Toårig vikariat som høgskulelektor / høgskulelærar i vernepleie
Søknadsfrist: 16.01.2022
Høgskulen på Vestlandet
Høgskulen på Vestlandet (HVL) er ein av dei største høgskulane i landet, med om lag 1 800 tilsette og 16 000 studentar fordelte på fem campus i Førde, Sogndal, Bergen, Stord og Haugesund.
Vi har sterke og innovative fagmiljø innan helse- og sosialvitskap, ingeniør- og naturvitskap, økonomi og samfunnsvitskap og maritime studier, og lærarutdanning, kultur og idrett. HVL tilbyr bachelor-, master- og doktorgradsutdanningar og ulike årsstudium.
HVL er tett på arbeidslivet, regionen og studentane, og har mål om å bli eit universitet med profesjons- og arbeidslivsretta profil.
Fakultet for helse- og sosialvitskap har om lag 370 tilsette og om lag 4500 studentar. Vi har eit breitt utdanningstilbod innan helse- og sosialfaglege profesjonsutdanningar, etter- og vidareutdanningar og fleire masterprogram. Fakultetet tilbyr ph.d.-utdanninga "Helse, funksjon og deltaking". I tillegg har Fakultet for helse- og sosialvitskap ansvar for forskingsområdet: "Innovasjon i offentleg sektor" i ph.d.-utdanninga Responsible Innovation and regional Development (RESINNREG), som er eit samarbeid på tvers av fakulteta.
Studentane våre får omfattande ferdigheitstrening i tillegg til praksis, mellom anna gjennom øvingar i kommunikasjon og utprøving ved eit avansert simuleringssenter, SimArena. Vi praktiserer fleksible læringsformer der studenten sjølv blir utfordra til å delta i forsking og utviklingsarbeid.
Ved Institutt for velferd og deltaking er vi 90 ansatte og 1300 studenter fordelt på studiestadane Bergen og Sogndal. Vi tilbyr bachelorutdanningar i sosialt arbeid, vernepleie og barnevern, og tverrfaglege masterutdanningar i Samfunnsarbeid, Psykisk helse og rusarbeid og Familieterapi og relasjonelt arbeid, i tillegg til andre etter- og vidareutdanningar. Forskinga ved instituttet er fleirfagleg og rettar seg mot heile det helse - og sosialvitskaplege feltet. Både forsking og undervisning ved instituttet har sosial deltaking som kjerneverdi. Det gjeld deltaking gjennom involvering av tenestemottakarar, samt deltaking i sivilsamfunnet, arbeidslivet og i eigen individuell prosess.
Høgskulelektor / høgskulelærar innan fagområde vernepleie
Ved Høgskulen på Vestlandet (HVL) er det ledig 2 mellombelse stillingar i 100 % som høgskulelektor/høgskulelærar innan fagområde vernepleie ved Fakultet for helse-og sosialvitskap – campus Bergen
Bachelor i vernepleie er i vekst!
Det er ledig inntil to 100 % stillingar som høgskulelektor/høgskulelærar i vernepleie. Stillingane er knytt til Fakultet for helse- og sosialvitskap, Institutt for velferd og deltaking, fagseksjon bachelor i vernepleie.
Vi ønskjer å styrke kompetansen innan internasjonalisering, helsefag og miljøterapeutisk arbeid og pedagogikk.
Stillinga er i hovudsak knytt til bachelorutdanninga innan vernepleie, men ein må også rekne med undervisnings- og rettleiingsoppgåver på andre studietilbod i instituttet.
Arbeidsstad er campus Bergen, og det må påreknast noko reiseverksemd i stillinga mellom campus Haugesund og campus Sogndal.
Ansvars- og arbeidsområde:
Undervisning, rettleiing og evaluering innan fagområde vernepleie og emne knytt til fagseksjonen sine studieprogram og fakultetet sine forskingsprofilar
Oppfølging og rettleiing av studentar, ferdigheitstrening, evaluering og sensuroppgåver
Bidra til forsking knytt til fagseksjonen sine studieprogram i tillegg til fakultetet sine forskingsprofilar
Bidra innan dei ulike faglege institusjonsbyggande oppgåvene, som til dømes studiekoordinering, emneansvar og utvikling av forskingsgruppene
Forsking- og utviklingsarbeid med relevans for fagområde vernepleie
Delta i utviklinga av nye relevante forskingsprosjekt og utarbeide søknadar om ekstern finansiering saman med kollegaer i fagmiljøet
Samarbeid om utdanning og forsking internt i høgskulen, og med nasjonale og internasjonale samarbeidspartnarar
For tilsetting som høgskulelektor må søkjar ha relevant helse- og sosialfagleg grunnutdanning og mastergrad med tilsvarande fagleg relevans. Interesse og motivasjon for å oppnå førstekompetanse blir vektlagt.
For tilsetting som høgskulelærar må søkjar ha relevant helse og sosialfagleg profesjonsutdanning. Det er ønskjeleg at søkjar har opptak på relevant masterutdanning.
Interesse for og/eller erfaring med pedagogisk utviklingsarbeid, varierte undervisningsformer og internasjonaliseringsarbeid frå undervisning og rettleiing i høgare utdanning
Relevant klinisk erfaring og praksisnær kompetanse
God munnleg og skriftleg framstillingsevne på norsk eller skandinavisk språk i tillegg til engelsk
God IKT-kompetanse
Ønska kvalifikasjonar:
Erfaring frå relevante forskings- og utviklingsprosjekt, som til dømes erfaring med å skaffe ekstern finansiering og med utvikling av forskings- og utviklingsprosjekt saman med praksisfeltet
Erfaring med internasjonalt samarbeid og/eller arbeidserfaring
Erfaring med undervisning og rettleiing i høgare utdanning
Erfaring og kunnskap om nye digitale undervisningsformer
Personlege eigenskapar:
Sjølvstendig og ansvarleg, kreativ og løysingsorientert
Positiv innstilling og god evne til å samarbeide med både studentar og kollegaer
God evne til formidling
Engasjement og interesse for fagleg utvikling
Korleis søke på stillinga?
Send søknad og CV ved å klikke på knappen merka ”Søk stillinga” på denne sida.
Vi gjer merksam på at søknaden blir vurdert ut frå den informasjonen som ved søknadsfristen er lagt inn i www.jobbnorge.no. Det er søkjaren sitt ansvar å sørgje for at alle relevante vedlegg er lagt inn innan fristen, irekna:
vitskaplege arbeid (inntil 15 stk.)
fullstendig publikasjonsliste
attestar og vitnemål.
Dersom vitnemål, karakterutskrifter eller anna dokumentasjon ikkje er på eit skandinavisk språk eller engelsk, må søkjaren sjølv laste opp attesterte omsettingar. Om vedlegga overstig 25 MB må dei komprimerast før opplasting eller leggjast ved som lenke.
Søknadane vert sendt elektronisk til det sakkunnige utvalet. På bakgrunn av utvalet si vurdering, vil aktuelle søkjarar bli kalla inn til intervju og prøveundervisning. Søknadar kan ikkje sendast på e-post til enkeltpersonar ved høgskulen.
Vi tilbyr:
Gode pensjons-, forsikrings-, og låneordningar i Statens pensjonskasse
Spennande fagmiljø med moglegheit for kompetanseheving- og utvikling
Høve for trening i arbeidstida
Stillinga som høgskulelektor/ øvingslærar-/høgskulelærar er lønna etter Statens lønsregulativ, i stillingskode 1008 høgskulelektor / 1007 øvings-/høgskulelærar.
Frå løna blir det trekt 2 % innskot til Statens pensjonskasse.
Generell informasjon:
Vi gjer merksam på at i tråd med offentleglova, kan opplysningar om søkjaren bli gjort offentleg sjølv om søkjaren har bede om å ikkje bli oppført på søkjarlista. Søkjaren vil bli varsla dersom førespurnad om unntak for offentleggjering ikkje vert teken til følgje.
Den statlege arbeidsstyrken skal i størst mogleg grad spegle mangfaldet i befolkninga. Det er av den grunn eit personalpolitisk mål å oppnå ei balansert alders- og kjønnssamansetting og å rekruttere personar med minoritetsbakgrunn, nedsett funksjonsevne og hol i CV.