NIBIO

NIBIO arbeider med landbruk, mat, klima og miljø. Vi leverer forsking, forvaltingsstøtte og kunnskap til bruk i nasjonal beredskap, forvalting, næringsliv og samfunnet elles. NIBIO har hovudkontor i Ås i Akershus, har om lag 700 tilsette, og er til stades i alle landsdelar. Landbruks- og matdepartementet er eigar av NIBIO.

Avdeling fôr og husdyr har 21 tilsette fordelt på sju lokalitetar. Avdelinga har ei sentral rolle i utvikling av kunnskap for konkurransedyktig matproduksjon og berekraftig utnytting av ressursgrunnlaget for norsk husdyrproduksjon.

Avdelinga arbeider med kunnskapsutvikling og formidling om produksjon og bruk av grovfôr innan områda jord og klima, dyrkingsteknikk, arts- og sortsblandingar, beitedrift, fôrkonservering og fôrutnytting, samt velferd hos dyr. I tillegg blir det arbeidt med miljøspørsmål, klimagassreduksjon frå jordbtuket og utvikling av drøvtyggarbaserte produksjonssystem.

På Fureneset samarbeider ein tett med fire andre forskarar og tre ingeniørar, og har kontorfellesskap med NLR og TINE. Det er eit tett samarbeid innanfor avdelinga, mellom avdelingar i NIBIO og med andre nasjonale og internasjonale forskingsinstitusjonar.

Til vår eining Fureneset i Fjaler i Vestland søkjer vi Forskar innan grovfôr

Nøkkelinformasjon

Avdeling Fôr og husdyr har ledig ei forskarstilling ved NIBIO Fureneset i Fjaler i Vestland. Arbeidsområdet for stillinga er forsking og utvikling innan grovfôrproduksjon på Vestlandet og i landet generelt. Arbeidet er knytt til etablerte prosjekt innan fôrkvalitet (Klimagrovfôr, Engprot) og robotisering (GrassRobotics), husdyrgjødsel og beitebruk i utmark.

Ein tek del i prosjektgrupper med samarbeid mellom NIBIO, NMBU, NLR og fleire. Til stillinga ligg utvikling av nye prosjekt, og ein har gode moglegheiter for utvikling og kompetanseheving. Formidling og samarbeid med næring og forvalting står sentralt.

Hovudoppgåvene til stillinga

• Forskingsoppgåver knytt til etablerte prosjekt
• Utvikling av nye forskingsprosjekt innan avdelinga sine fagområde
• Forsøkstekniske oppgåver innan jord- og plantekultur
• Formidling til landbruksnæring og forvalting i fagartiklar og rapportar, og vitskapleg publisering
• Kontakt med regionalt næringsliv, forsknings- og utviklingsmiljø

Kvalifikasjonskrav

• Mastergrad i jord- og plantekultur eller tilsvarande med stor relevans for stillinga
• Gode ferdigheiter i norsk eller anna skandinavisk språk, munnleg og skriftleg
• Gode ferdigheiter i engelsk, munnleg og skriftleg

Det er ein fordel om du har

• Kunnskap om norsk landbruk
• Kjennskap til praktisk jordbruk og grovforbasert husdyrproduksjon
• Interesse for og erfaring med prosjektarbeid
• Erfaring med praktisk forsøksteknisk arbeid

Personlege eigenskapar

• Ansvarsfull, målretta og initiativrik
• Gode kommunikasjons- og samarbeidsevner
• Positiv bidragsytar til arbeidsmiljøet

Vi tilbyr

Stillinga er plassert i statleg lønsregulativ som forskar kode 1108 (master) eller kode 1109 (doktorgrad), lønssteg 53-74 (kr 472.000 - 691.400 pr. år). Forskar med relevant doktorgrad vert minimum løna i lønssteg 59 (kr 523.200). Løn blir vurdert etter utdanning og erfaring.

Gode moglegheiter for utvikling og kompetanseheving.

Medlemskap i Statens Pensjonskasse, noko som inneber ei god tenestepensjonsordning, yrkesskade- og gruppelivsforsikring, og tilbod om bustadlån til ei gunstig rente.

Treng du meir informasjon?

Kontakt:

• Avdelingsleiar/forskingssjef Mats Höglind, tlf 404 75 391, eller
• Stasjonsleiar på Fureneset, Synnøve Rivedal, tlf 975 85 474

Korleis søkja på stillinga

Søknad med CV sendar du elektronisk via lenkje på denne sida, "Søk stillinga".

Vitnemål og attestar skal takast med ved eit eventuelt intervju, eller leggjast ved elektronisk.

Generelle opplysingar

Vi legg vekt på mangfald på arbeidsplassen og oppmodar kvalifiserte kandidatar til å søkja - uavhengig av alder, kjønn, funksjonsevne, nasjonal eller etnisk bakgrunn.

Vi gjer merksam på at opplysingar om søkjaren kan verte gjorde offentlege, jf. Lov om rett til innsyn i dokumenter i offentleg verksemd (offentleglova), § 25. Ein søkjar kan be unntak frå oppføring på den offentlege søkjarlista. Dersom oppmodinga ikkje vert teken til følgje, vert søkjaren varsla om dette.

Søk stillinga