Forskar (mellombels) - Klinisk institutt 2

Universitetet i Bergen

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og sju senter. Les meir om fakultet og tilhøyrande institutt.

Kunnskap som formar samfunnet

Gjennom eit sterkt og tett samspel med omverda - globalt, nasjonalt og lokalt - skal vi medverke til eit samfunn bygd på kunnskap, ferdigheiter og haldningar.

Vil du vere med å forme framtida?

Forskar (mellombels)

Ved Det medisinske fakultet, Klinisk institutt 2, er det ledig ei mellombels stilling som forskar (100 %) for ein periode på ni (9) månadar frå tilsetjing januar 2021. Stillinga er finansiert av Det medisinske fakultet, og er knytt til prosjektet «Stem-cell based endocrine models”.».

Om prosjektet/arbeidsoppgåver:

• Reprogrammering av pasientfibroblaster til induserte pluripotente stamceller (iPSCs)
• Målretta differensiering av iPSCs mot endokrine cellelinjer
• Genredigering og karakterisering av iPSC-baserte modellar med ulike teknikkar
• Deltaking i innhenting av klinisk informasjon og biobankmateriell

Kvalifikasjonar og eigenskapar:

• søkjar må ha relevant norsk ph.d.-grad eller tilsvarande doktorgrad
• søkjar må vise til røynsle med stamcelle- eller utviklingsbiologiske metodar og genredigerings-metodar
• tidlegare vitskaplege merittar vil bli sterkt vektlagde i evalueringa så vel som røynsla frå relevante forskingsprosjekt
• røynsle med forsking på endokrine sjukdommar, vil bli vektlagt i evalueringa
• det er ønskjeleg at vedkomande har erfaring med rettleiing, undervisning og utarbeiding av prosjektsøknadar
• evne til sjølvstendig initiativ og evne til samarbeid vert vektlagt i vurdering av søkjarane
• kandidaten må ha høg arbeidskapasitet og entusiasme for forsking
• søkjar må vere særs god i munnleg og skriftleg engelsk
• det er ein føremon om kandidaten har erfaring frå internasjonalt samarbeid

Vi kan tilby:

• eit godt og utfordrande arbeidsmiljø i forskingsfronten innan regenerativ endokrin medisin
• løn etter lønssteg 59 - 62 (kode 1109/lønsramme 24.3 – 24.6) i lønsregulativet til staten ved tilsetjing, for tida 523 800 – 552 800 kr brutto pr. år for ei fulltidsstilling, vidare opprykk skjer etter tenesteansiennitet i stillinga.
• medlemsskap i Statens pensjonskasse
• gode velferdsordningar

Søknaden skal innehalde:

• eit søknadsbrev der du skriv om din motivasjon, kvifor du søkjer stillinga og kvifor du passer til denne
• ei oversikt over utdanning og arbeidserfaring (CV)
• attesterte kopiar av vitnemål og relevante attestar (Søkjarar med utanlandsk utdanning må leggje ved både vitnemål på original språket og autoriserte omsetjingar)
• publikasjonar, vitskaplege/faglege arbeid du ønskjer at det skal takast omsyn til ved vurderinga (maks 10 i pfd) og ei liste over desse
• doktorgradsavhandlinga (pdf)
• to referansar (namn og kontaktinformasjon)

Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som pdf vedlegg til søknaden.

Generell informasjon:

Utfyllande opplysningar om stillinga kan ein få ved å vende seg til:

• Professor Helge Ræder, tlf.: +47 55975263, e-mail: Helge.Rader@uib.no

Den statlege arbeidsstyrken skal i størst mogleg grad spegle mangfaldet i befolkninga. Personar med innvandrarbakgrunn og personar med nedsett funksjonsevne blir oppmoda om å søkje stillinga.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Nærare om tilsettingsprosessen her.

Søk på stillingen