innan fristen, som attester og vitnemål. Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjar sjølv laste opp attesterte omsetjingar. Dersom vedlegga overskrid 50 MB må dei komprimerast før opplasting eller leggjast ved som lenkje.
Søkjar med utenlandsk utdanning må i tillegg legge ved NOKUT si generelle vurdering om at utdanninga (bachelor- og mastergrad) samsvarar med norsk mastergrad. Sjå www.nokut.no for meir informasjon om vurdering av høgare utdanning. Vi gjer merksam på at søknad om vurdering frå NOKUT kan ta tid og søknaden bør sendast så tidleg som mogleg når du veit du vil søkje stipendiatstillinga. Dersom du ikkje har fått svar innan søknadsfristen, legg du ved dokumentasjon frå NOKUT om at dei har mottatt søknaden din.
Søknadar kan ikkje sendast på e-post til enkeltpersonar ved høgskulen.
Generell informasjon:
Vi gjer merksam på at unntak frå den offentlege søkjarlista blir handsama etter reglane i Offentleglova. Søkjarar som har bede om slikt unntak, blir varsla dersom ønskje ikkje vert teke til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er derfor eit personalpolitisk mål å oppnå ei balansert alders- og kjønnssamansetjing og rekruttere personar med minoritetsbakgrunn, nedsett funksjonsevne og hol i CV.
Arbeids- og opphaldsløyve i Norge er ein føresetnad for å tiltre stillinga.
Høgskulen på Vestlandet er underlagt forskrift for eksportkontrollsystem. Forskriften kan komme til anvending i behandlingen av søknadane.
Vi tek atterhald om at stillinga si plassering i organisasjonen kan bli endra som følgje av ev. justeringar i HVL si interne organisering.
