Postdoktor (3 år) ved Centre for Cancer Biomarkers (CCBIO), Klinisk institutt 1

Universitetet i Bergen er ein anerkjend utdannings- og forskingsinstitusjon, organisert i sju fakultet og omlag 54 institutt og faglege senter. Campus ligg i sentrale delar av Bergen med universitetsområde på Nygårdshøyden, Haukeland, Marineholmen, Møllendalsveien og Årstad.

Det medisinske fakultet består av fem institutt og åtte senter. Les meir om fakultet og tilhøyrande institutt.  

Kunnskap som formar samfunnet

UiB skal vere blant Europas fremste universitet, internasjonalt kjent for høg kvalitet i forsking og utdanning. Som samfunnsinstitusjon skal vi bidra til ei berekraftig og demokratisk utvikling og vere ein attraktiv og inkluderande studie- og arbeidsplass.

...

(Video unable to load from YouTube. Accept cookie and refresh page to watch video, or click here to open video)

Postdoktor (3 år) ved Centre for Cancer Biomarkers (CCBIO), Klinisk institutt 1

Ved Det medisinske fakultet, ved Centre for Cancer Biomarkers, Klinisk Institutt 1, er det ledig ei stilling som postdoktor (100 %) for ein periode på tre (3) år. Stillinga er knytt til prosjektet ”Cancer-neuron synapses and behavior of breast cancer”, finansiert av Kreftforeningen og Brystkreftforeningen (Rosa sløyfe). 

Om prosjektet/arbeidsoppgåver:

• Dette prosjektet undersøkjer og kartlegg funksjonelle interaksjonar mellom perifere nerver og brystkreftceller ved å kombinere avanserte vevstudier med eksprimentelle cellemodellar.

• Postdoktoren vil arbeide med humane samkulturmodellar basert på stamcelle-genererte nevron og brystkreftorganoider, samt klinisk vevsmateriale, for å undersøkje kontaktpunkt mellom kreftceller og nerver ved hjelp av multipleks immunfluorescens, enkeltcelle- og enkeltkjerne transkriptomikk og proteomikk profilering.

Kvalifikasjonar og eigenskapar:

• Søkjar må ha oppnådd norsk ph.d.-grad eller tilsvarande utdanning innanfor nevrobiologi/ kreftbiologi eller tilsvarande innan eit relevant forskingsfelt eller ha levert doktoravhandlinga innan søknadsfristen. Det er ein føresetnad at doktorgraden er oppnådd før tilsetjing kan skje og seinast innan 5 månadar etter søknadsfrist.

• Dokumentert praktisk erfaring med isolering, kvalitetsvurdering og preparering av enkeltcelle- og/eller kjernesuspensjoner frå komplekst biologisk materiale for påfølgjande enkeltcelle- eller enkeltkjerne-transkriptomisk profilering, er eit krav.

• Praktisk erfaring med generering av enkeltcelle- eller enkeltkjerne-RNA-sekvenseringsdata ved bruk av 10x Genomics eller tilsvarande plattformar, inkludert kvalitetskontroll av prøvar og bibliotekpreparering, er eit krav.

• Søkjaren må ha sterke, sjølvstendige ferdigheter innan bioinformatikk og programmering i R, Python eller tilsvarande. Søkjaren må kunne gjennomføre helhetlig analyse av enkeltcelle- og/eller enkeltkjerne-RNA-sekvenseringsdatasett. Dette omfattar kvalitetskontroll, normalisering, dimensjonsreduksjon, clustering, annotering av celletyper, differensielt genuttrykk, dataintegrering, visualisering og biologisk tolkning.

• Gode munnlege og skriftlege engelskkunnskapar vert krevde, saman med en dokumentert publikasjonsliste innan vitenskapelig forsking.

Det er særleg ynskeleg at søkjar har:

• Erfaring med nevronale cellekulturer, stamcelle-genererte nevronale cellepopulasjoner, tumorinnervasjon, synapser eller nevrobiologi.

• Erfaring med spatial molekylær profilering, inkludert spatial transkriptomikk eller proteomikk, multipleksavbilding og/eller integrering av spatial transkriptomikk med enkeltcelle-RNA-sekvenseringsdatasett.

Det vil telje positivt om søkjar har erfaring frå relevante forskingsprosjekt.

Særeigne krav til stillinga:

Me søkjer ein sjølvstendig og strukturert forskar med evne til å planlegge, gjennomføre og ferdigstille komplekse forskingsoppgåver. Søkjaren må vise til gode samarbeidsevner, vise interesse for rettleiing av studentar og eit engasjement for å bidra til eit inkluderande og produktivt forskingsmiljø. Vidare må søkjar ha evne til å kombinere praktisk laboratoriearbeid med kvantitativ dataanalyse.

Personlege eigenskapar blir vektlagd ved vurderinga.

Om postdoktorstillinga:

Postdoktorstillinga er ei åremålsstilling og har som hovudmål å kvalifisere den som blir tilsett for arbeid i faglege toppstillingar. Ingen kan tilsetjast i meir enn ein åremålsperiode som postdoktor ved same institusjon. 

Den tilsette kan bli pålagt pliktarbeid i form av undervisning og liknande arbeid ved instituttet.

Søkjarar skal ved tilsetjing kome med framlegg til plan for kvalifiseringsarbeidet som inneheld ein framdriftsplan. Ved postdoktorstilling knytt til eksternt finansierte prosjekter, vil fullføring av planen for kvalifikasjonsarbeidet skje i dialog med prosjektleiar/senterleiar. Det er ein føresetnad at den som blir tilsett gjennomfører prosjektet i løpet av tilsetjingsperioden.

Vi tilbyr:

• Spanande og utviklande arbeidsoppgåver i eit sterkt fagmiljø

• Løn for tida kr 690 000 (kode 1352) i lønsregulativet i staten for søkjar med profesjonsstudie i medisin og odontologi er løn for tida kr 700 000. For søkjarar med spesialistutdanning er løn for tida kr 725 000 (For søkjarar som har spesialistutdanning, må det leggjast ved spesialistgodkjenning frå Helsedirektoratet).

• Medlemsskap i Statens pensjonskasse

• Gode velferdsordningar

Søknaden skal innehalde:

• ei kort utgreiing om søkjaren sine forskingsinteresser og motivasjon for å søkje stillinga  

• karakterutskrifter og vitnemål (søkjarar med utanlandsk utdanning må leggje ved både vitnemål på original språket og autoriserte omsetjingar) og dokumentasjon på innlevert avhandling

• relevante attestar

• publikasjonsliste

• vitskapelege arbeid. Det er særs viktig at kvart av dei vitskaplege arbeida som det skal takast omsyn til ved vurderinga i sin heilskap vert lasta opp som vedlegg til søknaden (pdf)

• to referansar (namn og kontaktinformasjon) 

Generell informasjon:

Utfyllande opplysningar om stillinga kan ein få ved å vende seg til Heidrun Vethe, e-post: Heidrun.Vethe@uib.no 

For HR-relevante spørsmål ta kontakt med HR-rådgjevar Iris Walle, e-post: iris.walle@uib.no 

Mangfald er ein styrke og gjer at vi kan løyse oppgåvene våre endå betre. UiB treng difor kvalifiserte medarbeidarar uavhengig av kjønn, etnisitet, religion, livssyn, funksjonsnedsetjing, seksuell orientering, kjønnsidentitet, kjønnsuttrykk og alder.

Universitetet i Bergen nyttar meirinnsyn ved tilsetjing i vitskaplege stillingar.

Opplysningar om søkjaren kan bli gjort offentlege sjølv om søkjaren har oppmoda om ikkje å bli ført på søkjarlista. Dersom oppmodinga ikkje blir teke til følgje, skal søkjaren varslast om dette.

Vi oppmodar søkjarar med funksjonsnedsetjing, innvandrarbakgrunn eller hól i CV-en til å søke. Dersom du kryssar av for dette i søknaden kan du bli positivt særbehandla. Vi inviterer alltid minst ein kvalifisert søkjar frå kvar av desse gruppene til intervju.

Nærare om tilsettingsprosessen her.

 Søk på stillingen